انتحار الاحلام اخر الليل بقلم فتاة بلا الم قصة سعوديه

الجزء الأول "بداية الأحلام " في شمال المملكه ومع غياب الشمس وبين شموخ الجبال ورمال الصحراء تبدا احداث قصتي قامت وهي تنفض الغبارمن تنورتها ... " هاه يمه وش رايك" ام راشد.." والله يابنتي انك غاويه تعب ماله داعي هاالتعب بكره ان شاء الله حنين جايه وجابه لك هديه لعيد..." رحمة .. " الله يهديك يمه لي ساعه اخيط بها البلوزه واعدل فيها واخرتها تقولي حنين تجيب لك هدية العيد..." ام راشد ..." وانا صادقه ضيعتي وقتك وانتي تخيطي والنهار راح واحنا ماخلصنا شغلن"ا رحمة ..."يمه انتي عارفه ان حلات العيد الصباح وحنين ماراح تجي الا بعد الظهر وكذا العيد انتهى بنسبه لي .." ام راشد.." والله انتم البنات ماينعرف لكم" وقامت العجوز وتمسك بعكازه.."ا انا رايحه انام وانتي روحي تاكدي من شبك الغنم لا يكون فاتح وجهزي ملابس ابوك الي يروح فيهن صلاة العيد ..." رحمة ... ان شاء الله يمه وقامت تتفقد الغنم .... وتشيك على البيت وتجهزاغراض ابوها حتى اسدل الليل ستاره..واشرق يوما جديدا... في الصباح وقبل شروق الشمس ابو راشد وهو يبعد الحاف " اصبحنا واصبح الملك لله" ...ومسك العكازومشى رحمه وهي داخله الخيمه وماسكة جك المويا "هلا يبه هذي المويا دافيه جهزتها لك "
ابو راشد الله " لايرحمني منك ...يابنتي "
قام وتوضا وصلى وجلس على سجادته و هو يدعي لرحمة ابتسمت رحمة يوم شافته يرفع يده ويدعي لها وبقت واقف مكانها تؤمن على دعائه وبعد ماشافته انتهى من دعائه قامت تشب النار وتجهز القهوه والشاي وجلست طالعت ابوها وامها ركبوالسياره وراحو يصلو صلاة العيد مع المسلمين اغمضت عينها واسندت راسها على عمود الخيمه وهي تسرد شريط حياتها قدامها ابتسمت بالم وتذكرت ان عليها تجهز الفطور وتستعد لضيوف قامت تخلص شغلها ونست الوقت مع الشغل شافت سيارة من بعيد وطالعت الساعة.."اف شكلهم جوا وانا ماخلصت شغل"ي ام راشد وتنزل من السياره "رحمة .... رحمة "....
رحمة ..."هلا يمه وش بلاك "
ام راشد وتضحك كعادتها ..."كنت ابي اعيد عليك قبل ابوك "
ابتسمت رحمة وحبت راس امها ..."من العايدين "
ام راشد .. "من الفايزين ... وكملت ...في الدنيا والاخرة "
رحمة وبعد ماسلمت على ابوها "هايمه ابوي جهز الذبيحه "
ام راشد ...."ايه بس ينتظر واحد من العيال يجي ويذبحها ..... وتنهدت "تعرفي ابوك الكبر مايساعده رحمة وطالع لسيارة الجايه من بعيد وتأشر بأصابعها .... "يمه ماكنا هذيك سيارة ابو فهد "
ام راشدوتنهدت بسعادة .... "ايه بالله ..الحمد الله "
نزل ابو فهد وزوجته .... وقفت بعدها سيارة فهد ونزل منها هو واخوه فايز دخل ابو فهد وعياله يسلم على ابو راشد...ام فهد بعد ماسلمت على ابوها دخلت عند الحريم ام فهد ... "هلا يمه وشلونك" ام راشد تحظن بنتها ..".هلا فيك يابنيتي وقامت تسلم على بنتها وتحضنها" رحمة بابتسامه ناعمة.." وانا مالي شيء" ام فهد وهي تسلم عليها "لا تخافي الحين تجيك حنين وتنسينا معاها "
ام راشد ... "الله يجبهم بالسلامه "
دخل فهد وفايز يسلمو على جدتهم فهد ..ويسلم على رحمة ..." وشلونك يا رحمة .... تقبل الله منا ومنك صالح الاعمال "
رحمة ... "هلا فهد ... اجمعين ان شاء الله "
فايز ... "كل عام وانتي بخير ياخاله "
رحمة وطالع فيه بنص عين وتقول بنفسها خل خلت عظامك ان شاء الله ...وبدون نفس "وانت بخير "
ام راشد وهي تحط يدها وراى ظهر فهد .. "يللا ياوليدي النهار راح واحنا ماذبحنا الضحيه "
فهد ويتافف .." كل سنه انا الي اذبحها ... انتظرو يوم يجي ماجد "
رحمة ... "وليش نتظر ماجد وفايز موجود وطالع في فايز ....اظن فايز قدها "
فايز ويضحك .... "تنكتي قاعده مابقى غير اذبح الضحيه "
فهد ..." يااخي اترك الخكرنه شوي وتعال ساعدنا ....وبعدين ماجد ماراح يوصله و واهله الا الظهر.." فايز "وش دخل ماجد وبعدين ريح راسك ماني تعبان في كشختي علشان احوسها" ومشى عنهم وتركمهم فهد وهو يربط ثوبه على خسره "يلا رحمه هاتي السكاكين وتعالي "
=============***============ في العاصمه الرياض.....وبيت ما بنيها الضخمة وشوارعها المزدحمة وداخل هذا السور الي يضم ثلاث فلل" الاولى ابو نواف وعايلته ام نواف نواف 24دلال 20وداليا 19وفارس 17 دانه 5 والثانيه سعود 30وامه ورغد 20ورهف 14والاخير والمييزه بصغرها وبطوبها الاحمر كانت فلة خالد 26واسامه 26وساكن معهم فيصل25 اخو سعود "
( ) ) جالسة وهي متملمه "اف وش هالعيد والله عيد جيرانا احسن من عيدنا "
فرحت يوم شافت عمتها ونقزت من مكانها بسرعه "هلا عمتي ... كل عام واتني بخير" ام ريان ... "وانتي بخير يابنتي " ....
رهف بحزن "ليه ريم ماجت معاك "
ام ريان ... "والله رفضت تقول انها ماراح تستأنس واسامه ماهو موجود "
رهف وترمي بنفسها على الكنب بضيق...." يوه..." ام سعود وهي نازلة من الدرج .... "هلا والله بمن زارنا "وتقوم تسلم على ام ريان ام ريان "وين البنات والعيال ماني شايفه احد "
رهف وتسك على اسنانها من القهر ...وتمسك اصابعها وتعد "رغد ودلال وداليا نايمات وماراح يصحنا الا اذا جت ساره ... وسعود وعمي ابو نواف راحو يجيبو الضحيه من المسلخ وعمي خالد نايم وعمي اسامه مسافر وفيصل وجوده مثل عدمه ونواف راح يعيد على اصحابه والخبل فارس قاعد يلعب بالطراطيع وانا ياحسرتي جالسه بروحي.." ام سعود" حشا ولا نشرة اخبار .... سكتي ورحي جيبي الحلى من الثلاجه خلي عمتك تتحلى "
رهف ... "والشغاله وش فايدتها" ....ونادت بصوت عالي "زهره ....زهروه "
زهرة تهز راسها ...".نعم ...ماما" ..
رهف ..."امك بعينك ...بسرعه جيبي الحلا الي في الثلاجه "
ام ريان ... " الله يهديك وش فيك من الصباح معصبه ترانا في عيد "
رهف ..."عارفه وهذا الي معصبني يناس ابي اعيد مثل خلق الله "
زهرة وهي تقاطعها.." ماما حلاوه " رهف خلاص "حطيه ورينا عرض كتافك "
زهرة ..."ماما انا في ابي اروح اعيد على صديق مال انا "
رهف وهي تنقز بسرعه "من صديقك الي ودك تعيدي عليه "....
ام سعود "بسم الله عليك وش بلاك هذي شغاله ابو عبدالله جارنا "
رهف وهي طايره من الفرح ..."طيب انتظريني ماما زهرة نروح نعيد سوى "
ام سعود ...."وين رايحه سعود الحين يجي ويفضحني لو عرف انك عند جيرانا "
رهف وهي لابسه عبايتها وطالعه مع الشغاله .... "عادي اليوم عيد ومايقدر يضربني "
ام سعود وهي تضرب كف بكف بيدها ...." البنت هذي بتخبلني "
ام ريان ..." والله وش حلاها ...ومعدين لاتواخذيها مافي احد بسنها في هالبيت كلهم اكبر منها =============***============ في الأحياء القديمة وداخل إحدى البيوت الشعبية.......جالسه ام محمد مع بنتها فرح وكل وحده همومها اكبر منها ام محمد وهي تشوف بنتها الي توها على الهموم "16سنةوالدنيا ضايقه عليها وهي مابيدها شيء غير ان تدعي ان الله يفرجها عليهم ام محمد وتسمع دق على الباب .." قومي يافرح افتحي الباب" قامت فرح وزفرت بتعت وقبل ماتفتح الباب سألت.." مين" رد بصوته الطفولي .."انا ولد جاركم " فتحت الباب فرح وقطبت وجهها وهي تشوف الي بيده الولد.." امي تسلم عليكم وتقول تفضلوا" ...... ويمد يده بالكيس اخذت فرح الكيس وسكرت الباب وراها ام محمد" مين يافرح على الباب "
فرح بحزن ....."هذا ولد جيرانا جايب لنا كيس لحم " ام محمد بفرحه ما قدرت تخفيها " والله فيهم الخير والبركه من زمان ماذقنا اللحم "
يدخل محمد وهو يفرك عيونه من النوم ..."يمه ليه ماصحتيني ...اليوم عيد "
ام محمد وماعرفت وش تسوي وهي ناويه ماتصحي أولادها ام محمد " روح نام ياوليدي لسه الوقت بدري "
محمد" بس الشمس طلعت وانا ابي اعيد اول الناس "
ام محمد "خلاص يامحمد روح نام .... الدنيا بدري "
فرح باستغراب" ليه يمه خلتيه يرجع ينام "
ام محمد" ويهون عليك تشوفي الفرحه ناقصه على اخوانك يكفي ان حتى ملابس العيد ماشترينا لهم” فرح "عادي يمه ملابس عيد رمضان الي فاتت حلوه ومالبسوها غير مرتين "
ام محمد وتمسح دمعه غصب عنها نزلت "مابي عيالي يحسو انهم اقل من الاخرين يكفي ان فرحتهم ناقصه من دون ابوهم "
فرح وحبت تغير الموضوع ..".طيب يمه متى نروح نزور ابوي في السجن "
ام محمد وتنهدت "روحي انتي واخوانك انا ماني رايحه "
=============***============ الظهر شافت سيارتهم جايه من بعيد وابتسمت بسعاده وهمسة بنفسها .." واخيرا مابغت تجي" حنين وقبل ماتنزل من السياره عدلت نقابها وطالعت بنفسها بالمرايا طالعت فيها اختها رنيم ... "ليش هالاهتمام مافي احد غريب "
حنين عارفه تعليقات اختها .... "اظن حتى انتي ماقصرتي بحالك "
رنيم وتضحك بسخريه ...."لاتقارني نفسك فيني " ....ومشت عنها والغرور نافخها حنين وتسلم على رحمة..."هلا والله بالغاليه والله اشتقت لك "
رحمة .."والله انا اكثر.." وضحكة بهدوء.. "ماشاء الله عليك سمنتي "
حنين ..."لاسمنت ولا شيء " ... وتمسك يدها "وانتي ماشاء الله عليك مبيضه "
رحمة وتضحك ... "الله يعز كريمك الواقي "
حنينوفتحت عينها على الاخر "الله ياخذ إبليسك ليكون خلصتيه "
رحمة وتحاول تمسك ضحكها ... "واحد قالك انك تنسيه "
حنين ...."تعرفيني دايخه ...كان خلتيه لي تراك ماتحتاجي واقي ماهو مثل حالي ....والله شكلي بصير أفرقيه "
رحمة ...."حرام عليك حتى الافارقه وقتها راح تتبرا منك "
حنين ...."الله ياخذ عدوك الحين انحرقت في الشمس وانتي تسولفي لي خلينا ادخل اعيد على جدي "
رحمة ..."روحي بس حطي بالك ترى فهد وفايز وابوهم كلهم موجدين "
حنين وتقرب منها وتكلمها بصوت واطي ...."من متى هم موجدين "
رحمة ....من الصباح وفهد الله يطول بعمره هو الي ذبح الضحيه حنين " ومين معاه "
رحمة ...."لاتلفي ودوري انا عارفه ودك تسالي عن العلة فايز ..... تراه ماحط ايده بشيء "
حنين "حرام عليك يمكن الرجال تعبان بكشخته وانتي وفهد ودكم تخربوها له "
رحمة ..".اقول خلينا نمشيء ولو فضى بيت الشعر من الرجال روحي عيدي "
=============***============ العصر تجمعن في الخيمه ام راشد وام فهد وام ماجد وبناتها ورحمة ام فهد "تعالي يارنيم واجلسي عندي والله مشتاقه لسواليفك "
رنيم بدلع وغرور .... "والله حتى انا ياعمه "
حنين ورحمة يطالعن بعض واقشعرت أجسامهن من دلع رنيم ام ماجد ... "رنيم ماكانت تبي تجي بس يوم درت انك راح تجي غيرت رايها وجت "
ام فهد ... "والله العيد مايحلا الا برنيم "
رنيم وتحب راسها "تسلمي ياعمه "
حنين وحست بالغيره من اختها وان الكل مهتم فيها على الرغم انها هي الكبيره ومحد معطيها وجه ..وخنقتها العبره وكتمت الغصة .. ام ماجد" ماشاء الله على رنيم شاده حيلها في الدراسة ماهي زي حنين دوبها السوالف " ام فهد "طالعه على عمتها ...والله يوفقها ونفرح فيها "
رحمة وحست بحال حنين ....."اقول يمه انا رايحه انا وحنين عند ابوي تامري شيء "
ام راشد ... "سلامتك يالغاليه "
رحمة وتمسك بيد حنين وتقومها.." يللا حنين المجلس فاضي" رنيم ..."طيب خذوني معاكم "
رحمة ...."لا انتي خليك عند عمتك الغاليه "
طلعت حنين من الخيمه وهي تمسح دمعتها رحمة ..".ايش فيك كل ما طقوك بكلمه نزلتي دمعتك " حنين" انتي ماتشوفي كيف امي تمدح رنيم ولاكني انا بنتها وتراعي شعوري "
رحمة ..."ماعليك امك متقصد شيء "
حنين ..."لا انا عارفه امي دائم هذا كلامها وهي تحب رنيم اكثر مني علشانها هي حلوة وتشبها ودائما تفتخر فيها "
رحمة "طيب حتى انتي حلوة "
حنين وتمسح اخر دمعه لها ...."لا تضحكي علي انا عارفه اني ماني حلوه وماحد مفكر في "
رحمة وحزنت على حال حنين ....".اقول وش رايك نطلب ابوي مفتاح السيارة ونروح نتمشى فيها "
حنين وهي طايره من الفرح وبسرعة تجددت النفسية ..."ياليت خلينا نغير جو "
رحمة وهي تمسكها من يدها وتدخل بيت الشعر وقبل ماتدخل تتراجع ..... " طيب خلينا نتفق "
حنين ..."لاتخافي ماابي اسوق اخاف يصير فينا مثل العام "
رحمة "خلاص انا الي اسوق بس تزعجيني ياويلك "
حنين "اهم شيء لاتسرعي وانا ماازعجك "
دخل بيت الشعر واستغلن ان بيت الشعر مافي احد وحاولن في ابو راشد وفي النهايه وافق انه يعطيهن مفتاح السيارة =============***============
جالسات على الطاوله في الحوش وصوتهن واصل الشارع...بين تعليقات ومزح وضحك دلال :" الله ياخذ إبليسك يا رهف ومالقيتي غير زهره تروحي معاه كان اخذتي ريتا ولا ميري "
رهف .."لا زهره احسن على الاقل مسلمه وتعرف العيد "
رغد بتوعد "اقول رهف لو تعدي حركتك هذي ماتلوم غير نفسك سامعه "

م دام إنتوا ماتردون والمشاهده بس 14 ما شجعتوني

السلام عليكم صراحه <<<ابد ماشجعتوني أكمل القصه وإذا شفت ردود والله من عيوني أكمل لعيونكم
بس باين إن القصه ما عجبتكم بتاتا >>>إعذوروني بس جد ما شفت رودو شجعتني
&&& أرجو الرد للي متفاعلين معي وعجبتهم القصه &&&&

هلا ضيء ..
أنا راح أقرها بأسرع وقت وأرد عليك .إن شاء الله
بس حبيت أحط بصمه قبل لا أطلع ..
النور لي

هلا انا توني بقراها بس باين عليها حلوة فكرتها مختلفه وغير
بس كمليها بسرعه مشكورة وتسلمين

يالله خلصتها وحلوة مرة ويعطيك العافيه بس لاتطولين وكمليها

**&&ردود أجبرتني على التكمله**&&
إن شاء الله في اقرب وقت**