انا بصدد انشاء صالون نسائي راقي تفضلي واكتبي ماتتمنينه في صالونات التجميل

بصراحه اكثر شئ يحببني في المشغل العامله
اذا كانت عسل وتريح واخلاق احب المشغل واحب اروح له
بس اذا كان العكس اكرهه ومااحب اروحله حتى لو عندهم خدمات حلوة
واقترح تحطين قسم فيه مشروبات ومويه لان الواحد يعطش
او تحطين كوفي شوب اذا فيه مساحه
وقبل ماتبدين بالترتيبات ادعي ربك انه يوفقك ويسهل لك

الله يوفقج ويفتحها عليج قولي امين
عني انا اهم شي عندي النظافه من كل شي سواء من الصالون والا من العاملات في شي ثاني ما احب العاملات اللى يتكلمون زياده عن اللزوم واا بتجيبين عاملات من برا من اي جنسيه احب يكونون بلبس يونيفروم
مثل ما قلت لج النظافه اهم شي والتعقيم لكل شي من ادوات والمعامله هم حلوه وتريح والاستقبال
احب الصالونات اللى لو رحتيها اول مره تحسين كانج زبونه دايمه عندهم

الله يوفقك
و الله انا عم بوخد دورة مكياج و البنات بيحكوا عن الصالونات و مشاكلها فظيعة...
و قلت مستحيل ابدا اشتغل بصالون بس افيد اهلي و حولي...
عالعموم اذا بدك رأي
انا بحب اذا دخلت صالون....
بحب انه مايكون فيه خدمة شيل الحواجب....
لما اشوف وحدة تشيل حواجبها قدامي اهرب من الصالون...
لأن عاقبة النمص كبيرة ....
و طبعا اهم شي تكون معاملة الكوافيرات حلوة
ابتسامة على وجوههم و يكون شكلهم مرتب ....
و يجذب الناس
و ماتجيبي كوافيرات حاقدين و حاسديين ....
هيك نوعية بتعب الزبونة و رئيسة العمل
و تكون نوعية المجلات الموضوعة مجلات مثال
الفرحة و ولدي و تحت العشرين و اكيد لازم مجلات
متخصصة في مكياج و تسريحات ....
و مايكون موجود مجلات هدم الاسرة مثل كل الاسرة و سيدتي و امثالها
انا احلم ان الصالون الي بروحه هيك يكون...
شان هيك مابروح الصالون الا للضرورة جدا بس...
و بالنسبةة للتعامل مع الموظفات ممكن تشوفي كتب
في مكتبة جرير كتتير حلوة عن هيك موضوع...
تقبلي مروري...

بصراحه اكثر شئ يحببني في المشغل العامله

الله ييسر لك
*وأنا أتمنى أن لبس العاملات يكون محتشم والزبونة اللي لبسها مو محتشم تلبس العباية
* وما يكون فيه نمص
* ولا وصل للشعر
* والتفصيل ما يكون عاري
* وضعي طاولة فيها كتب ومجلات إسلامية مثل: حياة-فتيات-الأسرة-شباب-المتميزة وغيرها للإستفادة منها أوقات الإنتظار
* أن تكون الأسعار مناسبة
* النظافة
* المعاملة الحسنة
* الدقة في المواعيد
* أن تكون المنتجات موثوقة وأصلية
* أن تكون العاملات مسلمات
ومن ترك شيئا لله عوضه الله خيرا منه
احرصي على نشر الخير
واعلمي أن فتح مثل هذه الأماكن والحرص على عدم مخالفة الشرع فيه خير كثير
وأتمنى أن تكوني قدوة لمن بعدك فمن دل على خير كان له مثل أجر الذي عمل به
وهذه سنة حسنة لو عمل عمل بها الكثير
جزاك الله خيرا ووفقك وأعانك

أكثري من الدعاء بالتوفيق والسداد واستخيري واستشيري من سبقك..

العاملات: اخلاقهم طيبه لسانهم حلو لاينفخون واهم شي بالنسبه لي
لاتنشب فيني العامله
يعني بعضهم اقولها ابي اصبغ وتبيني بالقوه اقص
يابنت الناس انا جايه اصبغ ماني جايه اقص شعري
تقول لك غيري اللوك مره وحده
ياربي الحين وش يفكني من هالنشبه
كله علشان تبي فلوس زياده والله لو بتقص ببلاش مانشبت
انتبهي لايكونون الموظفات كذا
.....
مره رحت مشغل وكنت ابي كوفيرا معينه طلعت مسافره..حطتني اللي بالاستقبال عند كوفيرا ثانيه.. ومدحتها لي وشغلها مره حلو..قلت على ضمانتك؟؟ قلت اوكي على ضمانتي
الله لايوريك حاست وجهي حوس
ورحت لراعية الاستقبال قلت: بالله هذا مكياج؟
وهي ساكته شكلها انفجعت ههه المهم قلت ابي تعدلونه لي
قامت تنادي وحده ثانيه يافلانه يافلانه تعدلينه لها؟؟
وش هالاسلوب يعني بعض امشاغل يحسسونك انهم متمننين عليك..مع انه مالهم فضل علي..انا معطيتهم حقهم
ومره وحده راحت مشغل ودفعت طبعا عند الرسبشن قامت اللي بالرسبشن تقول: يله من تتبرع وتسوي لها مكياج؟!!!
بالله هذا اسلوب !
.....
النقطه الاهم اكره اروح مشغل حاطين لك قنوات الفساد يا فلم يا اغاني على اعلى صوت
يعني فيه حريم مايحبون يطالعون هالاشياء..احترموا الزباين بعضهم يتضايقون من الاغاني والمناظر الخالعه..انا اتضايق بس استحي اتكلم اخاف تجيني وحده ماتتقبل والا لسانها طويل.. بس ما اصدق اطلع من عندهم.. الله يهديهم بس

أولا ميكون فيه نمص
وبعدين لبس العاملات محتشم والمعامله الطيبه واللسان عسل وربي يوفقك

والبنات الله يجزاهم خير تكلموا عن النص والتوصيل وكذلك الرموش تعتبر من التوصيل والله اعلم