انا مضايقة لكن عارفة ان كل شي من عند ربي خير

1. السلام عليكم ورحمة الله وبركاته

السلام عليكم ورحمة الله وبركاته

ابغى افضفض لكم قلبي انا مو النوع الي اشكي وحتى امي مهي من النوع الي تسمع مني ولا عندي اخوات اشتكيلهم فقلت ما عندي غير اخواتي في المنتدى
قبل فترة اتقدملي شخص وتمت بحمد لله الموافقة وجا الولد مع والده وقابلهم الوالد وقال يسأل عنه وكان كل شي تمام كان دا الكلام يوم الخميس يوم الجمعة خالتي تتصل وتقول لامي ردي الجماعة ونحن نبغى بنتك لولدنا امي انصدمت وانا انصدمت لاني عارفة ولد خالتي ما يبغى من الاهل وطبعا ما يجوز خطبة المسلم على اخيه المسلم لكن خالتي الله يهديها ما اهتمت بس انا صرت افكر الموصفات الي موجودة في ولد خالتي احسن من الموصفات الموجودة في الشاب الي اتقدملي سواء في العمل وسواء الشهادة الجامعية والعمر ومكان الاقامة يوم السبت خالتي تتصل تقول لا تضغطوا على البنت ونحن محنزعل اذا رفضت وكلامها كان يدل على انهم بيتراجعو وبالفعل الاحد خالتي تتصل تقول معليش ما في خيير وما في نصيب انا مرة زعلت واتضايقت بس طبعا وافقت على التاني وقرر الوالد يسافر لمكان عمله حتى يسأل عنه وكان دا الكلام الثلاثاء الوالد راح ورجع في نفس اليوم والمسافة بين المدينة لمكان اقامته 5 ساعات راح مكان عمله وجلس نص ساعة ورجع ولسا ما وصل ام الولد تتصل تقول ما في نصيب هنا وقتها انا انهرت بس ما بينت لاهلي وحسستهم ان الوضع عادي عندي لكن والله اتألمت وزعلت وانقهرت لكن الحمد لله اكيد خير لي لكن الاثنين نفس الموقف الحمد لله على كل حال اكيد خير والخيرة فيما اختاره الله الحمد لله الان اتعديت الازمة هذه لكن احس بضيقة والان انا على وجه اختبارات ومني قادرة افتح كتاب ولا ادرس ولا اذاكر
فانا حابة اقولكم على موضوع تاني والي مخفف علي المصيبة هذه في وحدة من صحبات الوالدة دايما تجي عندنا ونحن نرووح عندها ماشاء الله هما عيلة محترمة وامي تعرفها وجدتي تعرف امها يعني من زمان دايما هي تتكلم عن اخوها من ثلاثة سنين ولما قلتلها على موضوعي قالت احسن راحوا انا اتمنى انها تخطبني لاخوها انا معجبة باخلاقهم وطيبتهم واتمنى اني ادخل دي العيلة لان جوهم نفس جونا ومستوانا وحياتهم وعيشتنا نفس عيشتهم بس ماعمرها لمحت ولا بينت لنا بس على ايش يدل كلامها عن اخوها مع انها عندها اخوان غير دا اخوها ليش تمدح في بالذات هي تقصد شي
انا ابغى اسال عادي امي تقولها تاخدني لاخوها ولا عيب وهي مرة صحبة الوالدة
انا بقول امكن ما صار نصيب على الاثنين الي اتقدمولي لان هو نصيبي ...
اسفة على الاطالة