ام زوجي ومعاناتي الله يصبرني ويعطيني الاجر

بنات ام زوجي احبها وطيبة معاها بس تحب المشاكل مرة واضح الكرة من عيونها لي ولاختي لاننا متزوجين اخوان ونحن طيبين وعلى نياتنا معاها بس هي تكرهنا لانها تبي تحرض اولادها علينا هما يطيعونها بس بالحق واذا طلبتهم شي عطوها وعمرهم ماقالو لا ودايم نقولهم ابوك وامك وهما طيبين عمرهم مارفعو اصواتهم ولا سبوهم ولا نعلوهم ولا شي بس الام حاطة دوبها ودوبنا بدون سبب يعني كثير يشتكي منها وتغار من الوحدة اذا تكشخت وتزينت ونحن مانرقبها ولا تهتم لنا بس هي تسال العيال الصغار عن كل شي تخيلو ونحن نطنش ويوم من الايام احسة حاقدة او فيها شي زوجي دايم يمزح معاها ويضحك بس من بعد زواج ولدها الثالث الام تغيرت حيل حيل وقبل الزواج نجهز سوا ونسهر سوا وونجتمع سوا ونسينا كل الي صار بس من بعد الزواج قلبت مرة وصارت نظراتها كرة ف كرة بدون سبب وتتحسس من اي شي وقبل لا
ومرة زوجي كان مشغولة بالة ودخل مجلس وماسلم علي امة نسي او قولو الشيطان اغواة والشيطان حسبي الله علية يجري ببني ادم مجري الدم ونسي ماسلم وهو علي بالة سلم عليها بس لا طلع ماسلم الموهم يوم جاني السيارة رحنا بعيد الشقة بعيدة ونسولف وقامت اسالة كيف امط طيبة لانها عند ناس وقتها خواتها وانا احتككي قيهم مو كثيرر وكنت بالسوق ومستحية انزل وانا جاية من السووق الموهم ويوم يقول والله ماادري سلمت والا ماسلمت بس مدري ويم اقولة اشلون ماسلمت ع امك يقول والله والله نسيت وقال بدق واتصل بامة وقالها معليش والله نسيت ماسلمت عليك والله مدري سلمت والا لا يعني في شي شاغلة او الشيطان نساة حسبي الله علية وقدر الله وماشاء فعل انة مايسلم وهذا مكتوب وصار الموهم كلمتها انا قلت كيف ماسلم عليك قالت لاعادي يمكن نسي والموهم قلت لها وينك قالت انا ف البيك قصدة يرجع قلت لها متي بتسافرون قالت الحين بنمسك الخط قلت طيب توصلون بالسلامة ان شاء الله الموهم رجعت كلمتني قالت شوفي برسلك على زوجك قلت طيب قالت لايكلمني ولا وجة يجي بوجهي ولانى امة والله بعدج اليوم خلاص قلت ياخالة الشيطان شاطر يما فرق بين ناس ولدك مابقلبة شي بس نس وحلف لي بالله (فمن حلف بالله فصدقوة ) يكفي قول والله المفروض خلاص تصدقي وتنسي وخلى الباقي ع الله قالت لالالالا خلاص كويس انها جات على كذا الله يخلي الاولاد بس والله يابنات اننا طيبين معاها وانا استغربت كلمها ليش تغيرت ليش انا قلت يمكن احد معبي راسها علينا وقال وقال لان بنات الحرام كثير والمشكلة اني طيبة معاها واحبها وقلبت علي فجاة من بعد مازوجت الولد الثالث والموهم قلت لها طيب ابشري وقلت لولدها وهي تسمع وقلت شوفية يسمع وقفلت الخط بعد فترة اتصلت وينكم باقي طلعتو تتمشو رحتو سوق والا مطعم انا استغربت صراحة وسكت قلت لا ف الشقة حسيت انها تبي تقيس النبض هل تنكدنا والا شوو وانا قلت ياخاله انا ماراح اتدخل بينك وبين ولدك انا اعتبر غريبة قالت اية لاعادي الموه طلبت ولدي وكلمتة لانه الصوت عالي قالت انا مسافرة اودي ملابس عمة فلانة وتقولها بدلع تقصد العروس الجديدة اوكي انا سكت نسيت الموضوع وقلت ربي عالم النوايا المشكلة انها قلبت من جد وانا قلت اكون رسمية والحين زوجي يحاول يراضيها وللاسف رافضة سوا المستحيل وترفض تروح الغرفة ماتبي وقبل فترة قلت اكلمها وكلمتها رفضت يعني قلت لها الانسان ينسي ويخطي وخير الخطائين التواتبين وزوجي معترف بغلطتة وهي تقول لا الا بقلبة شي تقصد انا محرضتة وربي عالم عمري ماقلتة على اهلة حتي عن حركاتة معاي اسكت واحتسب الاجر بس هي زودتها وتروح لناس تقولهم كلام غريب عننا وتغار مررة برغم اشتري لها ملابس هي وامي ومااقصر بس لالا هي تكرهني انا واختي وماتبينا سوا تبي تفرق بيننا وتتضايق لما نكون مع بعض صراحة وحتي ولدي لما ينزل عندها تقول من وين جيت من بيت مامة والا خالة وتسالة عن كل شي يعني احسها تبي تفرق بيننا بس نحنا خوات مهما صار واختي احبها واقدرها وماتبي نكون سوا كلنا الثلاثة لالا يعني من كثر كرهها لنا كرهت ازواجنا الي هما اولادها وتبي تطلعهم قدام ابوهم بصور مو حلوة بس ابوهم طيب ويحبهم وعمرة مازعل عليهم هي لا تتحسس من اي كلمة حتى لو مافيها شي وتقول لي يوم قلت لها نسي ماسلم عليك والانسان ينسي الا لو مانسنا كم مصايب صارت لنا قالت لا يروح يتعالج احسن اش تقصد من كلمها لانها شايفة ازواجنا مايقصرو علينا ولا عليها ويحبونا ويودونا المشاغل والاسواق وهي نقولها روحي معانا ترفض اش معناتة واذا شافت وحدة متكشخة وحلوة تغار وتقول زوجها يحبها بس نظراتها كرة لنا والله مهما نسوي والله اغسل المواعين وارتب البيت لما يجيها حريم والعروس الجديدة جالسة رجل على رجل والله مرة سمعتهم يتكلمون بشويش ويضحكون واختي مثلي ترتب وتغسل وهي لا تفضل العروس علينا مهما سوينا وقالت لي قاله انتو يما جرحتوني بس الله يخليلي فلانة تقصد العروس يالله كل الي نسوية والمعالمة الطيبة تجزونا كذا وين القلب وين المشاعر وين النية قبل كل شي والله يابنات الي بقلبي اعظم والي اشوفة بعيني اكبر بس احتسب الاجر وزوجي شايفني على نيتي اهمها ببتي مااكلم احد عنها ولا شي ولاحتى هو وحدي ولا احتك بالناس ابد وتغار مني مرة واضح لان احب اهتم بنفسي واتكشخ لزوجي وزوجي مايرضي فيني لانه شايف معاملتي بالنية قبل كل شي وهمي رضا ربي قبل الناس وكثير ناس يحبوني وهي كانت تحبني بعد قلبت علي يوم رجعنا انا واختي مع بعض ونسينا المشاكل لان انا واختي كنا دايم نتحسس من بعض وتصير مشاكل واحسها يعجبها ام زوجي ويوم جلسنا فترة طويلة صفينا قلوبنا ورجعنا لبعض هي تركتني وتجنبتني ليش هذا حرام وماجاها شي وبعد الزواج اكثر يعني تبي كل وحدة وحدة وتروح لهاذي وتحرضها على اختها وتروح لثانية نفس الشي وزوجي الحين طردتة وقالت لايكلمها وينسى انة يشوفها لانها خلاص وهي بلعكس من كثر غيرتها مني كرهت ولدها ليش مايسمع كلامها لان هما واخواتها معروفين يحبون اولادهم بيدينهم ويرضونهم على زوجاتهم ويضربوهم بس ربي مايرضي كذا وزوجي نيتة يوم ماسلم نسي موقصد منة ويكفي حلفة بالله فمن حلف بالله فصدقوة اش رايكم بنات هاذي معاناتي والحين افكر اتجنب واكون رسمية بالمناسبات بس اقابلها لان لاحظت اذا تكشخت وتزينت تزيد غيرتها علي او اذا احد مدحني لانها كثير ناس يمدحوننا بجمالنا واخلاقنا وهي ماتحب الناس يقولون حلوين ونفس العروس الجديدة احسها تغار بس الله يجزي كل واحد على قد نيتة وربي الي خلقنا كلنا كل واحد له شكل لان انا صبغت شعري والعروس واختي قالو يجنن وروعة لاتغيرية وفتحك زيادة وامي زوجي كانت جالسة بس بعدها صارت مشكلة وزعلت مني بدون سبب او بدون قصد مني اش رايكم زوجي يحاول يبين لها وهي رافضة شكلهها حاطتني انا قدامها وببالها الا قلب الام حنون واقولها تقول لا انا قلبي مو زي الامهات ومستحيل ارضي علية ليش ولدك حرام عليك مايحن قلبك انا ولدي لو كبر وتزوج وماسلم عليى والله والله والله لانادية اقوله ياولدي ليش ماسلمت علي لو قال يايمة والله نسيت بقولة الله يسامحك وانا راضية يكفي حلفة بالله لان اذا احب ولدي واتمني له السعادة والله مانكد علية وخلية متعذب 3 شهور حرام والله حرام وين الامومة لان زوجي وزوج اختى يقول لازوجتة نصبر ونحتسب الاجر لان من وحنا صغار ماحسستنا امنا بالحنان والامومة كانو يمرضون وتسير وتخليهم وحدهم وين الامومة بها الزمن كيف ازعل على ولدي واخلية 3 شهور ضامنة كم بعيش وقلت لها ياخالة والله لو صار لولدك شي وهو رضيتي علية والله ماراح تسامحي نفسك قالت لي عارفة ربي يحاسبني وبيعذبني اش رايكم يابنات وربي ماظلمتها لان افكر بربي قبل بس من قهري وين الخوف من ربي وكيف اقدم رضا الناس وكلامهم عن ربي حسبي الله وكفى