انا في مصيبة

شوفي وش اللي مقصره فيه وعدليه واذا ما شفتي شي اساليه يمكن انه ما يشوف انه مقصر وياس خليكم صريحين مع بعض لا اتخلين جدار بينس وبينه ولا اتخلين الوسواس يوسوس ف راسس توكلي ع الله والله بيعينس لا اتخافين..

لا ان شاء الله مايتزوج
ادعي ربك واذا في لاسمح الله الرجال لو حاطه براسه انه يتزوج بيتزوج
وثاني شي
شوفي تصرفاتك بلبيت
طبخك
اهتمام بنظافه وفيه
شلون الجو بينكم وصححي اغلاطك
ولابد انك تجلسين معاه وتسالينه عن سبب التغير واذا بدر منك شي ازعجه
واتمنى لك السعاده الزوجيه

يختي لا تشكك فيه ولا توسوسي
بالعكس الرجال زي الطفل يحب الدلال دليله وشوفي ايش طلابته ونفذيه
لا تخليه يحتاج شي
الله يسعدكم ويخليكم لبعض ويجعلك ملاك بعيونه

[]"]حبيبتي لا تخلي الشيطان يدخل بينكم ولاتوسوسي
انتي قومي بواجباتك ع اكمل وجه وان شاءالله ماراح يشوف غيرك
تقبلي مروري

الله يجمع بينك وبينه

استغفر ي ربك

لا توسوسين زياده بس شوفي وش مقصره فيه وعدليه

نصيحتي.....
كوني له ...
اربع زوجات...

سمعي حبيبتي
انا عندي لج خطه بتساعدج وايد
يمكن تكون غريبة شوي لكنها نافعه مع زوجي واتوقع تنفع مع زوجج
حاولي هالايام على طول تتعدلين وتتلبسين لكن مو اوفر او زيادة عن اللزوم
يعني بدون ميك اب بس سوي شعرج سشوار مثلي وخليه منثور
ولبسي جينز او اي شي ثاني حلو
وبعدين اذاا كان اهو في البيت حاولي تشغلين روحج في اي شي غير انج تسألينه ليش انت سرحان
او لا تسألينه فيك شي ؟؟ لانه بيتملل منج
خليه على راحته
واذا طالعج وانتي مثلا منهمكة في شي سوي روحج كأنج مو منتبهه له وهو يطالعج
واذا كنتوا ساكتين وجت عينج في عينه طاعيه بنظرة حب وابتسامه حلوة .. بشرط لا تقولين عقبها شي
هذولا الطرق كلهم جربتهم انا وحياتي مع زوجي وايد حلوة واتمنى حياتج تكون جذي بعد
يعني بالمختصر حاولي تصيرين تستحين منه كل من تشوف عينج عينه يعني مثل اول ايام الزواج
وتمي على هالحال فترة ... وبتشوفين نتيجة تجنن
في فكره في بالي ابيج تطبقينها اذا طلعتي مكان مثلا بيت اهلج واهو ما كان في البيت
اشتري له ورده وحده بس لونها احمر واذا كان عليها شفاف شيليه
وحطيها له بالغرفة بتشوفينه شكثر مستانس عليج ....
ملاحظة : (( ابدا لا تخلين الرجال يحس انج بدونه ولا شي .. ترى والله يحسها غباء ما يحسها رومنسيه ))