الي عندها فكره عن مدارس جده الحكومي

جمانه وساره

14-10-2022 - 01:50 pm

مرحباا
لو سمحتووا ابغى خدمه بسيطه بس
انا دخلت بناتي مدرسه حكومي هالسنه وحده طالعه خامس والتانيه طالعه رابع في جده طبعا
بس ماعندي فكره عن الطلبات بالنسبه للمريول والجرم الله يكرمكم والشراريب انا سالت قالت لي لزم جزمه سوده ساده وشراب ابيض بس في ناس قالو لي طوويل الين الركبه زي حق الكوره وناس قالوو لا عادي وبالنسبه للبكلات والشرايط والعبايه لزم ساده ولا عادي اي شي
ايووه نسيت اقولكم اني رحت للثوب السعودي لقيت عنده اربع موديلات للمريول اي واحد نظامي
يعني كل وحده تعطيني الي عندها يجزيها الله الف خير ويسعدكم دنيه واخره

التعليقات (9)

جمانه وساره

14-10-2022 - 05:34 pm

ساعدووني

ღ.. مفاهيم الخجل ..ღ

14-10-2022 - 06:35 pm

والله انا كنت في الابتدائي
وانا دحين في المتوسط
وكانت في الابتدائي مدرستنا احيان نظاميه واحيان لا << يعني على كيفها يوم كذا ويوم كذا << ههه
وطبعا في جده
وحكوميه
المريول النظامي حق الابتدائي
كذا عادي والجيوب في الجنب
وحزاام طويل من ورا
بس انا مريولي ماكان كذا
كان عادي بدون حزاام
والشراريب كنت انا طبعا كانت قصيره بس مو مره قصيره
والجزمه اكرمكم الله
سودا
والله بكلات انا كنت البس لون ازرق واحيان ملون
والشريطه لونها ازرق
والعبايه حنا كنا عاادي مو لازم ساده
بس هي طبعا المدارس مو زي بعضها
في ناس غير عن مدرستنا
يعني امكن انتي مدرستكي غير
قوليلي ايش المدرسه حقتك وانا امكن اعرفها
واساعدك
وان شاء الله تكوني استفدي مني
ودي
مفاهيم الخجل

جمانه وساره

14-10-2022 - 07:36 pm

يسلمو ويعطيك الف مليون عافيه
هي في الصفا اسمها 130\ب
وجزاك الله الف خير
بس كيف شرايط الشعر لونها ازرق مو لازم بيضاء

شوقر

14-10-2022 - 08:37 pm

لالالالالالالالالالالالالالالالالالا
سبحان الله اخواتي كانو فيها
نظام عادي احيان كذا واحيان كذا
بس الافضل التقيد بالنظام

جمانه وساره

14-10-2022 - 09:38 pm

يسلمو على مرورك
انا قلت جديد في الصفا ومالقيت غيرها قريبه وبعدين هالمبني جديد لسه اول سنه
ممكن تعطيني فكره عن الزي الحكومي
يعطيك الف عافيه

عنونه طاطو

14-10-2022 - 10:39 pm

اسمعى اختى الترم الاول خليكى نظاميه جدا بعدين تقدري تغيري على حسب المدرسه خلى الشرايط بيضه والشراب وسط عشان الحر والمريول جيبين على الجنب وله حزام ((اكيد تلبس بطانه يعنى شلحه )ان شاء الله فهمتينى خذي مريول مثلا بكسر والثاني عادي والقميص الابيض كم طويل مريح لهم والجزمه سوداء ورلح يكونوا مرتبين وحلوين الله يخليهم لك وشكرا..........

غريبه في زمن قاااسي

14-10-2022 - 11:40 pm

لكل الأح باب السلام عليكم ورحمت الله وبركاته ....
ترا فيه مدرسه في حي الاجواد روعه ومن جوه اروع انا كنت ادرس فيهاانا ذحين طالعه اولا متوسط بس نصيحه مني إلي يبي يدخل بنته يدخلها في المدرسه هاذا و المديره زي العسل مرههه طعمه والمدرسات يعني مدرسه ولا في الاحلام اسمها( السادسه والستوت بعد المئه /ب)(166 للبنات)بس جنان

غريبه في زمن قاااسي

15-10-2022 - 12:41 am

السلام عليكم ورحمت الله و بركاته ...............................
السلام على من امسا بنورا جميل المستكا اهلان بنابتت البلاد ومرحبا ............................اما بعد
لكل من يريد الحيوانات الاليفه وهي القطط فأني انا ابيع القطط من تريد تخبرني ولها خالص شكري وتقديري
القطط التي معي انها روميه امريكيه انا بعت ثلاث وبقي اثنتان في مشيأت الله ستباع للأسرع بالطلب وإني لا ابيع الى للذين في جده المواصفات ... كل تالي :
1 القطه بيضاء ومرصعه بالاسود ومتينه جدا وصغيره ايضا وتحب اللعب بالكره والاسلاك
2 القطه بيضاء ومموجه بالوان عديده وغريبه :اسود _ابيض_جملي_زيتي.
وانها مشاغبه جدا جدا وتحب اللعب بكل الذي امامها.
وشكرا

ام قلولي

15-10-2022 - 01:42 am

اخواتي افيدوني عن احسن مدرسه حكوميه في جنوب جده لاني والله لسه ساكنه جديد وما اعرف احد لا من بعيد ولا من قريب ولون المريول زي اللي عندنا في الرياض رصاصي شيال والدخلي قميص مقلم تكفون ردو علي يابنات جده

تخصصك الاداره العامه ادخلى هنا وردى على ضروري←
والله اني عروس بورطه وين بنات كلية التربيه بجده ادبي→