امكانية احصول على زوج مثالي

هلا حبيبات قلبي وش لونكم عاسكم بالف خير
اكيد الموضوع ما شدكم ولا لقيتم فيه متعه
عشان كذا انا ببدا واحط بعض التجارب الي تخص هذا الموضوع
هذه تجربة أخت أخذتها من النت بس والله كلامها عسل وتجربتها لا تخلو من الغرابة بس واقعية جدا ومعايشة لابعد حد؟؟؟
اخليكم مع تجربتها........................
هذه تجارب زوجه ..وعساها تكون مفيده
للباحثين عن السعاده
الزوجيه
انا نوره زوجه و ربه بيت وام لطفلين...وضعي زي وضع اي زوجه نقوم الفجر نصللي وبعدها نستعد
للمدارس... يروحون واقعد انا بالبيت طبعا ارجع انام طبعا زي كل الحريم عندي عامله منزليه وتطبخ
وطبخها يحلف به.... يعني ناسيه الطبخ من زمان اقوم قبل لايجون عيالي وابوهم من الدوام.... نتغدى
ونبدا بالدروس والمذاكره ولعنة الجدف احفظ لاتحفظ...الساعه 7 ينامون وراهم مدارس...واقعد انا
وابونا لين 11 الليل ونسري.......... وهكذا كل يوم على هذا الحال ...مليت ...زهقت ...حاسه ببرود
...طفش وتاليتها!!
اخذني الخيال لبعيد... تخيلت اني مع رجل جديد وحياة جديده ...كيف رح تكون حياتي؟ هل هي نفس
هذي الحياة الممله؟...لا لازم اتجنب بعض الاشياء اللي سببت لي هذى الملل وابتديت احط الافكار
والخطط على اني فعلا في حياة جديده وابيها تدوم... غيرت غرفه نومي (يعني غيرت وضعها) اشتريت
مفارش جديده وتكثر فيها الدنتيلات....شريت شموع ملونه وروائح مختلفه.... وطبعا الاهم قمصان
النوم وملابس البيت اهتميت فيها لدرجه حسيت بسعاده وانا اشتريها وفرح.... قصيت شعري وصبغته
غيرت نفسي وغيرت وضعي للحياة اللي بخيالي فقط!! ويوم خلصت كني بديت اصحى شوي قلت
لمين هذا كله؟
ليه ما الامس ارض الواقع واعيشه مع زوجي ونستمتع مع بعض...وبعدين جا وجه زوجي بخيالي
وهو يقول : يوه وش انتي مسويه وشوله كل هذي الحوسه ترى كله واحد..وانا اموت من حكايه
ترى كله واحد... لا... الحياه الزوجيه مو واحد كلها اثنين..... قلت بيني وبين نفسي والله لو يقولها
لايكون نهايه مابيني وبينه خلاص لازم نعيش وننتعش شوي.
كان يوم اربعاء قلت ماراح اطلع ابي اجلس في البيت جلست واستعديت وصلحت كلشي كاني عروس
جديده طبعا هو مادخل قبل 1 بالليل مثل اغلب الرجال نثرت له الورد من باب البيت لين باب
غرفه النوم ومن داخل البيت طفيت الانوار وخليته يمشي على نور الشموع لين باب الغرفه... المهم
دخل وطبعا انا راصه ضلوعي لا يقول وش انتي مهبله بعمرك....حالفه لاذبحه..بس اشوى نظر لي
نظرات حنونه وسعيده وممنونه للي سويته من تغيير في حياتنا... لا تستسهلون التغيير في الحياه
الزوجيه والله حتى لو كانت كنبه صغيره شيليها من هنا وحطيها هناك تحسين بتغير وتجدد وانتم
يالرجال.. لاتقللون من الجهد اللي تبذله المرأة لكم لاجل اسعادكم لانكم تحطمونها وانتم ماتدرون
( تجارب زوجة 2 )
اطلع برع لاتدخل غرفتي ما أبي اكلمك...... برع ...هذي حالتي من يومين!! تعبانه بجد وطفشانة بجد
..كل شي زي ما هو.... غيرت البيت ...غيرت ملابسي ...غيرت مفارشي.... فتره ورجعت لي حاله
الملل!! ...اف ايش هذا الزهق؟ ليه كذا ؟ هل هذا يرجع الى عدم الحب!! هل انا في الحقيقه
مااحبك؟...... هل انت من داخلك ماتحبني؟..... وعايشين بالبركه!!!.... او وشو؟؟......... ليه هذي
الحاله تتكرر علينا من تعدينا ال 10 سنوات زواج؟؟....... وش المطلوب؟...... وش المفروض
نسويه؟؟.......
تعبت والله تعبت ومليت..هذا كلامي اللي قلته لزوجي بندر ماخليته بخاطري قلته له وشرحتله احاسيسي
....طق طق طق ...يوه يابندر ماابي افتح..طق طق ...قلت خليني لحالي ماابي اشوف ولا اكلم احد
قال:انا مو بندر انا احمد!! قلت: وشو من احمد<<<< قلت الله يخلف الرجال انهبل قمت وفتحت الباب
وبشوف السالفه...... لقيت بندر لابس جينز لو ويست وتي شيرت ضيق والشعر فيه جل!!
صحيح شكله صار ولد حليوه....... واكتشفت ان زوجي مهوب سهل........ اتاريه يشبه اللي يطلعون
بالتلفزيون!!وقفت اتامل........ وقلت: وش سالفه احمد؟ قال: ايه انا الليله احمد..... واحد غريب عنك
ماتعرفينه..... وانتي بعد الليله بتكونين سحر مو نوره .....
تصدقون عجبتني الفكره...طرت واخذت دش وطقيت الميني جيب وتي شيرت قصير بطني صار
مكشوف
وسوينا ذيك الليله فديو كليب....طقيتت روبي بصبع قمت الصبح وانا حاسه فعلا اني جديده ..انسانه
ثانيه ....نشيطه ومقبله على الحياة ..جربوها ....بتدعون لي
( تجارب زوجة 3 )
انا نوره اذا كنتم تذكروني انا وزوجي بندر ..مبسوطين وسعيدين جدا ولله الحمد ..بس اللموضوع
يتعلق بزوجي.... طرأ عليه بعض التغيرات.... ماكان كذا من الاول..... تغير بعد 10 سنوات من
الزواج تغير!!!
ما اقول لأسوء لا... ولا ادري بعد هل هو للاحسن والله ماادري ...وتغيره هذا صار في حياتنا الجنسيه
تغير زوجي.... اول ماكان كذا ....الحين صار يطلب مني اشياء بصراحه انا مااشوف لها اي داعي ولا
اي اثاره!
بس كنت اتجاوب معاه واقول ماراح احرمه من شي انا اقدر عليه ومحلله ربي....صار يسوي لي
حركات غريبه مثلا يخبي كاميرا الفديو ويصورني وانا طالعه من الحمام ماخذه دوش وابي البس جوا
غرفتي!!
صار يتخبى جوات الدولاب ويستمتع وهو يتفرج على وانا البس او افسخ هدومي!!صار يطلب مني اني
اشيهل هدومي واجلس من دون ولا روب....
. لدرجه انه يقول لي: انزلي للمطبخ ويوصيني اجيب اي شي وانا ماعلي هدوم!! وهو يمشي وراي
ويتفرج على شكلي!! واللي انا مستغربه له؟؟
مو معترضه انا كلي له....... بس ابي اعرف وين اللذه في كذا وين المتعه انو يتلصص علي ويشوفني
من دون علمي!!
حاولت امنعه حاولت اقول: مايصير انت طلباتك فاضحه مع انك زوجي بس فاضحه ومو مريحه
قالي: اذا تبيني ارتاح ابيك انتي تريحيني انتي ملاذي وراحتي طاوعيني على اللي ابي ..دامه مايغضب
الله...اشبعيني باي طريقه ابيها...تراكم ..انتم الزوجات ماتعرفون عن اطباع الرجال ولا عن ميولهم
ولاعن رغباتهم احنا نختلف عنكم بالشهوه والمزاج وتقلب المزاج بعد...لاترفضون لنا اي طلب
احتضنونا احنا مثل المويه الي تنكب وتبي من يتلقاها بين يديه خليني بين يدينك اصحك اطيح من بين
يدينك.....قلت له من عيوني بس لاتنساني لازم تمتعني زي مانا امتعك قال : ابشري!
سامحوني اذا كنت جريئة شوي بنقلي بس هذه تجربة اخت اخذتها ونقلتها زي ما هي
الله يوفقها ويستر عليها هي وزوجها
ويعطيها الي تتمناه وجميع الحاضرات

من الأذكار اليومية: بسم الله الذي لا يضر مع اسمه شئ في الأرض ولا في السماء وهو السميع العليم ..(ثلاث مرات)

يعطيك الف عافيه

معقولة محد منكم له احلام او مطالب ؟؟؟؟؟؟؟؟؟؟؟؟؟؟؟؟؟؟؟؟