الي وزنها فوق الميه تحط يدها فيدي ونبدأ اول خطوه في طريق الرشاقه1 4 1430

السلام عليكم ياعالم الدبدوبات
اشتقتلكم والله
مدري تفتكروني ولا لا
كنت فقروب قبل ستنين وكان القروب ناجح جدا
وكنت في نقصان مستمرر معكم والحمدلله
بس الاراده ضعفت وخبصت الدنيا ورجع وزني
ولاول مره اكتب موضوع عن الدايت واسوي قروب
بس احب هالمره احصر الوزن عشان نتشجع اكثر وما نحس بالاحباط
الوزن يكون من الميه وفوق
ماقولكم رجيم بروتيني ولا تمر ولبن ولا كيميائي ونتعب نفسيتنا واجسامنا ونرجع مثل الوحوش ناكل الاخضر واليابس
بنبدأ بالتخفيف وانا بعطيكم نظام جربته من قبل ونحفت عليه كثير
ولاتقولي كم وتسوي نفسك انك مستعجله عندك عرس وتبين فستان
صدقيني هذا كلام فاضي وبدايه خاطئه
بيعدي الشهر والشهرين وانتي تتكلمي بدون تنفيذ
خلي امام عينك هدف طويل الاجل لاتستعجلي
الي بنيتيه فسنين ماينهد فيوم
خلينا نقول نستمر في القروب لنهاية الفصل الدراسي الثاني يعني بداية الصيف
لواستمرينا على النظام ومع قليل من الحركه راح يكون معدل النزول في الاسبوع بين كيلوين ل3ك
نقول في الشهر من 5ك ل6ك
يعني من ربيع الثاني لجماد ثاني هذي 3شهور يعني النقصان مابين 12ك ل 18ك وكل واحد وحسب جديته في الدايت ومجهوده الحركي
واذا فينا خير وبعد التوكل على الله نستمر في التخفيف لنهاية رمضان تتوقعي كم مقاس تنقصين فملابسك الي بتشترينها للعيد
اذا انتي تلبسين 24 اكيد تلبسي 18 مو انجاز؟
احسن ما تفكري فمناسبه بعد شهر وتنصدمي ان وزنك زاد مانقص!!
اول شي نتوكل على الله ونكثر الاستغفار والدعاء
اكيد طبعا معروف ان شرب الماء بكميات كبيره تساعد على انقاص الوزن
واذا متعوده تشربي منقوع الاعشاب للتخسيس اكيد يساعدك اكثر
ماتاكلي وانتي شبعانه ولاتاكلي لحد الشبع وبين كل وجبه والثانيه خمس ساعات
وحاولي ماتاكلي قبل النوم بثلاث ساعات
واكيد كلكم تعرفو الممنوعات من السكر والدهون و
اقلكم نظامي والي حابه تبدأمعي حياها الله واعانني واياكم على انقاص اوزاننا
النظام:
الفطور: صامولي اسمر صغير او نص صامولي اسمر كبير او شريحتين توست اسمر او ربع رغيف اسمر+ جبنه شريح قليلة الدسم او جبنه بيضاء قليلة الدسم (ممكن تاكلي معاها حلقات خيار وطماطم)+ شاي بسكر الرجيم
الغداء: صدر دجاج اوتونه بدون زيت او استيك او شريحة سمك+ خضار + سلطه (ممكن تضيفي على اكلك ملعقة زيت زيتون) (اذا قدرتي تتغدي بدون خبز واذا مضطره للخبز تكتفي بربع خبز فقط)
العشا: زبادي قليل الدسم +خيار<اختياري
وبس بعده صيام لليوم الثاني
ملاحظه: مع القهوه كلي ثلاث تمرات او استبدليها بحبه فاكهه
اتمنى ان النظام عجبكم
والي حابه تشارك تكتب يومياتها ووزنها ونشجع بعض
الوزن يكون كل سبت ونكتب في التوقيع الوزن =... بعد الاسبوع الاول =.... وهكذا حتى نوصل للوزن الي نرضى فيه
اتمنى الصدق والامانه ومشاركة الجديات فقط
وانا بتابع الموضع بنفسي باذن الله
والي بيشاركنا يكتب في التوقيع هالمعلومات:
الطول=
الوزن=
العمر=
الحالة الاجتماعية=
وانا بكره ان شاء الله اوزن واكتب الوزن
البدايه تكون من يوم السبت 1\4\1430ه
فاسرعو فالمقاعد محدوده
وربي يعييننا ويساعدنا