المخطوبين والمخطوباات يدخلوا بليز آنا بحاجتكم

السلآم عليكم ورحمة الله وبركاته..
بصراحه ذا آول موضوع لي بذا المنتدى الرائع ..وآنا من قراء مواضيع منتداكم المميز..
لجأت لكم بعد مالآحظت الردود المفيدة وابداء ارائكم الآكثر من رائعه لكل من تواجهه مشكله,,
آنا لسى مخطوبه صارلي شهر واربع آيام ..واخذنا بعض عن حب طاهر برئي يعني ابدآ مااحتكيت فيه قبل الخطوبه آنا حابسه مشاعري بقلبي وهو بس اللي يحكي لآمي لانو ولد اختها..وآنا واذا حكيت حكيت الشي البسيط مثل توصيل سلآم وبس..مع انو الكل عارفين قد ايش احبه..
المهم..
من الطبيعي انو البنت فترة خطوبتها تكون خجوله وماتحكي كثير واذا حكت (كلمه ورد غطاها)
وآنا من النوع اللي حكيه قليل وخجوله مره خطيبي جنني يقول قبل الخطوبه كنت بقول ذلحين مجهزتلي حكي الدنيا وما فيها واكيد بتعبر عن مشاعرها اللي كاتمتها كل ذي السنين..
ويقول تفاجأت بغير كذا تمامآ يقول نفسي اللاقي لذا السكوت تفسير وحل..
آنا قلت له شي طبيعي اللي آمر فيه مع اني والله دائمآ اقوله آحبك وكلام حب وأسأل وابين اهتمامي بس ماادري ايش يريد بالظبط حيرني معاه قسم بالله آمس بكيت حتى عيوني احمروا من كثر البكي ..
بنات تكفون اللي آنا فيه وسكوتي آمر طبيعي والا كيف؟؟
بصراحه اذا جيت احكي له اتلعثم ويضيع الحكي كله مدري ايش اسوي؟؟
مع اني موت احبه ووحابه ارضيه مهما يكون ومو حابه اكون ناقصه بعيوونه..
شباب بليز اللي خاطبين ايش تريدون بالظبط من خطيباتكم؟؟ايش الحكي والمواضيع اللي تفضلونها..؟؟
المصيبه آنا الكبيره وماعندي خبره ابدآ بذي المواضيع يعني انا اللي برأس المدفع..
وان شاء الله اللاقي فيكم خواات واخوان يفيدوني بتجاربهم,,
يابنات اللي مخطوبين تكفون ايش المواضيع اللي تحكيها لخطيبك؟؟
وربي تعبت من كثر مايقول لي آنا محتااج منك حكي..
مدري ايش الحل واللي آمر فيه شي طبيعي؟؟؟؟؟؟؟؟؟
تكفون افيدوني شباب وبنات واللي متزوجين عارفين الحياة زين..
عن جد آنا بحاجتكم....
انتظر ردودكم ع آحر من الجمر