انسرق جوالي في السوق

السلام عليكم ورحمة الله وبركاته
مرحبا كيفكم يابنات كنت ابغا احكي لكم ايش صار معايا عشان تنتبهوا امس روحت سوق عزيز مول وانا بااشتري ومشغوولة في شراء فستان بنتي وقاعدة اختار الفستان والشوز والشنطة المهم انسرق الجوال من داخل الشنطة حقت البيبي اللي احط فيها الحليب والرضاعات اتصوروا معلقة الشنطة في عربية بنتي وقاعدة اختار في الملابس وشوية عملت رضعة وخليت الشنطة مفتوحة وداخلها الجوال وانسرق ورحت للكاشير وكلمته ماشفت جوال قالي فيه حريم بيدخلوا ويسرقوا اكياس الزباين اللي مقضينها يعني الحرمة تكون مشغولة في اختيارر الفساتين ووماتنتبه للأكياس اللي معاها وتنشال عليها.
انتبهوا على أطفالكم وأغراضكم من السرقات اللي في الأسواق خاصة الآن والأسواق مرة زحمة عشان الناس بيقضوا ملابس العيد والسوق والدنيا زحمة والحرامية منتشرين في الأسواق
والله اني بيعت من ذهبي واشتريت هذا الجوال اللي انسرق عليا بس حسبي الله ونعم الوكيل والله ماحاأسامح لادنيا ولاآخره جالسة ابكي عليه الين ماعيوني اتورمت ادعولي ربنا يعوضني أحسن منه.
في امان الله