المشوره منكم يالغوالي

1. عشت شهر كامل مع زوجي في حنه ورنه وهذره وزعل وصد

هلا فيكم
والله انا سالفتي طويله بحاول اختصرها

عشت شهر كامل مع زوجي في حنه ورنه وهذره وزعل وصد

والسبب الاساسي اهله وانا من طبعي اكره اي احد يتدخل بحياتي مع زوجي حتى لو اقرب الناس لنا
يا اخوات انا عندي اخوان لزوجي واحد كبير من تزوجت وانا اتغطى عليه واعنده اثنين ثانيين صغار واحد 14 وواحد 12 المهم مرت حمااي تتغطى على اللي عمره 14 لان زوجها يبغاها تتغطى وهي توها تتزوج اما انا يوم اتزوج هم مره صغار كانو بابتدائي المهم مرت حماي تغطت لان اهل زوجي قايلين لولدهم خلها تتغطى من البدايه يعني مو منه من اهله
انا كنت اترريق اقول والله مغربله عمرك مع هالمبزره جنب اهل زوجي وهم معصبين علي ودهم ينتفوني
المهم الفتره الاخيره صاروا يحسسوني انهم يبوني اتغطى على حماي اللي عمره 14 على اساس انه هو مرااهق و انا معهم اقول مراهق بس مالهم دخل فيني ذا شي رااجع لي ويخصني مره تكلموا جنب مرة حماي اني لازم اتغطى وانا جطلت ماعليهم مني ومرره ام زوجي تليقفت تنحز لزوجي وكانها تقوله لمتى ماتتغطى بس هي قالت له اذا مرتك بتتغطى تتغطى عن الثنيين مره وحده قالت له كيذا بدون مقدمات
طيب انا اللي اعرفه ان الموضوع بكييفي وليه شاغلين عملرهم فيني مدري ويوم شفتهم تلقفوا انا عاندت لاني لو بسوي لهم اللي يبون كل مره بيتبعون نفس الاسلوب وبيتمادون
مع العلم اني متفقه مع زوجي قبل هذرتهم بالوقت اللي بتغطى فيه وجا الوقت وانا يوم شفت اهله متدخلين انا عندت مابغيت ابرد قلبهم مع العلم ان علاقتي مره فيهم روعه بس هم صاروا يتدخلون مت تحت لتحت وانا من النوع اللي ما اسكت
المهم قالي زوجي تغطي انا مارضيت قلت له صغير وبزر لما يكبر بتغطى ما رضى وما اقتنع حاول معي وحاولت معه ونفس الشي وانا بيني وبينكم ما ابي ابرد قلب اهله تخانقنا قالي ياتروحين وتتغطين والا لا تروحين قلت له خلاص اقعد وانا عادتي ما اطول عنهم اروح مرتين بالاسبوع مره تعذر زوجي وبعدين زههق وقال لهم انا مكلمها عشان التغطي وهي زعلانه وياليته ماقال تخيلي ام زوجي تقوم تقول لعيالها الاولاد لاجات لاتقعدون جنبها خلكم بالمجلس انا بصرااحه نرفزتني اصلا من طلب منها تتدخل بعدها زوجي جبرني اروح يحسبني بتغطى ورحت ولا تغطيت وزعل مني وامه تنحز لي عن الموضوع والله انقهرتمن زوجي انه قال لهم عن سبب عدم روحتي لان امه ماتصدق تمسك على الواحد شي صارت تنحز لي لاني طولت حيل عنهم مارحت وبعد هالزياره رجع زوجي زعل لاني عللاى كلامه كسرت كلمته واحرجته جنب اهله مع العلم اني ماوعدته بالتغطي وقال لي مافي روحه لهم قلت له عادي هذول اهلك بغيت تدخلني عليهم والا بكييفك ونفس الشي طولت مارحت مع الوقت وبعد عدة محاولات رضيت اتغطى مع ان ماودي ورحت لهم البارح وياليتكم تشوفونهم ما استقبلونا عدل ماعطوني وجه قبال ابد انا عصبت ححيل بس سويت نفسي عادي غير كيذا اول مادخلنا ام زوجي وابو زوجي جلسوا شوي و صعدوا غرفتهم على اساس بينامون وهو مش وقت نومهم بس مايبون يجلسون جنبنا انا انقهرت وزوجي على نياته مو منتبه لهم وجطلهم لي رسلت له رساله وانا جنبه وانتبه وقلت له يالله مشينا محسسيني انهم مايبوني والقهر الاكبر ان زوجي ماحفظ كرامتي وطلعنا لا
مارضى يمشي يبي يطالع المباراه لان عندهم كرت مو موجود عندنا وانا لوتقولون لي صيحي مت صيااح تخيلي نفسك مالك دااعي قاعده ومبوزين عليك ولا احد معبرك ويوم اني بغيت امشي مارضى عشان المباراه يعني الحين المباراة اهم مني ومن كرامتي وانا من شوي متخانقه مع زوجي على نفس الموضوع احس اني منهاره وحلفت اني ما اروح لهم لو على موتي
اولا لو كانوا زعلانين لاني انقطعت عنهم فهذا من ولدهم لانه خلط بين الامرين وهو اللي قطعني عنهم
ثانيا سبب عنادي هو تلقفهم الموضوع بيني وبين زوجي شدخلهم
ياناس شوروا علي شتصرف لاشفتهم وشسوي مع زووجي احس انه هو السب بكل شي هو اللي خلاهم يعرفون بسبب انقطاعي لانهم بيايدونه ونفس مايبون هذا اذا مو هم اللي محرضينه
انا هاليومين كبدي منبطه من زوجي لانه ماحفظ كرامتي ولا اهتم لي وهو حاس بغلطته بعد ماتخانقت ويااه بس انا مش قادره اسامحه لانه حطني بموقف صعب وكلما تذكرت نفسي اجلس ابكي
طولت عليكم تحملوني بس مالي غير الله ثم انتوا