ام زوجي اوف منها غاثتني الى متى

عن أبي هريرة رضي الله عنه قال : "جاء رجلٌ إلى رسول الله -صلى الله عليه وسلم- فقال : يا رسول الله، من أحق الناس بحسن صحابتي؟، قال: (أمك) ، قال: ثم من؟ قال: (أمك) ، قال: ثم من؟ قال: (أمك) ، قال: ثم من؟ قال: (أبوك) متفق عليه
السلام عليكم ورحمه الله وبركاته
حبيت اتكلم عن موضوع منتشر للأسف ومدري وش السبب فيه
هل هو الجهل؟
او العادات ؟
او الغيره ؟
مدري عن السبب (تعددت الأسباب والموت واحد).
يابنات ليه نسبه كثيره من المتزوجات تعادي امه ليه والله شي يقهر
والله حالات كثير اشوف ام الزوج مثل العسل والزوجه معاديتها
والاسباب علشان ولدها يوديها السوق ولا ساكنه معاهم فنفس البيت ولالانها تدلع ولدها
واشياء تافهه مالها اول ولا تالي
تكفون ياحريم نبي عقول واعيه نبي نترك الجهل الي فينا
نبي نحث ازواجنا انهم يبرون بامهاتهم مو نحرضهم على العقوق
تخيلي اجرك من الله لو تكونين السبب في بر امه تخيلي حسناتك وتخيلي العكس
فكري معي في موضوع
بعد 30 سنه صرتي حرمه كبيره ولدك كبر
بعد ماربيتيه حضنتيه لعبتيه اكلتيه شربيتيه غسلتيه
درستيه وذاكرتي له مرضتي لمرضه وفرحتي لفرحه
وكبر ولدك توظف صار يبي يتزوج
رحتي خطبتي له اخترتي له البنت وتأملتي انها بتكون مثل بناتك
جهزتيه للزواج وفرحتي له وذرفتي الدموع من كثر الفرح
قلتي اخيرا ولدي بيرتاح وبشوف عياله
وتصحين على واقع اليم
زوجته ماتبيك ومعاديتك وتغار منك وتحرض زوجها عليك
وفالاخير
هالولد الي تعبتي عليه كل هالتعب
راح ولاعاد منه أي فايده
وصار ملك لزوجته وغيرته عليك ونسته ان عنده ام
وش رايك
بالله مو شي يحزن
بالله ام الزوج ماتستاهل الاحترام والتقدير
ماتستاهل تحس انها جنت ثمار تعبها على ولدها
وش فيها اذا جاب لها طلباتها
وش فيها اذا سافرت معاكم
وش فيها اذا عاشت معاكم
وش فيها اذا ولدها وداها السوق
حتى لويعطيها عيونه تستاهل امه امه الي تعبت عليه
تستحق تشوف نتيجه تعبها
ادري كثير بيقول ان بعض امهات الازواج يرفعون الضغط
بس بقولك حتى ولو تحملي وادعي ربي يصلحها ويهديها
بس مهما كان ومهما حصل
لازم تحثين زوجك على برها
لايصير عاق بأمه والسبب انتي
وتذكري عذاب ربي والندم يوم لاينفع الندم
من اليوم ارجوكم كل واحده علاقتها بام زوجها سيئه تعيد حساباتها وتذكري الدنيا دواره
واخيرا
لأن بصراحه اشوف مشاكل كثير فالمنتدى الي تشتكي من زوجها انه مايحبها وانه مايهتم وانه وانه وانه الى مالا نهايه
والبنات مايقصرون يعطون الحلول فيه منها الى تدمر بيوت وفيه الي تبني بيوت
بس اذا جينا للحق
المشكله عرفناها من طرف واحد طرف الزوجه
طيب مو ممكن زوجها طاقه كبده منها من حركاتها
وممكن يكون هذا سبب من الاسباب صح
فاللي تعادي ام زوجها والله بالنسبه لي تستاهل لوتنضرب ليل ونهار
والله لو انا رجال وعندي حرمه تبي تكرهني فامي ماتعيش معي لحظه والزوجه بدالها الف والام وحده ماتتغير
الله يرزقنا بر امهاتنا
اتمنى تتقبلون موضوعي بكل صدر رحب
اللهم صل على محمد
سبحان الله وبحمده
سبحان الله العظيم