انا خلاص مني قادره اتحمل تعبت

1. بسم الله الرحمن الرحيم

بسم الله الرحمن الرحيم

الي تقدر تفيدني يابنات اترجاها تساعدني بحل بشي يطمن قلبي انا خلاص تعبت حياتي بأختصار مافيها اي شي يفرح اتزوجت انسان انا اخترته والحمدلله علاقتنا ناجحه بكل المقايس بس الدنيا ماريحتنا من هم لهم ومن تعب لتعب زوجي ماعنده وظيفه عندي بنت عمرها سنه ونص حملت مرتين وربي ماكتب يتم حملي حياتي مهدده بأي لحظه عايشه كل يوم ع امل جديد صبرت مع زوجي ع المر لدرجة اني اتزوجت في شقه مافيها الا سيراميك وغرفه وحده مفروشه بس طراحه صبرت وعشت مبسوطه وراضيه زوجي اتسجن لديون قعدت عند اهلي الي ظروفهم اصعب من ظروفي كل يوم كان يمر عليا بسنه ولادت بنتي وزوجي مسجون كانت اصعب لحظات حياتي زوجي اللحين مسافر مرافق مع اخته لدراسه راح يدرس وانا هنا انتظر امل كذاب قاعده عند امي المنفصله عن ابويا واخواني الي تحت مسؤليتها جيت انا وبنتي نكمل الناقص اذا بغيت شي من بره مستوصف اي مكان ماعندي غير المشاوير من سياره اجره لسياره اجره تعبت بجد نفسي يرجع زوجي برغم انه ماله مستقبل هنا لازم يكمل دراسته ويرجع بشهاده طيب انا كيف اكمل فترة دراسته هنا لوحدي الحمدلله زوجي هناك مستاجر بيت دورين واخته معاه يعني في مجال ياخذني كلمته اترجيته بس يأجل وعذره الماده كيف اجهز اغراض سفري انا وبنتي وتذاكرنا واعتذر ...انا مليت يابنات بجد مليت مني قادره انام ولا اكل ولا اشرب بنتي تبكي يوميا وتسأل عن ابوها مسؤليتها كسرت ظهري مسؤلية امي واخواني كنت اقول اذا رحت هناك اصير ارسلهم من المكافئه الي بتصرفها الحكومه لبنتي وليا واخفف عنهم حملي زوجوني عشان يرتاحوا وانا زدتهم هم ...قررت انا اتصرف بأي حل وبدات ابيع اغراض عندي بسيطه ونزلت السوق مره وبدائ اجهز اغراض سفري انا وبنتي اتصورت وصورت بنتي لاني ماعندي جواز سفر واتفاجاأ باالصاعقه ان بنتي ماتقدر تسافر لان ابوها عليه شكوه في الحقوق المدنيه واحد بيطالبه بفلوس وان بنته ماراح يطلعلها جواز الين ابوها يجي ويحل المشكله ؟؟؟اش اسوي قولولي ماادري اذا صح هاالكلام ولا لا سألت واحد باالمطار زوج قريبتي يقولي من المطار مافي مشكله تسافروا بس وحده قالتلي انه لا مايصير في الجوازات ماراح يمشوا اوراق بنتي اتحطمت اخر امل ليا انتهئ معقول اقعد هنا السنين هذي كلها لوحدي انتظر مجهول؟؟؟الحل اش اسوي اروح لمين من يوم ماسمعت الخبر هذا وانا حالتي صعبه وامي تعبت مني مصدقه كيف اتأكد لو طلع الخبر صحيح الحل؟؟انا تعبت مني قادره افكر