الممثله هايدن بنتيير أحلى ميك أب في هوليود

مكياجها روعه إضائاتها حلوه ومكياجها دياما مرتب وإذا أي وحده عندها ميك أب مقارب للي تستخدمه هايدن يا ريت لاتبخل علينا وتشاركنا بخبراتها...
نبدأ
^ اللي عاجبني بهاللوك اهو طريقة بودرة الخدود أحسها صاعده حيل واصله لمنطقه الحواجب هاذي صوره ثانيه للتوضيح
في حمره من ايف سان رولان مقاربه جدا لحمرتها لونها روعه فيها لمعه وترطب الشفايف ولونها أفتح من الصوره وهي مناسبه لأي وحده تبي يكون لوكها NUDE
Rouge Pure Shine Sheer Lipstick - No. 27
أنا بتكلم عن هذا اللوك لكن مو عن الأي شادو لأنه مو واضع لكن راح أشرح الكريم والأضاءات اللي تعطي نفس ال effect
أول شي أنا استخدم كريم سان لوران اللي بفرشاه درجه رقم 4
الفرشاه حيل عمليه وناعمه وتوزع الكريم عدل حتى تحت العين وأهي أنعم على بشرتك من إستعمال إيدينج
بعدين أحط تحت عيني كونسيلر dior و أدمجه بنفس فرشاة سان لوران
ولا يغركم شكل الكونسيلر ترى صغير حيل طول أصبعي الصغير يعني شوي غالي على حجمه .
بعدها أحط البودره المضغوطه على كامل الوجه لكن أستخدم فرشاة الخدود بدال الإسفنجه عشان يصير التوزيع ناعم
استخدم ماك ستديو فكس أختاري الدرجه اللي تناسب بشرتج
بعدين أوزع على كامل الوجه بإستخدام فرشاة الخدود mac silver dusk
وأهي باودر loose تعطي الوجه إضاءه روعه أنصح الكل يشتريها وفي منها bronze ناويه أشتريها إن شاء الله
وبعدها تحطين بودره الخدود على خدودج الحلوه دوري أي لون وردي يناسبج أنا استعمل بودره من ديور
بعدين بالإسفتجه إستعمل body shop blushing daises
وهي مثل إضاءه تحطينها فوق بودرة الخدود وأطبطب على خدودي بس مو كامل الخد بس على التفاحتين على قولتهم.!
وهاذي صوره زووم للوك الأول