انا مره زعلانه

السلام عليكم ورحمه الله وبركاته
كيفكم فراشات
بعد تفكير طويل
قررت اني اكتب مشكلتي واخد رائيكم فيها
انا عمري 19 متزوجه من سنه وعندي بنت عمرها 8 شهور
انا مشكلتي انو جوزي احسو يحب اهلو اكتر مني يعني اخواتو عندو اول وبعدين انا
يعني انا حقولكم اقرب شي سارلي كان يبغى يشتريلي جوال انا مره كان عاجبيني اختو قالت الله مره حلو
نفسي اشتري زيو تخليو انا لمن جا يشتريلي هوا قعد يقولي انا حستلف من صاحبي عشان اشتريلك هوا
والله يعنني عشان ارجعلو الفلوس الي استلفتها وحسسني اني متقله عليه لمن اختو قالت كدا قالي انا حاشتري لاختي كمان زيو واتصل عليها وقالها انا ابغى اجبلك هو قالتو لا شكرا تخيلو قاعد يتحايل عليها انو يجبلها هوا لمن سالتو من فين تجيب فلوسو قال عاايدي عشان خاطرها اتسلف عايدي اختي ما تقصر معايا المشكله تخيلو انو اخد من اهلي فلوس ما اشتري لنفسي اشتريلو هوا هدايا واعملو مفاجا وهوا مستخسر يتسلف عشاني والله المشكله انو حتى انا والله ما اقصر الي يطلوبو اديه هوا من غير تفكير بس مرره زعلانه من دا الشي حتى لمن نسافر ما يكلمني يقولي يلا نسافر يكلم اخواتو يقولهم يلا نسافر تخيلو انو انا ليا سنه ونص متزوجه ما سافرت ولا مرره لحالي انا وهوا حتى في شهر العسل اختو جات معانا
وبس امانه الي يدخل الموضوع يرفعو لو بدعوه واسفه على الاطاله