انا مصدومه و متضايقه خيانه ومع من ابي حل

1. قلت له عبدالرحمن تعال ابيك

سلام عليكم
مدري انا بحلم ولا بعلم . اليوم بكيت لين قلت بس من الموقف
زوجي شكله له علاقه مع الخدامه
شفت حركة اليوم دخلت عليه بالمطبخ وهو صاير وراها لازق لزق ورى ظهرها وهي تغسل المواعين
يوم دخلت عليهم وخر عنها وكنه يتناول الكوب ويقول لها عطيني الكوب الماء

قلت له عبدالرحمن تعال ابيك

وش تسوي بالمطبخ قالي ابي اشرب ماء وليش لازق بالشغاله كذا مابقى إلى تنزل ملابسها
قال والله العظيم اني مالزقت فيها كنت بتناول كوب الماء مستعجل ابي اطلع.. قلت له قول الصراحه قال اقسم بالله و اقسم بالله اني كنت اتناول الكوب وكانت يديها صابون مابغيت ارسلها تجيب ماء . قلت له ودني لاهلي يا انا يالشغاله ماتجلس ولا دقيقه وانا اصيح صيااح الجيران سمعوني مو بس الجيران الحاره كلها من صراخي وهو يقولي والله ماصار شي ويجلس يتسامح مني اقوله اعترف لي يقول لي انتي يتوهم لك انا مالزقت فيها كنت ابي الكوب
المشكلة مو راضي يعترف يقول ابدا انتي تدورين المشاكل وتعرفيني طول عمري مخلص لك مستحيل اخون حبيبتي وشريكة حياتي وام عيالي وجلس يراضيني ويبوس فيني والله ماصار شي على باله اني صدقته قلت له الشغاله ماتجلس ولا يوم قال بكرا اسفرها لك بس حرام عليكي والله حرام ماصار شي بيننا على شان نطردها
قلت له هذا شرطي تبي ولا ورقة طلاقي
وش اسوي اطرد الشغاله ؟؟ وانا حامل باقي شهر ونص ؟؟ محتاره
ليش ليش يا عبدالرحمن الله ياخذك انت والشغاله ورتاح منكم عجزت انام منك روح الله لايوفقك