الحريم الا الحريم

--------------------------------------------------------------------------------
بسم الله الرحمن الرحيم
السلام عليكم ورحمة الله وبركاته00
ياهلا وغلا بكل نظرة عين تعانق حروفي00
وبكل لسان يقرأ رسائلي00
وبكل قلب نبض لكلماتي00
وبكل يد خطت رد على مشاعري00
المسلمات00الغاليات بنات حوا
شفت كثير منا مهمومة وماهي مرتاحة فحياتها00أما بسب ذاتي من نفسها يعني حاجة فيها00أو بسب ظروف أو متضايقة من زوج وهذي طبيعة النفس ماترتاح للخارج عن المألوف00
لكن أغلب هذه الهموم اللي خربت حياة كثير من الحريم الجاهلة00مالها داعي ؟؟!!
فيه أمور تفقع المرارة وتستحال معها العيشة وهذي محدده شرعا وواضحة00لكن فيه أمور نقلب الحياة على شانها ونتحطم ونموت 100موته وهي ما أنزل الله بها من سلطان00
يعني حنا حطيناها وتعلقنا فيها وخليناه شريان في حياتنا وهي مال أمها داعي00بس ما فكرنا بعقولنا لأ 00ذبحتنا العاطفة على الدجة>>أببدا بالحياة الزوجية وأنتم قيسوا على كافة جوانب الحياة00
مافيه أمر تستحيل بل تحرم معه الحياة الزوجية إلا ترك الصلاة متعمدا ok
تعالوا نشوف بيوتنا وش جابلها الهموم والتفكك00
زوجي مايدلعني عند خواته00ووش أسوي فيه ؟؟!!
ألحقووني 00زوجي مايمدحني ولا يقولي كلام حلو؟!!
خلاص مليت ذبحني مايسفرني مثل مرة أخوه؟؟ ما عطاني من راتبه أبهدي لأهلي؟؟!!
الطلاق00الطلاق00أقرفني بعطره؟؟!!!
زوجي والديون00الله لا يوفقه!!
تطلقي وأرتاحي من سهراته للفجر ؟؟؟؟؟!
آآآآآآه00يبي يذبحني عجزت أقواه مايمشي كلمتي مثل رجال خواتي ؟؟!!
أدعوولي بالفرج مليت من طبخ الغدا 00ماعمره جاب من المطعم ؟؟!!
حالتي مايعلم بها إلا الله00عندنا زواج وجوالي قدييم ؟؟!!
يا ربي تعين قلبي ما سميت ولا واحد من عيالي ؟؟!!
أتمنى إنها وضحت الصورة00كثير منا ما تعرف وش الأساسي بالحياة واللي ينزعل عليه00
ووش الثانوي اللي إذا جا خير وبركة وإذا ماجا ماهي نهاية العالم00
كثير منا تقيس حياتها وسعادتها بفلانة وعلانة على أختلاف الظروف والأشخاص00
إذا حماتك غنية ورازقها الله ورواتبهم حلوة00لا تذبحين نفسك علشان تعيشين عيشتهم0
إذا أختك شخصيتها قوية وزوجها مطوااع لا تتعبين عمرك علشان تستنسخينه بزوجك0
كان جارتك زوجها رخمه وهي المدبرة بحياتهم00أحمدي ربك إن وراك رجال0
كان وكان 00الحياة متشعبة ومليانة بإختصار
عيشي حياتك بشخصياتكم أنتم00بظروفكم أنتم 00بإحتياجاتكم وقدراتكم أنتم
لا تناظرين فلانة وعلانة00لا تشاورين وحدة ما هي دارية عن الدنيا ولا عاشت الوضع اللي أنتي فيه وبايعتها00
لا تناظرين وحدة مالها هدف ولا عندها أولويات00
أهم شي وحدة مالهاقيم وضوابط بمعنى ماتستشعر مسئوليتها تجاه بيتها وأسرتها لا تقارنين نفسك فيها00أصلا لا تقارنين نفسك بأحد
إذا اعجبتك حياة وحدة أعرفي أن الفضل لله أولا وأخيرا00لوقالت لك حطيت وفعلت وسويت ، حطيها بنفس ظرووفك بالضبط وشوفي وش بتصير
أرضي بما قسم لك الله وعيشي حياتك00أجتهدي لتحقيق ما تأملين بالعبادة قوي علاقتك بالله وأكثري من الذكر00
ماهو معنا هذا إنك تكوني سلبية00لأ بس سوي اللي يدخل في حدود أمكانياتك00أطلبي حقوقك دافعي عن ممتلكاتك00حافظي على خصوصيتك00بالصورة والأسلوب اللي ماتنتهي معه الحياة تكون حاجة فعلا مطلب لك ماهو يعني شفتها عند اختي وأبيها وإلا سوتها صديقتي واعجبتني00
لأ يالغالية هذي حياة عسى الله يهنيك فيها
أستغفر الله الذي لا إله إلا هو الحي القيوم وأتوب إليه00
سبحانك اللهم وبحمدك أشهد أن لا إله إلا أنت أستغفرك وأتوب إليك0
والله والله صرت اهرب من دخول هل قسم الي المفروض يكون فيه كل معاني الحب الساميه بدال الشكوئ لناس اشكو لرب الناس والحريم الي بلمنتدئ مو خبيرات وبرفسورات في حل المشاكل الزوجيه
وللامانه منقول واول ماقريت الموضوع حسيته جاء ع الجرح ولازم انمزله بلمنتدئ وان شاء الله اكون سويت شي يفيد--------------------------------------------------------------------------------