انا جدا محتاره تعالوو عطووني رآيكم

السسلام عليكم
شخباركم عسساكم بخير
والله مانيب عارفه وشلون ابدا بس اليوم امي قالت لي جآتس معرس
بس اللحين محتاره بينه وبين محمد ههه
المعرس اللي جاء وقالته لي امي أصغر مني بسنتين وشوي
يدرس بمتسان وبعدها يتوظف فيها (( ان شاء الله ))
هو يقرب لي من طرف الوالده
على حسب علمي له سوابق انحرافيه يعني جولات وتسذا
أختي الصغنونه كانت تحبه ==> كانت تحب كل عيال العائله اصلا خ
بس هو يبي يتزوج علشان يستقر وكذا وقد خطب من العائله ورفضووه
مو من سكان مدينتي
اما محمد
أخو زميلتي
مو من قبيلتي
عمره 27
جامعي باقي يدرس
توه بيتوظف بشركه راتبها 3500
ومن سكان مدينتي --> احلا شي
بس للحين ماتقدم لما يخلص اوراق وظيفته
بس اخته كلمتني وقالو بنجي نشوفتس بعد اسبوع او اسبوعين لما يخلص الموضوع حقه (( الوظيفه ))
انا بصراحه ودي اعيشش الزواج بكل حب ورمنسسيه وأبي صراحه واحد من سكان منطقتي علشان يزورني ايام الخطبه ونعرف بعض اكثر ومحتااره حدي
امي مرره ودها أوافق على اللي يقرب لهاا هي ماتدري بموضوع محمد للحين لانه للحين مو جاهز من سالفه الوظيفه
اخاف ارفض اللي يقرب لي ...بعدين لاسمح الله يتكنسل موضوعي مع محمد
وأقعد بها لا زواج ولا خطبه ولا رومنسسيه --> اقششر بصل
بنات اعتبرووني اختكم الصغيره انا تقريبا تووني ماطبيت ال24 يعني بعدي صغيره ومانيب فاهمه بالمواضيع هذي زين
احتري ردودكم اللي تثلج الصدر قسم بالله من التفكير طار النووم تسسني خفااش قاعده افكر وآحسسب من جميع النوآحي
بس ذابحتني الحيره