انا مريضه وتعبانه وزوجي يقول تدلعين

كيف الحال فراشات
انا الحمد لله بخير وعافيه حبيت انزل الموضوع لاني هذا اللي لاحظته في الفتره الاخيره
انوا اغلب البنات تقول زوجي يقول تدلعين اذا مرضتي ومن هالكلام
هنا بقول لك زوجه انتي السبب
اما لجهل زوجك وعدم تثقيفك له
يعني تشرحين له ان اوقات الدوره متعبه للمراه
وكذالك فتره الحمل ووقت النفاس
كذالك اوقات التوتر كااوقات الامتحانا
او مثلا اوقات المناسبات خاصه لما تكون المناسبه لك طرف فيها كزواج اختك او قريبتك او قريبك
وكذالك انتي الملامه في نظري
لانك لما تمرضي ويضغط زوجك عليك بكلمه تدلعين تزعلين وممكن تقومين تشتغلين وتضيفين على حساب صحتك
وهنا اقول انتي غلطانه
اذا مرضتي لاتقومين لو تطربق السماء على الارض
في حدود لازم يعرفها زوجك عنك انو ما يتعدها ويضغط عليك
وجة نظري للموضوع ان ما ينفع الوحده مننا الا صحتها وفلوسها >>>لاننا بدونها ما نقدر نعيش
كمان انا انصح الزوجات اللي تحس باالالم المستمر انها تسوي فحوصات تطمن على نفسها لانه من وجه نظري شيئ مهم
وتكشف عن اشياء مهمه
وامراض لو تطورت قد يكون فيها الكثير من الخطوره عليكم كزوجاات
ومن ضمن الاشياء اللي حابه اقولها لو ما ينجرح الا اصبعك ارتاحي لاحقه على الدنيا والكررف
وبصراحه انا اشوف ان الوحده اللي تضغط على نفسها عشان زوجها انسانه ما تفهم معنى حب الذات
لان اكثر شخص يعرفه الرجال
لو كان تعبان بنص تعب المره واحنا نبي شيئ ضروري ما تحرك من مكانه بدعوى انه مو شيء ضروري
فكل وحده مننا لازم تعرف معنى حب الذات قبل اي شيئ
ما اقول لا تتحركو ولا تسوو شيئ لكن من المهم ان يعرف الزوج حدود زوجته وطاقاتها وقدراتها
فلو كانت عندك طاقه كامنه وقدره عاليه لا تظهريها للزوج لانه رح يختبرها الى اقصاهاا
فااحتفظي ببعض الطاقه الكامنه لوقت الحاجه
وتحيااتي
لكل من شرفت موضوعي بقراءته
وحبي لكل من شاركت موضوعي براءيها وناقشته معي
ويظل موضوعي وجه نظر مجتهده لتجربتي مع زوجي ومع النساء من حولي
اتمنى من الله لي ولكم التوفيق
:d7: