الي الازواج الشجعان الي متي بتخبون

*** مرحبا حبيباتي الفراشات ***
/
/
/
/
في موضوع حبيتكم تشاركوني فيه بارائكم
لاني لاحظت من فتره مو قصيره ظاهره مزعجه كانت حكرا علي الاخوه العرب !!
وكنا نقول عنهم مو رجال ويخافون من زوجاتهم
والحين صارت بينا احنا الجليجيين
الظاهره هي زواج المتزوج علي زوجته بدون علمها
وهذي سالفه انصدمت فيها لما عرفت ان واحد متزوج تزوج علي زوجته وقعد 10 سنوات مخبي عليها وصار عنده من زواجه الثاني
4 اطفال وما في احد اكتشف هذا الزواج
الا لما مات اخينا واثناء تقسيم الميراث اكتشفت زوجته الاولي زواجه
وطبعا كانت رده فعل الزوجه المصدومه قويه والي احلفت انها ما " تعتد عليه " وتمارس حياتها عادي وكان شيئا لم يكن ولا لبست اسود ولا اخضر ولاتركت الكحل ولا الزينه !!
والله يا اخواتي شي عجيب
واذا احتجوا النسوان علي هذا الامر
طلعولنا العلماء بفتوي تقول انه ما يلزم الزوج ان يخبر زوجته بزواجه عليها وهذا شي يخصه !!!!
طيب ماشي كلامكم ..
لكن ارجع واقول هي مو شريكه حياته ؟؟
وام عياله .. ورفيقه الدرب والعشره وين راح هذا كله ؟؟
وليش هو من حقه انه يعرف كل صغيره وكبيره في حياتها ..
مو هي ايضا لها خصوصياتها الي المجتمع ينكرها عليها بمجرد ما تتزوج وتصبح ملك للزوج !!
ابي فرصه بس اسال هالازواج الاغبياء
الي متي بتخبون علي زوجاتكم ؟؟
ما فكرتوا انكم بتموتون وبينكشف المستور مثل ما حصل مع هذا الزوج ؟؟
ليش تتركون وراكم زوجات يدعون عليكم ويلعنونكم بدل ما يترحمون عليكم ؟؟
اذا الواحد منكم صار بالقبر هذيك الساعه يتمني من يدعيله ويتصدق له .. لكن انتوا محيتوا كل ذكري طيبه لكم في قلوب زوجاتك بمجرد ما اثرتوا الخداع وجريتوا وراء شهواتكم وهفواتكم