ليله العمر
12-07-2022 - 05:54 am
السلام عليكم
كيفكم ياعرايس <<لايكثر
بدخلي بالموضوع على طول ابغاكم تساعدوني للي عندها خبره
انا اكلم خطيبي بس بالجوال وعلى المسن (الايميل) كل يوم اكلمه واسهر معاه ونسولف
قبل يومين كلمته وكنت مره مشتاقه لصوته المهم توني متصله الاجواله الثاني دق
قالي اشوي اكلمك احس انواع التحطيم
بعدين رجع دق علي قالي مشغوله قلت له يعني اشوي المهم ماطولت معه
يافراشات اخاف او احس انه مل لاني كل يوم اكلمه على الايميل والجوال ابغاه يشتاق لي ويفقدني
ابغى طريقه تخليه يشتاق لي
بليز يافراشات ساعدوني ما ابغاه يمل ايش اسوي يوميا على المسن ولا كل بعد كم ساعه يتصل او اتصل
ابغى اثقل بس معرف وشلون ما ابغى اثقل مره يعني اثقل على خفيف فاهميني ياحلوين
ايوه صح بسئلكم الحين خطيبي ساكن بالرياض وانا تقريبا من 4 سنين نقلت جده كنت ساكنه بالرياض المهم محتاره وين اسوي زواجي بجده ولا الرياض انا اقول جده لان المفروض هو الي يجيني مو انا اروح له
ولا ايش رايكم حبايبي ؟؟؟؟
اسفه على الايطاله
تقبلو تحياتي
واذا انتي ودك تثقلي لاتتصلي عليه خليه هو يتصل واذا كلمك قوليلوو مشغووله
وخليكي كذا اسبوع وشووفي راح يبان اذا هو طفش منك اول او لا ..
بعدين الزواج ع العريس هو الا يحدد وين يصير مو صح ..