الى تآجرات الزفآت والا اخواتنا العروسآت موضوع تحذير غير منتهي المفعول

Bride Queen

31-07-2022 - 04:20 am

واسالوهم هل الجوده جوده عاليه ام لأ ..

السلام عليكم ورحمه الله وبركاته ..
بذكر لكم موقفين متشابهين شاهدتهم بنفسي:
الآول..
حضرت زواج فخم فخم فخم .. الضيافه من احسن مايكون واغلى شي
من شوكولا .. وتوزيعات وكب كيك .. وفطاير .. وكل شي
كان قبل اسوعين بفندق من الفنادق ال 5 نجوم بالرياض ..
والعروس رائعه من فستان وتسريحه وكوشه ومكياج ..
يعني العرس على
ههه اهل نجد والقصيم يعرفون معناها
جاء موعد الزفه .. شغلوا السي دي ..-طبعا هي تقولي انها جربت السي دي من قبل بستريو البيت -
الآ الصوت مو واضح كيف كذا ؟
جوده الصوت لسيت مخصصه للعرض على قاعه كبيره ..
فأظطروا انهم يقصرون الصوت حتى يكون كانه غرفه صغيره
طبعا ماراح اعلمكم كيف كان موقف العروسه .. وموقف المعازيم .. بس من الجمل اللي سمعتها
طبعا سئلتها بعدكم يوم .. ليه اش صار للزفه ؟
قالت اني شريتها من وحده الله يسامحها .. ماقالت لي ان الجوده ضعيفه ..
طبعا ذكرت لي اسم التاجره لكن -مآ راح اسهر فيها -
معقوله تاجره تغش زباينها ..
================
الموقف الآخر :
في الصيف الماضي ..
احد اقاربي .. دعاني لحضور زواج لهم ..
العروس بقاعه فخمه وكانت جميله ..
لكن ما ان جاء موعد الزفه ..
بدت زفتها بالمشي دقيقه دقيقتين والا الزفه سكتت .. ؟
ليه ايش صاير .. مادري ..
طبعا ماراح اقولكم عن العروس كيف انحاست وخنقتها العبره
وجابت اختها لاب توب وشغلتها وعادتها من اول و و و
صارت حوسه مايعلم فيها الا ربي .. على فكره زفتها من محل مو من تاجره فقط للتوضيح ..
منسقات الزفات الاعزاء ..
اتقوا الله بزبائنكم.. و اتقنوا عملكم .. على اكمل وجهه..
الى عروساتنا الحلوات ..
نبهوا على المنسقات انها تتقن عملها .. وذكروهم بآلله.. وتاكدوا من جوده الزفه .. ودقتها..

واسالوهم هل الجوده جوده عاليه ام لأ ..

انا لاحظت القليل ينبه ان زفاته جوده عاليه او جوده استديو .. ولكن الاغلب ياخذونها من هنا والا من هنا ويبعونها .. حتى لو انتي ماخذتها من محل اساليهم وخليك على درايه بكل خطوه - مع تحفظي لمحلآت الزفات .. الا اني ما احب اذكر اي محل بالسوء .. فلعلها سهوه منهم
موضوع للتنبيه والتحذير ..
مع العلم وربي يشهد اني انا حاضره الزواجيين كلهم ..
والحمدلله ماقد سمعت من وحده انها جربت زفاتنا وندمت ..
وصلى الله على رسولنا الكريم

التعليقات (9)

msh-2255

31-07-2022 - 06:58 am

موفقة ياقلبي والله يسامحها الحمد لله انها جات على الشريط انا صحبتي زي كذا وقت الزفة مااشتغل وقعدت تبكي وخلينا المطربة تزفها وعدت الحمد لله

rawas

31-07-2022 - 07:59 am

اعوذ بالله..
الوحده ايش تقول غير حسبنا الله ونعم الوكيل..
يعطيكِ العافية ياقلبي على التنبيه

Bride Queen

31-07-2022 - 09:00 am

حياكم ..
وانا ماحطيت هالموضوع الا للتنبيه .. وربي يعلم ..
msh-2255
ياعمري عليها .. الحمدلله اللي تيسرت ..
بس تلقينها لين الحين بخاطرها

أموره*

31-07-2022 - 10:01 am

مشكوره الله يسعدك
حتى بنت خالي وقف فجاه الشريط وكملت الطقاقه الزفه مسكينه انقهرت
وكمان 2 صديقاتي نفس الشئ الصوت ماكان واضح مشوش والناس مايدرون وش الزفه حتى

اللمسه الذهبيه

31-07-2022 - 11:02 am

احنا نقول للعروسة لما نعطيها الزفة روحي وسوي بروفة في القاعة عشان كل شي يكون سليم يوم الزواج
واتمنا من كل عروسة تسوي بروفا في القاعة اول متاخذ الشريط او السي دي وكمان تتاكد من مشرفة القاعة الجهاز الي في القاعة ايش يشغل من صيغ واذا كان يشغل سي دي ولا كاست
وموفقين يا عرايس

الغـــــــــــــزاله

31-07-2022 - 12:03 pm

قال تعالى: ( وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا )

ғuѝқą

31-07-2022 - 01:04 pm

طرح رآئئئع
يعطيك العآفيه
ؤآن شاءءالله يتقون الله في هالعرآيس

L@TIS!A

31-07-2022 - 02:05 pm

طيب المفروض هي تسوي بروفة في القاعة

أنا فقط

31-07-2022 - 03:06 pm

السنه اللي فاتت حضرت زواج
وكان صوت الزفه مو واضح .. جودة الصوت رديئه مره
هذا من غير نسمع صوت تشويش خفيف بالزفه
و ضروري كل عروس تعمل بروفه قبل زواجها ..
يعطيك العافيه ع الموضوع

تعالوا أحكيكم اش سويت في فرحي←
عرآيس 2011 اللي تزوجوا قريب ممكن مساعده→