انا مسافرة وابي مساعدتكم

م
أنا برأيي
عطري كل البيت بعطرك ..
وخصوصا مخدة نومه
عشان يشم ريحتك وهو نايم ويتذكرك على طول
واذا سألك .... ليه تسوين كذا
قوليله عشان أكون معاك دايما وبكل مكان
أتمنى أكون ساعدتك

مرة وأنا في المنتدى شدني موضوع حلو طبعا أفكار من بعض الفراشات في المنتدى وعجبتني الفكرة مرة
إنج تكتبين بأوراق صغيرة كلمات حب تذكرينه إنج موجودة معاه حتى بغيابج ، وتنشرين هالأوراق في أماكن مختلفة في البيت ، تحت شرشف السرير ، في الحمام الله يعزكم على المرايا بالضبط ، عند الشاور ، فوق الثلاجة ، وفي جيب ملابسه ، وبعدين ترسلين له مسجات حلوة من إختيارج علشان تكونين في باله على طول
والله يسعدج ويهنيج يارب ويرزقج بالذرية الصالحة
..

تروحي وترجعيله بالسلامه ..بس يا عيوني لا تغيبين عن زوجك فتره طويله ترى يتعود على بعدك .
وفكري زين زين ...وشو اللي ممكن زوجك يفقدك فيه ؟؟ هل انتِ مهمه في حياة زوجك ؟؟؟ هل عودتيه على شي وممكن يتذكره بغيابك ويفقدك ؟
هذا الشي لو حصلتيه ... يا هناكِ ويا سعدك ... زوجك بيتذكرك من غير ما تعطرين المخده ولا تكتبين أوراق .

انا بصراحه من رأي اختي حرم الوزير وان شاء الله تروحي وترجعي بالسلامه
اختك نعومه موت

تروحي وترجعي بالسلامه
اتمنى ان البنات يفيدونك

تروحين وترجعين بالسلامة
اوراق تساعدة على انه يلقى كل شي يبيه مثل السكر و الملح او صابونة اليد الجديدة
حسسيه انج موجودة اذا احتاج لج
لا تكثرين من الاوراق الرومنسية عشان مايحس بفراقج
ممكن تصبحين عليه او تمسين
وفي فكرة حلو قريتها في المنتدى انج تاخذين ورقة مكتوب عليها احبك و تفرغين الكلمة تلزقينها الورقة في سقف الابجورة وراح يشوف كلمة احبك على سقف الغرفة

هلا بك أختي .. شوفي ياعزيزتي أنا سافرت قبل فتره بسيطه وكانت عندي نفس مشكلتك
وهي أني لسه عروس واول مره أبعد عنه 3 أيام المهم قبل مااطلع من البيت وهو كان في العمل
عملت التالي :
1- كتبت على مجموعة أوراق عبارات مختلفه ووزعتها في اماكن في البيت وكانت العباره تناسب
كل مكان وضعتها فيه .. مثلا على مخدته تصبح على خير...ألخ وفي مكان جلسته عند التلفوزيون
وفي دورة المياه وفي دولاب ملابسه ... ألخ
2- علقت على شماعت الغرفه قميصين نوم لي وعطرتهم
3- خليت البيت نظيف وماينقصه شيء
طبعا هو رجع البيت من العمل ومالقاني ولقى الاوراق أنهبل أنجن وعلى طول كلمني
وهو يغنيلي الاماكن كلها مشتاقه لك...!! وعلق على قميصي المعلق أنه عور قلبه وذكره فيني
المهم الحمدلله كانت فكره أكثر من رائعه خلته يحس اني معاه على طول وفي كل زوايا البيت.
اتمنى لك التوفيق

والله كل أفكار البنات حلوة
بس إنتي لا تحطي ببالك و سافري و إستانسي و إنبسطي
يعني هو لو سافر بيسوي نفس ما سويتي ... ماأظن
إن شاء الله بتروحين و ترجعيين بالسلامة
بس ما أوصيك لازم كل يوم تتصلين فيه إرسلي له مسجات حلوة إسأليه عن حالته
ولا تنسين الهدية...إشتريله هدايا
إن شاء الله بتروحين و ترجعيين بالسلامة

نفس راي اخت مرحوبة وازيد لاتركي ولا شئ من ملابسك ماهو نظيف لابد تكون نظيفة وخاصة ملابسك الداخلية وخزانه ملابسك لابد تكون مرتبه ومبخرة بالعودة لأنه كل مايفتحها يشم ريحة العودة احبي زوجك ولكن بإعتدال يعني لاتنطيشيه ولا تطيري فيه وطبعا على حسب طبيعة زوجك