الي عندها معلومات عن حقن الميزوثيرابي للشعر ياليت تفيديني

ياعمري طالما صدعت راسك لاتستخدميها
هية كيف يعني ابر؟؟
يارب يرجع شعرك زي اول واحلى وسلامتك من الحرق وموفقة بزواجك

والله اني محتاره اوقف والا اكمل انا قريت عنه وقالو انه يصدع بالراس ..
بس وبعدين لين متى الصداع ؟؟؟
المشكله انه كل اسبوع جلسه يعني الموضوع مطول ..
ايه على شكل مسدس فيه ابر ويضرب في الراس مثل هذا
اللهم امين ياقلبي دعوااتكم وربي نفسيتي صايره ازفت من الزفت لا عاد اهتميت بجسمي ولا وجهي شايله هم شعري ..
الله يسهلها يارب ويفرجها من عنده .

معقوله مافيه احد يعرف شيء عنه
ولا سمع احد مجربه
:(

والله ماعندي خبر
بس انا نفس حالتك احترق شعري بس العام والله لايوريك نفسيتي دمار..
طبعا حاولت اعالج بالزيوت والتغذية بس لين الحين والله يعين ..
نفس حالتك متوهقة بزواجي مدري وش بتسوي فيه الكوافيرة..

نونه
يؤ يؤ
من العام وماتحسن اجل وش اقول انا الي مابقى الا شهر وكم يوم على زواجي
انا ان شاء الله ناويه اقصه عشان اتخلص من الجزء الخربان وسألت الكوفيره قالت ان شاء الله اضبطه لك بالحشوات لا تخافين والله ييسرها ..
والمشكله انا ماتعاملت مع الزيوت لان الدكتوره تقول لاتستعملين شيء العلاجات وبس والله ينفع بها يارب ..
الله يسمح امرنا يارب ويعوضنا شعر افضل من شعرنا

هلافيك اختي انا عملتها في شهر 4 اللي فات بس هي ماتعالج الشعر المحروق ولاشيء هي فتامينات تعطى لعلاج الشعر من تساقط وتعذيه فقط غير كذا لا ..شعرك محروق من ايش عذرا على تطفلي بس عشان افيدك وي منطقه محروقه الجذور ولا الاطراف يعني الحين قبل ماتعالجينه كل المحروق قصيه عشان يتجدد واعملي الابر اذا انتي شايفه انها بتفيدك مدري اذا تفيدك اولا انا شخصيا فادتني وتعرفين الاجسام تختلف بس قبل كل شيء قصيه عشان يتجدد ويستفيد لانه الحين المحروق مامنه فايده مها ضربتي بالابر ولا حطيتي زيوت ماراح تستفيدين وباقي شهر يعني يمديك ان شاء الله بس بعد ماتقصيه وتهمتي اعملي ماسكات الاستشوار والسيراميك ابتعدي عنها طول هالفتره خليها لشهر العسل اخذي فتامين اضافي اذا بغيتي اعطيك نفس الفتامين اللي اخذته بس تراه يسمن اشربي عصائر وان شاء الله تدعي لي
وعلى فكره انا عملت 6 جلسات مع انها مقرره لي 8 بس انا اكتفيت بكذا وماكنت احس بصداع غير اخر جلسه جاني دوخه والم شديد براس وخفت عقبها وتركتها ومابي منك غير دعوه وحده ان الله يرزقني بولد الحلال اللي اتمناه ويستاهلني ويراعي الله فيني واي استفسار من عيوني

نسيت اقولك الف مبروك ربي يسعدك ويوفقك ويتمم لك على خير

سعوديه ماتهاب
الله يجزاك خير وويوفقك يالغلا ..
احترق من الاستشوار لا مو من الجذور محترق الحمدلله ..
وناويه اقصه ان شاء الله ..
وسويت الحين جلستين بس الحمدلله الجلسه الثانيه ماصدعت منها مثل الاولى ..
بس اهم شيء انك استفدتي منها يعني مو خساره فيها دفع الفلوس ..
والله يبارك فيك ماقصرتي على افادتك ..
الله يسمح امرك يارب :ق1:

انا جربتها مره زمان كانت الابر عشان تنشط فروة الراس
حسيت بألم لكن ماتذكر اذا حسيت بصداع ولالاء
لكن اللي اتذكره اني كنت ابكي
خاصة اني كنت صغيره بالمتوسط او ثانوي مااتذكر
المهم
ليش ماتخلين شعره الين يوم الزواج عشان التسريحة وتقصينه ثاني يوم بالزواج ولا مافي امل منه مره مره ؟