اهل زوجي ومناسباتهم

1. وانا ساكنه بشقة بجنب بيتهم(الحمدلله اللي مو بغرفة عندهم)


2. مو متعوده عالكرف من كنت في بيت اهلي..هذي مشكلتنا هالجيل الجديد


3. وبصراحة متحسسة من هالموضوع ومستحية خصوصا قدام الناس

مرحبا
اهلين وسهلين بهالعينتين
اخباركم
انا توني عروس ماكملت 3 شهور....<<<<
وعندي موقف محرج دايم يواجهني
الا وهو عزايم اهل زوجي والجمعات والسهرات دايم بيتهم فيه ناس رايحة جايه

وانا ساكنه بشقة بجنب بيتهم(الحمدلله اللي مو بغرفة عندهم)

وبصراحة انا مو اجتماعيه من يوم كنت في بيت اهلي...والمشكلة امي تزن على راسي انو اذا صار عندهم شي(وهو متى مايصير عندهم شي ههه) اتكشخ واروح عندهم لأن حرمة اخوة عروس مثلي دايم بعد تجي عندهم بس هي ساكنه في بيت بعيد
المهم انا صحيح مو اجتماعيه بس لما اقابل الناس اضحك واسولف
المشكله وهي ....<<<<اخلصي علينا
لمااجي عندهم مااشتغل ولااحط واشيل مع بناتهم

مو متعوده عالكرف من كنت في بيت اهلي..هذي مشكلتنا هالجيل الجديد

وبصراحة متحسسة من هالموضوع ومستحية خصوصا قدام الناس

وانا بصراحة في سبب ثاني الا وهو زوجة اخوة شايفة نفسها حتى الكلام ماتتكلم اذا جت اذا احد سألها ترد على قد السؤال واذا احد سولف عليها ماتتجاوب تحرك راسها بس ولاترمي عباتها الا اذا جيت حتى طرحتها ماتنزلها الا اذا شافتني الظاهر تغار
وانا مابي اشتغل وهي جالسة زي الأميرة
وسبب ثالث(حاطه اعذار ماشاء الله) اخوان زوجي احسهم مستقصدين اذا جيت لبيتهم الا عالقليل 3مرات يدخلون علي قهروني
واحس زوجي بدا يتضايق...خصوصا ان اخوة الثاني دخل علي وكنت انا وحرمته واخته وامه بالمجلس
وانقهرت زوجته بشكل مو طبيعي لانه تنح فيني ومااستوعب الا لما شلت طرحتي ورميتها على وجهي وهربت لشقتي وانا ارتجف نظراته خوفتني
ومن بعدها مادخلت بيتهم نهائي
وشرايكم زوجي احسه داري بس ساكت
واعطوني من خبراتكم بنظامكم مع اهل ازواجكم خصوصا وقت العزايم والأعياد والمناسبات كيف تتصرفون
تشتغلون ولا لا...تقهوون الحريم ولا خواتهم يقومون بالواجب
ابي استفيد (انا عروس ههه )
لي عوده