الى طالبات ثالث ثانوي

* كل الحلا *

21-06-2022 - 05:55 am

*** الى الفراشات في ثالث ثانوي ***
ماهو شعورك في اخر ايام الدراسة ؟؟
وكيف هو شعور صديقاتك اللي راح تفارقينهم ؟؟
هل تفكرين في اكمال دراستك الجامعيه ؟؟
ماهو احساسك مع اقتراب موعد الامتحانات النهائية ؟؟؟
اتمنى من الفراشات اللي في مرحلة ثالث ثانوي تعطيني شعورها في هذي الايام وفي اي قسم هي وش تتمنى تدخل في دراستها الجامعية وهل النسبة تساعد والا ؟؟؟؟؟
مع احر التمنيات لكل فراشة في سنه ثالث وغيرها ان الله يوفقها ....

التعليقات (9)

راعية فزعه

21-06-2022 - 09:11 am

هلا بك اختي
موضوعك حلو
*** ماهو شعورك في اخر ايام الدراسة ؟؟
مبسوطه وفي نفس الوقت خايفه وودي اخلص اليووم قبل بكره وانشاالله مستعده للامتحانات
* وكيف هو شعور صديقاتك اللي راح تفارقينهم ؟؟
هذا اللي محزني في الساالفه كلها ولا الثانويه في ستين دااهيه
بس انشاالله ماراح افارقهم بتصير بيننا مكالمات وراح اشووفهم اكيد
مع ان الاغلبيه بيكونون بنفس الجامعه معي
*** هل تفكرين في اكمال دراستك الجامعيه ؟؟
انشالله راح اكملها
اصلا شهادة ثانويه مااتكفي والجاامعه تعتبر اهم مرحله وهي اللي تحدد مستقبلك<< بدت تتفلسف
*** ماهو احساسك مع اقتراب موعد الامتحانات النهائية ؟؟؟
نفس جوابي في السؤال الاول
مبسووطه اني رااح اخلص من الهم وخاايفه من الاسئله
وانشاالله راح ادخل جامعة الملك فيصل تخصص ادارة اعمال
ونسبتي 97 بالمئه
والله يوفق الجميع انشاالله

* كل الحلا *

21-06-2022 - 10:12 am

الله يوفقك اختي ** راعية فزعة **
ومشكورة يالغالية على مرورك ...

صاحبة القلب الأبيض

21-06-2022 - 11:13 am

موضوعك كول
ماهو شعورك في اخر ايام الدراسة؟؟
فرحانه عشا راح ارتاح..وبنفس شايلة هم عشان الاختبارات
شعور صديقاتك الا راح تفارقينهم؟؟؟
منجد ماراح ينسوا ولا انسى احلى ايام قضيناها مع بعض.
هل تفكرين في اكمال دراستك؟؟
في بداية السنه كنت مرة متفائلة اني ادخل.بس
بعدين الترم التاني اتغير الوضع مع الدرجات الا تبيض الوجه
وبخصوص النسبة عاد الله يستر لأني الترم الاول جبت 90
عاد الترم التاني وش باجيب,,,عاد كمان علمي...كملت

نبض احساسي

21-06-2022 - 12:14 pm

*** الى الفراشات في ثالث ثانوي ***
*** ماهو شعورك في اخر ايام الدراسة ؟؟
بصراحه شعوري مختلط بين الفرح والحزن<<الفرح لاني قربت الاياام اللي كنت انتظرهاا من زماان وحزن لاني بفارق ربعي ومدرستي ومدرساتي
*** وكيف هو شعور صديقاتك اللي راح تفارقينهم ؟؟
وهذا الشي اللي ماابي افكر فيه لاني من جد كل ماافكر في هذا الشي ماابي المدرسه تخلص ودموعي تسيل وخصوصا ان اكثرهم في علمي وانا ادبي يعني مااراح اشووفهم مع اني متفقه مع ربعي ان الاتصالات والزيارات ماتنقطع بس اكيد ماراح تكون كثر واحنا في مدرسه وحده واصعب شي على الانسان الفراق
*** هل تفكرين في اكمال دراستك الجامعيه ؟؟
اكيد << اجل ليش انا الحين ذابحه نفسي على الدرجات اكيد علشاان الجاامعه
*** ماهو احساسك مع اقتراب موعد الامتحانات النهائية ؟؟؟
خا ايفه حيل وماادري شنو بسوي في الامتحاانات << ادعولي بنات
تحياتي <البلوره الشفافه

* كل الحلا *

21-06-2022 - 01:15 pm

الى الفراشتان ( صاحبة القلب الابيض ) و ( البلورة الشفافة )
الله يوفقكم في حياتكم وفي دراستكم
ومشكورين يالغاليات على مروركم
واتمنى ان امتحانات الترم هذا تكون سهله اللهم امين

حلم فتاة

21-06-2022 - 02:16 pm

مساء الخير
*** ماهو شعورك في اخر ايام الدراسة ؟؟
والله مبسوطة كثير كثير لأني راح انجز طريق كان أطول طريق مشيته بحياتي صحيح كلها سنة بس والله كنت عايشتها دهر..
*** وكيف هو شعور صديقاتك اللي راح تفارقينهم ؟؟
اه لاتعورين قلبي والله احس اني بفقد شي كبير خصوصا زميلاتي المقربات
والله يجمعني معهم في الدنيا والآخرة في جنته اجمعين ومعكم بعد
*** هل تفكرين في اكمال دراستك الجامعيه ؟؟
شي طبيعي هذا مستقبلي ومراح اتخلى عنه مهما يكون وانا وحدة احب ابني نفسي ومستقبلي وهالشي ماراح يصير الا بشهادة الجامعة ان شاء الله
*** ماهو احساسك مع اقتراب موعد الامتحانات النهائية ؟؟
تعالِ وشوفي حالتي كيف مطمئنة وخايفة في نفس الوقت
يعني متقلبة اوقات تشوفيني اقول الأسئلة بتجي سهلة ومافي أحلى منها
وأوقات ابليس يلعب ويقلب علي حياتي بدل ماأصير انا أصير الخوف كله
والله كريم ويوفقنا كلنا يارب ونجيب معدل يرفع الراس
انا تخصص علمي ونسبتي الترم الأول:-97,42وان شاء الله ناوية ادرس ياصيدلة او حاسب او هندسة ديكور
والله كريم

عذبة كالطفولة

21-06-2022 - 03:17 pm

حبيت اسأل حلم فتاة القسم الادبي فيه هندسة ديكور؟؟؟>>>>>وحده ماتعرف شيء
*** ماهو شعورك في اخر ايام الدراسة ؟؟
شعور مختلط بين الفرح والحزن مو مصدقه اني بتخرج
يعني هذي آخر سنه؟؟؟؟؟؟؟؟؟؟؟؟؟؟
*** وكيف هو شعور صديقاتك اللي راح تفارقينهم ؟؟
آآآآآآآآآآآآآآآآآآآآه الله يعين على آخر يوم كله دموع
*** هل تفكرين في اكمال دراستك الجامعيه ؟؟
إن شاء الله
*** ماهو احساسك مع اقتراب موعد الامتحانات النهائية ؟؟؟
خايفه وماني حاسة اني ثانويه عامه
واتمنى اني ادخل قسم اللغة الانجليزيه
بالتوفيق للكل

عطور الهنا

21-06-2022 - 04:18 pm

هلا أختي عذوبة كيفك؟؟
الله يوفقك ان شاء الله وتدخلين التخصص اللي تبين
بس بالنسبة للهندسة اي ثنك انها علمي بس لأن لها علاقة بالرياضيات
هذا على حد علمي
ويوفقنا الله

* كل الحلا *

21-06-2022 - 05:19 pm

* حلم فتاة *
الله يوفقك ياقلبي وتدخلين التخصص اللي تبين
ومشكورة ياالغالية على مرورك

ممكن تساعدوني←
أسئلة الاختبارات→