انتهت من حيث بدأت

السلام عليكم ورحمة الله وبركاته ...ماعليه تحملوني بطول عليكم ..
بصراحة محبطة لأبعدحد تتصورونه وماعندي الا خواتي في الله أشكيلهم بعد الشكوى لله ..
السالفة ومافيها اني ماأنخطب أبدا وقبل الزواج ماكنت أنخطب الا نادرا والخطبة تنتهي من حيث تبدأ
والي تحسينه لك عليه سبحان الله تستمر الخطبة لحد ماأرفض لأنه أبدا غير مناسب وبالفعل فيه سلبيات
والي مواصفاته حلوه ينسحبون بس من المكالمة لا شفنا ولاشافوا فهمتوا علي يعني يكلمون على
أساس يخطبون نبي فلانه وبعدين يقفلون ولاعاد نسمعلهم صوت ماأدري أسلوب أمي مايعجبهم ماأدري
وش السالفة مع ان أمي الله يهديه تقول عساهم يخطبون فلانه الهي أختي الي أصغر مني عمركم شفتوا وحدة
تقدم الصغيره على الكبيره أتركوا لما يتقدم لصغيره ولا يتقدم للكبيره نقول هذا نصيب الصغيره ولاراح نعترض
بس القهر لما يجي أحد يتقدملي أنا الكبيره وبعدين تحاول تصرفة للي أصغر مني هنا القهر لعبت بأعصابي
كل مايدق أحد يخطبني لحد ماشكيت انهم ماينصرفون عني الخطاب الا بحسد أختي الي أصغر مني ومن
أمي الي تبغالها ولاتبغالي الموهم وبشق الأنفس تقدملي ناس ولو كلموا أمي راح تنتهي طبعا كلموا أبوي
وذاك الوقت أبوي عادي يبغى يزوجني وفكرته عني حلوه وفعلا تمت الخطوبه بس ماكانوا على المزاج مثل
مايقولون وفيهم سلبيات وأمي بين كلمة والثاني خوذيهم ولابحولهم على أختك الصغيره منيتها بغيت أقولها
بس هم قالو نبغاك أنتي أخاف لوقلتي خوذوا الي أصغر تتفشلين ويقولون مانبي الا الكبيره أما أبوي
هوالثاني ظغط علي وقال اذا ماأخذتيهم بتقعدين عشر سنين ماتزوجتي يعني برد عنك الخطاب المهم
انهم اظغطوا علي وأنا بالصراحة مليت أمي فوتت علي كثير وظيقت خلقي تتمنى تزوج الي أصغر مني
قبلي وتحاول بشتى الطرق تصرفهم لأختي والله لويتقدمولها مباشره أرحم من أنهم لي وتحولهم على
اختي وأختي طبعا مستانسةالموهم اني تزوجت وطلع زواج فاشل بالرغم اني حاولت أحافظ على بيتي
برغم سلبياته وظلم أهله لي وتعبت معه لأبعد درجة هووتقلبات مزاجة وأهله الي يحشون راسة بالطالع
والنازل في الأخير تطلقت وتقولون هم وانزاح عن قلبي من الي شفته منهم وصاروا يهددوني بنتي يبغون
ياخذونه مني وبدت معانات جديدة ومعانات أخرى مع خواتي وبالذات الي أصغر مني كانت تتشفى
لماتطلقت وتقول أحسن تستاهلين والله العالم انه كانت عينها صابتني لأنه بالحيل كانت متشفيه تاخذه
وأخوي الي أكبر مني لسى ماتزوج ذاك الوقت وحارقته الغيره حرق وهو الثاني تشفى لماتطلقت ويوم
ملك قال فلانه تساوت الروس أحسن شوفي أنتي تطلقتي من هنا وأناتزوجت من هنا ولاتسألون عن
حالي توي متطلقة ومعي رضيع وهذا يبي يتزوج ويغاير مب فاظيتله ولا وأزعجني هو وأبوي تبي تغارين
منه ومن زوجته وأبوي يقول مابينك وبينها الا السلام وعليكم السلام وياويلك أسمع لك حس وشوفوا
عاد وش لون زوجته تفرعنت علي لأني مهما قالت ماأرد علشان أبوي وأخوي مهدديني وهي تخطي علي
بالهبل المهم في الموضوع يقول أبوي والله مايطلعك من هالبيت الا الموت يعني مافي أمل أزوجك منتب
كفوا رجال طيب وش ذنبي لما صاروا كذا ولايبغى يزوجني وخواتي شوفي عاد أنتي بتحسديننا علشانك
تطلقتي ولاتوفقتي وعشانك ماتنخطبين بتحسديننا وشوفوا لوانخطبت وحدة يخبون عني ويقولون لاتدري
ذي يقصدوني علشان ما تحسدنا وخواتي مايكلموني ولا شي الموهم بعد طلاقي الحين لي ست سنين
ولاأحد خطبني ولوا خطبني أحد عارفة أبوي بعسر الموضوع وأمي بتتفركش معها الخطبة كالعادة الا ذاك
اليوم محبطة لأبعد درجة وبكيت لحد ماقلت بس وأخوي المتزوج ظاربني وأبوي مهزئ فيني وان الناس
فكهم الله منك وانتي مب كفوا زواج ومن هالكلام وهوا عارف ان طليقي مخطي هو وأهلة لكن مع ذالك
يقول هالكلام من قناعة ولاعندي استعداد أزوجك قلت الله يعينك على الذنوب الموهم كنت ذاك اليوم
تعبانه وأبكي نزلت فاذا أمي تكلم على التلفون واضح انه خطبه طبعا قلت أكيد مب لي زي العاده فاذا كأنه
تقول عندك بنت مطلقة قالت ايه تكلموا مع بعظ وأنا مازلت في احباطي صكرت السماعة قال أبوي أصلا
ملخبطين مايبغونها يبون ناس ثانين مب حنا قالت أمي لا تقول نبيكم أنتم قال لا أصلا هي خطابة مب
ناس شايفينه ومعجبتهم ولا مذكوره-أهم شي ماأحد يبين_ أبد خطابة تبي فلوس وأنا خانقتني العبره
ومبلمه عارفه الموضوع ماراح يتم ومن سمع كلام أبوي عرف انه حلمي الموهم قلت ليش يعني ماتصير
أمه ولا أخته ولا أحد من معارفة ( حتى لو كانت خطابة مافيها شي )قال أبد الموهم في الأخير تدرون وش قال قال أصلا أنتي مستعدة لزواج
قلت ليش ناقصني أيد ولا رجل المهم قام يحوص وأمي ايه الا الرجال يبون وأنتي ماعندك سالفة قلت
ليش الزواج معركة الموهم حطوا عراقيل الدنيا كلها بوجهي قال أبوي عاد وهم بيتصلون مره ثانيه أبدا
هنا خلاص سكت وظاق خلقي أصلا في الأحوال العادية الناس قبل الزواج ماكانوا يرجعون والحين مع
هالعراقيل أكيد طبعا مافي أمل وهالحساد الي حواليني خواتي بغوا ياكلوني أكل طبعا هالحين لهم أكثر
من أسبوعين من كلموا وماعاد دقوا يعني خلاص انسحبوا ومع ذالك حسيت فيه ايجابيات على الأقل
خواتي صاروا ماعاد يقولون حاسدتنا على الزواج انطرموا يجي لهم يومين لكن عادت حليمةلعادتها
القديمة ... عموما أدعولي انهم يرجعون أويعوظني الله بخير منهم اذا ما فيهم خيره ومايحطون أهلي
عراقيل ويزوجوني واني أنخطب مب كذا ست سنين ولا أحد سأل عني