اهيء اهيء طالبتكم في مساعده يا صاحبات الذوق أبي فزعتكم

بنات
عندي مصيبه وهقتني فيها الخياطه
حسبي الله عليها
رحت يا بنات المشغل >>>>وريتها الموديل قالت لي هذا أحتاج منه >>4 متر تفته
ومن تحت عشانه واسع ........>>6 متر شيفون
برضوه 6 متر تول ...
وجيبون +بطانه كلهم 3 متر
المهم
قصينا القماش رحت لها قبل يومين قال:
أنا ماعرف أخيط هالنوع من التفته .........!!
تبي تفته الخفيفه الطبيعيه على قولتهم ؟ بس ما
تعجبني باهته وما فيها لمعه ولا هي حلوة
قالت يا اما أغير القماش واجيب تفته طبيعي
وبالصراحه ما تعجبني غبي شكلها
كأنها قماش ثوب شايب ما أنكوى ؟؟؟؟؟؟؟
والا غيري الموديل بصراحه عاجبني الموديل
ولا ابي اغيره ......بس اذا اضطريت خلاص
بغيره
قمت صكت الدنيا بوجهي وبرطمت وأخذت
القماش وصوره الموديل وطلعت من عندها؟
المصيبه زوجي بعد قام يهزئني >>>>>
قال انتي بزر
ما علينا؟
وش الحل اللحين وشولون اتصرف؟
وش اسوي ؟
علماً هو زواج كبير وزواج اخت زوجي وانا
مرت الولد الوحيده وأبي اكشخ واصير رزه
ما بي فستان نعوم أو خفيف .........زي اللي
كأنهم قمصان نوم
أبيه فخم ولا فيه حووسه كثيره
وش رايكم اغير موديل ...............واذا بغيره
عطوني موديلات تناسب فستان
مكون من:
4 متر تفته ساده
6 متر شيفون
6 متر تول لماع
بطانه 4 او3 متر
جيبون؟
وتراني نحيفه زي عارضات الأزياء يعني
نحيفه جداً
وبليز طالبتكم تشووفون لي حل والا موديل
رزه وحلو
بالله عطوني موديلات تنفع لفستان زي كذا؟