الملف الثاني لتجمع اللي جننتهم الأرضيات في بعض الإضافات اللي راح تساعدكم بإذن الله

1. بس مو اي منشفه

بسم الله الرحمن الرحيم
احييكم بأجمل تحيه
السلام عليكم ورحمة الله وبركاته
هالمره قلت ابي ادخل هالقسم علشان انتعش شوي وافك نفسي من جو الرفض
بعد هالموضوع المتعوب عليه
خليني اشوف وحده فيكم ما تنظف بلاطها مضبوط
اذا تذكرون مره سويت ملف لتجمع اللي مجننهم البورسلان والسيراميك
وكان فيه تجاوب جزاكم الله خير
وهذا مو غريبه على بنات الفراشه احلا بنات
وقبل ما أبدأ كل وحده تكتب اسم المنظفات اللي تستخدمها + مع ايش تستخدمها ( منشفه او ممسحه أو فنيله ...الخ)
اتفقنا..
المهم
انا كل ما جربت طريقه تخلي البلاط يلمع ونظيف ما ابخل عليكم فيها بصراحه
يمكن طفشتكم بس صدقوني السيراميك طفشكم اكثر مني ههه
طيب راح اكتب كل الطرق اللي فادتني جمعتها لكم بهالموضوع
واللي برضو عندها طريقه زي ما يقولون 3 في واحد
نظافه +لمعان +ريحه منعشه
لا تبخل علينا فيها
الطريقه الاولى
اللي قد كتبتها لكم
العملاق الاخضر
طبعا تحطون شوي يعني مثلا ملعقه صغيره بس مع مويه تحطونها في اصغر طشت
طبعا هذا على قد غرف بيتي
المهم انا كنت استخدم الممسحه العجيبه على قولتهم بس مع الوقت صارت ما تنفع مره يعني فعاليتها مو مثل اول ما شريتها وتعرفون مو كل ما خفت فعاليتها اروح اشتري
فأستغنيت عنها وصرت استخدم منشفه بدون شعر
طبعا منشفه اخصصها للأرضيه فقط ولا نخلونها كبيره علشان تقدرون تعصرونها اذا كانت كبيره مهما عصرتها راح تضل غرقانه خلوها على قد مساحة الحمام يعني بعرضها ..

بس مو اي منشفه

شفتوا منشفة الجسم الي لما تنشفين جسمك فيها وما تنشفك مضبوط (يعني جسمك يبقى غرقان) هذي مره ما تنفع استخدمي مثل المنشفه اللي تنشف الجسم مضبوط ( وصف بالتفصيل الممل ههه) المهم في ناس تستخدم طريقه اللي هي :
تحط المشفه بالمنظف وبعدها تمسح وبعد ما تخلص تجيب منشفه ناشفه وتبدأ تمسح مره ثانيه
انا اتعب مع هالطريقه
بس انا بنفس المنشفه اللي احط فيها المنظف واعضرها بقوه يعني زين زين
وامسح الغرفه فيها مرتين
بدون ما اشيلها ولا اتعب نفسي والبلاط راح ينشف بسرعه لا تخافون
بس يا بنات كل ما خلصتم من غرفه لا تحطون المنشفه على طول بالمنظف لالالا ما ينفع اول اغسلوها بالمويه واعصروها مضبوط وبعدين حطوها بالمطهر
علشان تصير غرفك كلها تلق نظيفه
..
لا تلوموني والله ما خليت طريقه الا وجربتها ليين ضبطت معي كم طريقه والحمدلله
المهم العملاق تقدرون برضو تحطون مع شوي كلوركس
اذا حابيين واذا مو حابين مو شرط
الطريقه الثانيه
كلوركس الأرضيات ( انا جربت اللي بالصنوبر)
برضو نزلت فيها موضوع تبع الكلوركس اللي يلمع الارضيات وينظفها ويطهرها هذا برضو قمه وخيال وبرضو نفس الطريقه بالمنشفه وفي ناس تستخدم الفنيله القطن
انا ما نفعت مع البورسلان بصراحه بس المنشفه نفعت معاي احسن يمكن على حسب البلاط ..
الطريقه الثالثه
التايد والديتول
واللي علمتني عليها شغالة اهلي ( لي لي ) الله يسعدها ويوفقها ههه
حطيت شوي تايد مع نص غطاء ديتول ( لا تكثرون علشان الديتول يخلي الأرضيه باهته وتخلي اثار الرجل مبينه اذا احد مشى على الارضيه المهم تحطونها في اصغر طشت مويه
وبعدها نفس الطريقه بالمنشفه ويابنات ماشالله تشوفين كل شي يعكس على البلاط زي المرايه ما شاء الله تبارك الله
ولا تبين بقع الرجل ولا شي لا تخافون
ارضية المطبخ
داك بالورد + كلوركس
ارضية المطبخ غالبا اغسلها احط مطهر داك بالورد مع كلوركس وانتو تغسلونها طفوا شفاط المطبخ علشان تتشر ريحته بالبيت عاد بتصيرون منتعشين انتعاش مو طبيعي هع هع
داك بالورد ما امسح فيه الارضيه احسه يبهت البورسلان لكن لما اغسل فيه عادي ما يبهتها..
انا استخدمه لأني اعشق ريحته بصراحه وما استغني عنه
نجي للحمامات اكرمكم الله
بالنسبه لي استخدم
العملاق الاخضر + كلوركس + مطهر داك بالورد
بعض الاحيان احط مطهر وبعض الاحيان لا
واذا كان نظيف الحمام وبس ابي تصير ريحته حلوه
احط المطهر او ديتول مع مويه وارش الحمام وامسحه
فقط لا غير
ملاحظه
اللي تعرف منشفه خاصه بالأرضيات برضو تعلمنا بس اهم شي تكون فعاله مو اي كلام والا خلونا على منشفة الجسم والفنيله ههه(قديمه نديمك)
ولا تنسون اللي تحب البخور مثلي
تبخر البيت وهي تمسح الارضيه
راح تثبت ريحة البخور يومين بالبيت ..
اتمنى اكون أفتدكم ..
تدرون وش اللي يخلي برضو الارضيه مبقعه
الازواج
لما يتوضون للصلاه ما يلبسون شبشب الله يكرمكم ولا همهم يمشون وآثار الرجل مبينه وهالحاله ما ينفع معها الا تجيبين
سكين
او ساطور
اذا كنتي تحبين زوجك ساطور افضل علشان تنقطع رجله بسرعه
واللي عذبها زوجها وبهذلها السكين افضل حق السلطه (تعزير الرجل ) ههه
وبعدها لا آثار رجل بعد اليوم ههه
وسلامتكم اتمنى ما اكون طفشتكم
اختكم في الله
أم البتول 2006 اللي كانت الارضيه مجننتها سابقا
ههه