امي يوم شافته تقول والله هذا من مخبز مو أنتي إلي عاملته والصور موجوده

ملاك بنت سلمان

25-10-2022 - 10:46 pm

الطريقه ..

يالله قولي ورددي اللهم صلي وسلم على سيدنا محمد وعلى آله وصحبه اجمعين 10 مرات
المهم انا الصراحه فرحانه من شغلي إلي سويته وضبطته والحمدلله وماشاء الله علي ههه شاسوي اخاف على روحي من العين و تكفين قولي ماشاء الله ولاتنسين تعلقين على موضوعي الحلو وصار احلى يوم شفتيه
السلام عليكم بكتب المقادير وبالتفصيل الممل ...
المقادير هي ..
5اكواب طحين جميع الاستعمالات + ملعقه اكل خميره فوريهوباكن بودر + نص كوب زيت زيتون + كوب صغير سكر + ملعقه صغير ملح + 2 كوب ماء دافئ دافئ وليس بارد ولاحار دافئ ..

الطريقه ..

اخلطي جميع المقادير جيدا واتركيها 20 دقيقه بعد ماتغطينها او تتركينها في المكريويف وبعدها شغلي الفرن فوق وتحت
واخذي جزء من العجينه والباقي غطيه عشان مايصير يابس ودهني صينيه الفرن بالزيت وعقب ماتحطين تشكيلة على حسب ذوقك تحطين فوق العجين مسحة صفار البيض مع رشة حبة البركه او سم سم اتلونينه بأي لون انتي تحبينه وانه لونته بالاخصر
وقبل ماتدخلي الصينيه في الفرن سكري الجزء العلوي فقط خلي الجزء السفلي يشتغل واتركيه 10 دقايق درجة على حراره 160 وعقب مايستوي شغلي الجزء العلوي لين مااتشوفي الجزء الاعلى للمعجنات يصير لونه ذهبي يجنن وبعدها
خلي المعجنات تبرد شوي وبعدها زينيها بالجبن والنعناع او النقانق او اي حشوه خاطرج فيها .... وتسلم يدك مقدما
منقول للفائده

التعليقات (8)