المتزوجه مو زي البنت

1. يعني اذا تزوجت لازم تغير شوي من حركاتها ولبسها وكلامها ودلعها ؟

بدخل بالموضوع
شرايكم باللي ينقدون على المتزوجه وخاصه اللي عندها اطفال لبسها وحركاتها اذا ضلت تسويهم من يوم كانت بنت عزوبيه

يعني اذا تزوجت لازم تغير شوي من حركاتها ولبسها وكلامها ودلعها ؟

واذا لبست لبس بنوتي ينقدونها يعني متزوجه ومعها طفل ولابسه لبس كيوت وبنوتي على قولتهم ههه يستحقرونها كثير ااسمعهم وتعرفون اللي هابين فيه والالوان الغريبه والحركات تعرفون انتم اللبس هذا مع اني مااييده سواء للبنت او المتزوجه لانه عاري الله يستر علينا
ولو تسوي اي حركه او تستهبل مع البنات نقدوها حتى لو كانت عمرها بالعشرينات يعني متزوجه المفروض تثقل والبنت عادي مثلا لو تركب دباب قالوا متزوجه وام عيال وتركبين دباب ولا تلعبين ولا تناقزين وتلقون فيه بنات بعمرها لسى ماتزوجوا عادي كل شي تسويه لانها لسى بنوته وهذي خلاص تزوجت كبروها كل شي محسوب عليها
لدرجه اذا شافوا وحده دلوعه بكلامها ومياقه ونعومه وهي متزوجه وعندها عيال يتمسخرون فيها واذا بنت لا عادي بالعكس انا عادي ماعمري نقدت كل وحده تعيش عمرها لو عندها درزن عيال انا عادي احيانا حركاتي حركات بنات مراهقات ام 15 وتحت وش اسوي غصب هذي انا
بعد بشتري اشرطه بلاستيشن بلعب ان شاء الله لان اشرطتي خربت ولاعلي من احد كأني بزر بناقز وبعلب بالسيكل وسكوتر < قديمه ك والعب تركيبه واونو وكل شي بس ماعلي من احد
لكن مجتمعنا مادري وش فيهم عقدونا
لي يش ؟
هذا الموضوع نقلته من احد المنتديات.
بصراحه انا اشوف عادي اذا عشت حياتي مو عيب اني استمتع بحياتي حتى لو انا متزوجه (نفسك عليك حقا).
وكلام الناس ما يهمني لاني ما سويت شي غلط.
انا ادردش بالبي بي مع صديقاتي
اسهر على النت
احضر حفلات البنات
العب بالبلاي ستيشن
اسلوبي في الملابس ما تغير بعد زواجي
حتى اني في العزايم اقعد مع البنات
وفيه من بنات عمي وعماتي عزابيات وفيه متزوجات واعمارنا قد بعض انا عمري 24 اغلبنا 24 وفيه 25 و26 و27 ننسجم مع بعض.
وبصراحه سواليف البنات حلوه: (افلام ,مسلسلات,الموضه,المكياج,موديلات الجولات)
اما الحريم:
(فلانه صقطت ,فلانه بتتزوج وبتاخذ من ال فلان , ولدي تعبان ,ولدي سوا كذا , بنتي شريت لها كذا , طريقة الطبخات والحلا )
انا احب سواليف البنات
بس لما اروح لاهل زوجي اقعد مع الحريم لان صعبه اتركهم واقعد مع بناتهم وبناتهم اصلا ما امون عليهم مره.
كل وحده تدخل وتقول راييها في الموضوع
انتظر المشاركات