اللؤلؤه 2010
24-10-2022 - 05:12 am
يااخواتي بالله قولوا لي رائيكم انا تزوجت وزوجي عنده 3 اولاد بنت وولدين هذا قبل 8 سنين وزوجي والله طيب وكان مشاكل مع ام عياله وتنازلت عن عيالها وهم صغار كان الكبير عمره 6 س والثاني 5 س والبنت 2 س المهم صار نصيب وتزوجته وبعد ثلاثة شهور طلقها برغبه منها وطلبت يزوروها كل اسبوع وتم الاتفاق من المحكمه على كذا جلسوا فتره على كذا وبعدين صارت ماتطلبهم الاكل شهر او شهرين ويروحوا لها المهم تربوا عندي والله العظيم وبالله الكريم اني احبهم ويحبوني من يشوفهم مايصدقوا انهم عيال زوجي وينادوني ماما وربي ماكتب لي الحمل مرتين حملت واسلبت ودحين الحمدلله حامل في 7 بفضل الله المهم كبروا العيال والكبير رايح ثاني متوسط والبنت رايحه خامس وكل مايروحوا العيال زي الي تغيرهم وانا والله العظيم مااسالهم امكم اش تقول ولاشي ووقت ماتطلبهم اوديهم واهلها اصلا مايبغوا العيال بس نقول حرام عشان امهم لدرجة الاجازات تجي ماتخليهم عندها حتى اسبوع ولا تسال نجحوا ام لا وانا عادي هذا راجع لها المهم من يوم عرفت اني حملت وهي مقلوبه علي وصار لها يومين تتصل وترسل رسايل وتهدد وتقول ماتدخلي في عيالي خليك في ولدك الي بتجيبيه وان شاء الله حرمه ثانيه تحرمك منه وتحسي وهي الي رمت عيالها وانا رسلت لها رسايل يكسر الحجر هي شايفه عيالها مرتاحين وعايشين احسن عيشه انا ماامدح نفسي ربي يعلم وثم الناس تعرف قلت لها لاتدقي على جوالي صارت ترسل وتتوعد تبغى تخرب على عيالها وهي الي خربت بيتها بيدها دحين تتخبط ماهي عارفه اش تسوي بالله رايكم يهمني
بالنسبه لتصرفات طليقة زوجك انا من رايي انك تحطي زوجك في الصورة عشان لو صار شي يكون عارف يتصرف حتى رسايلها خليه يشوفها...والله يبعد شرها عنكم