ان كيدهن عظيم قصة روعة

بنات انا عجبني الموضوع ابي ردودكم لاتنسون
السلام عليكم ورحمه الله وبركاته
سمعو سالفه رفييجه اختي بدوام اهيه مدرسه دين تسولف متزوجه واهيه مرت
العود وابو زوجها وامه متوفين رحمه الله عليهم تقول حماي الصغير
تزوج وهم بعد زوجه مدرسه وحبيبه تقول المشكله ان زوجي عينه زايغه
وانا متينه وشعري قصير وكل مايجي من بره يسولف عن الي شافه بره
شفت مزيونه شفت عنقه شفت وحده شعرها طويل يجنن وكل يوم باط
جبدي بهسوالف هذا غير ضعفي طولي شعرج دشي نادي وانا ابذل جهدي
ولا عاجبه المهم ذاك اليوم من قراده حظي قاعدين انا وزوجي تحت ومعانا
حماي الي توه متزوج جان ينادي زوجته عشان تقعد معانا والا تنزل بنت
الحلال ولا تجرفس من الدرج وتطيح وطيح معاها شيلتها وينفل شعرها
الي واصل تحت ظهرها ويبين ساقها وهي مشاالله عليها جسم الله يستر
عليها وطيح عين زوجي فيها ومن يومها اذا شافها يخزها يطالع مشيتها
حتى لمن طاحت اقوله فلان يا فلان جني انادي الهوا مويمي كلش ابد
مالكم بطويله والا بعدها جان اروح السوق وشتري باروكه طويله نفس
لون شعر مرت حماي وشتري من لانجري سليب ابو سنفج وروح اعطيه
حق الخدامه وقولها انا وبابا راح نقعد تحت انتي تعالي وطيحي الغراض
جدامه وسوي نفسج ماتدرين وقولي انه هذي غراض ماما جديد
امهم والا تسوي الا انا قلت لها عليه جدام زوجي جان يقولي شنو هذا
والا اقوله هذي غراض مرت اخوك المسجينه وهاوش الخدامه وقولها
ليش جذي ماتنتبهين حرام عليج فضحتي المره يلا روحي فوق
ومن يومها زوجي كاش من الحريم وسوالف والا بعدها لمن شافني
استشور شعري جان يقولي شعرج قصير ذبحتي عمرج عليه جان اقوله
شخباري شعر طويل موضه قديمه انت من صجك والا تغير نظرته عن شعر
الطويل صار يقولي قصي بوي درجي شعرج
شرايكم بكيد الحريم
من ليس لديه حيل فليحتال ههه