الى كل منفصلة عن الدراسة

انتظر ردودكن

m.araq
السلام عليكم ورحمة الله وبركاته
اشكرك اختي على طرح الموضوع وانا من زمان افكر في نفس الموضوع الله يجزاكي خير الجزاء
وسوف أبدا معكي
انا طبعا كان حلمي حياتي الكليه وكنت فرحانه يوم قربت اخلص الثانويه اشد الفرح ولكن الانسان لا يعلم عن المقدر والمكتوب
تخرجت من الثانويه عام 1418وجاء فارس الاحلام بدون سابق انذار وكنت خلاص رحت سجلت في الكليه قبل انخطب وبعد الخطبه تزوجت وجاب زوجي ملفي ودرست في المنطقه اللي زوجي يعمل فيها درست سنه اولىE ولم يكن لي نفس في الدراسه ابدا ابدا مثل قبل ليش مدري وكملت السنه بدون نفس وبدون اهتمام السنه طبعا مانجحت لاني لم اكن مهتمه وكأن الكليه لا تعنيني اروح واجي من الكليه كذا خلصت السنه واكملت والسنه الثانيه حولت الى قسم اخر درست من السنه الثانيه 2 اسبوع وتركت الكليه من سنة1419 الى حد الآن
وكنت اذا رحت الكليه ينتابني شعور بالخوف والخجل غريب وانعدمت الرغبه التي كانت عندي من قبل للكليه
مالذي حصل بعد عشر سنوات من الانقطاع اول شي احس اني بدأت اتحرر من الخوف والخجل وعادت لي الرغبه في اكمال الدراسه وندمت اشد الندم ولكن بعد ايش
والحين طلبت ملفي من الكليه مالقيته ناس يقول لان ملفك من الملفات القديمه يبغى له وقت عشان ندوره وناس يقول مالقيناه بندوره وناس يقول في المبنى الاول وناس يقول في المبنى الثاني لان الكليه سارت مبنيين
الحين اللي نفس ظروفي وحاولت تكمل تشرح لي تواسيني الله يجزاها خير
واهم شي الحين ابغى اتطمن هل ملفي باقي موجود واقدر اكمل الكليه وهل الملفات تبقى محفوظه في الكليه مهما طالت فترة انقطاع الطالبه
واشكركي اختي على طرح الموضوع وجزاكي الله خير

حبيبتي الغالية ان الانسان لا يعلم اين قد يجد الخير فلعلك لا تعلمي مادا قد يحدث لك ادا تابعت دراستك والحمد لله على كل حال اهتمي بزوجك اكثر واملئي وقت فراغك بتلاوة القران فانها اعظم وافضل من متابعتك لدراستك
الله معك

ام
انا تركت الدراسه لاني تزوجت وعمري 17
والحين بكملها ان شاء الله

انا تركتها لان بعد ماتزوجت تعبت نفسيتي ويوم جالي نفس صار عندي اطفال ولا قدرت اكمل وعسى الله يعوضني خير فيها

رفع
الله يكون بعونكم ويحقق اللي تتمنون

ماهي الاسباب التي جعلتك تنفصلين عن دراستك
المرض
وفي اي مستوى بالضبط انفصلت
بعد تخرجي من المتوسط والمفروض الان اختبرمواد اول ثاونوي وانا واثقه ان الفرج قريب
وهل لديك صديقات انفصلن مثلك حبيبتي
اعيش وحيده من اربع سنوات لاصديقات ولا شئ
وهل انت نادمة ام مصرة
نادمه بس المرض غصب علي
اسال الله الفرج

عنواني القمر الله يشفيك يارب
انا تركت الكليه ورجعت لها وتركتها من جديد مدري وش احس فيه بس ادرس حاسب الحين وادعولي اتوفق
ولو اني اكره الدراسه لاني احس شي مغصوبه عليه وبنفس الوقت
تتخرجين وتخلصين وتصيرين مدرسه يعني مافي شي جديد للاسف بترجع حليمه مثل ماكانت طالبه والله يعين نبي وظايف جديده ليه متى مافي تطور
ياليت يفتحون مجال للبنات يطلعون مهاراتهم ومواهبهم
وطبعا كالعاده راح القى بنات بيردن علي ويمدحن السعوديه وجهودها بس لي متى نكذب على نفوسنا الشغل بالنسبه للانثى قليل
الحين الرجال لو معه شهادة ابتدائي توظف بس البنت طلبات تعجيزيه
بكالوريوس وحاسب واذا عندك واسطه تعالي
ويسلموا عالموضوع الحلو لو ابي اكتب من هنا لبكرا مايبرى قلبي ههه

يارب تشافيك يا قمر