المقالب الزوجيه

السلام عليكم ورحمة الله وبركاته
المقالب الخفيفة في الحياة الزوجية وايد حلوة تضفي على العلاقة حب ومودة وبالنسبة لي انا احب اسوي في زوجي مقالب وايد يعني لما اشوفة وصل البيت على ما يحط سيارته بالكراج اكون دخلت غرفة النوم واتخبيت بخزانة الملابس ولما يجي الغرفة انقز من الخزانة وبو اخرعة
ومرة كنت اقدم له هدية حطيت عدة صناديق داخل بعض وغلفتهم واصغر صندوق حطيت فيه ورقة كتبت فيها حظ اوفر في المرة القادمة وغلفتها على شكل هدية حلوة
مقالب وايد بس هذا للي ذاكرته الحين ولين ذكرت راح اخبرج
بس عزيزتي لازم تختارين الوقت المناسب للمقلب يعني اختاري وقت تحسين انه راح يتقبل المقلب كمقلب مو كشيء اخر لاني مرة كنت احكي لاحدى صديقاتي عن المقالب وشلون تغير الجو في البيت لما جربتها زعل منها زوجها وعصب فقبل التنفيذ ليكن هناك تخطيط مع تمنياتي لكي بحياة زوجية هانئة وسعيدة
أختك
أريج الزهور

مشكورة اختي اريج الزهور
تسلمين لي على هالافكار الحلوة
ومشكورة بعد على هالدعوات الله يسعدني ويسعدك ويسعد جميع الفراشات المتزوجات واللي ماتزوجوا الله يرزقهم ىالرجل الصالح اللي يسعدهم

اسمعى عيونى عندى لك مقلب حلو وحدة من صاحباتى سوتة فى زوجها فى الليل سوت نفسها متضايقة ونفسيتها تعبانة والمهم لمن رجع الصبح حطت مكركروم احمر على يدها وطاحت عند السرير وجاء متروع يحسبها قتلت نفسها وبعدين قاموا يضحكون ومرة وحدة سوت فى زوجها مقلب خطير قالت لة انا حامل وحاسة نفسى فى انى اكل جلدة كفرات محروقة واختبص الرجال راح يدور على كفرات محروقة فى الشارع ولمن جابها قعدت تضحك علية واذا تبين زيادة دزى لى مسج وابشرى بالمقالب

ام اقول لكم مقلب حلو
لما يكون زوجك بالشغل اخذي اوراق صغيره
اكتبي على الاولى و خليها عند الباب " مبروك لقد فزت بجائزة و هي .. ستعرف بعد قليل "
و اكتبي على الثانيه بعد خطوات " يالك من شخص محظوظ اتبع الخطوات "
اكتبي على الثالثه على الدرج او عند باب الغرفه " اليوم هو يوم حظك .. يا رجل "
و اكتبي على الرابعه " اعلم انك تعبت ولكم جائزه كهذه تستحق العناء "
و ضعي صندوق صغير مغلف بطريقه رائعه و داخله علكه حبه واحده فقط
و بعد ان تدرين ان فتح الهديه اطلعي و اضحكي عليه و بكون خجلان

الصراحه مقالب حلوه ضحكتوني وافدتوني بنفس الوقت اثنين بواحد>>>>>>>>>>وش قالو لك على بالك شامبوا

اسمعي حبيتي عندي لك مقلب مره حلو
قولي لزوجك انه بخاطرك تسوي شاهي تمام
بعدين حطي البريق شاي و الكبايات في الصينيه بس تكون فاضيه وسي نفسك انك سويتي الشاي
وبعدين روحي عند زوجك وسوي نفسك اتعنقلتي وكبيه عليه بس بعيد شوي عشان ما يتعور

مشكورات على الإبداعات