اه اه اه ياربي مشكلتي قلبي الطيب

1. السلام عليكم


2. كيفكيم ياحلوين والله وحشتوني

السلام عليكم

كيفكيم ياحلوين والله وحشتوني

معليش انا غثيتكم بمشاكلي بس ادخل احط مشاكلي واخرج بس والله ماليه غيركم بعد الله ياناس انا قلبي طيب لاابعد حد بطريقه محد يتخيلها وبذات مع زوجي مهما يجرحني ويزعلني ويقهرني اسامحو وبعد مااسامحو اندم انا بقلكم طبع زوجي المصون كيف اولا هوا مره طيب ويحبني بس مشكلتو انو يحب يقرهني ويلعب بااعصابي بقولكم موقف صار معايه مره يقهر كان فيه عزومه عند اهلو وكنت لابسه مره حلوه حتى هوا الي اختار لبسي والله كل الموجودين بس يمدحو فيه والله موغرور مني المهم وماجلست طبعا انتو عارفين كيف العازيم ناس ولازم الوحده تقدم لضيوف قهوه ودي الاشياء والله ماجلست بس عشانو وهوا وعشان امو والكل يمدح فيا وعدت العزومه على خير بس جلست انا وزوجي واخواتو اول ماشافني يقولي دا جسم وانا والله مو دبه وزني 57 انا مره زعلت ووقتها مره كان نفسي اسمع منو كلمه حلوه وحطيتها في قلبي وماعاتبتو عشان كان تعبان من الشغل وعشان كدا سكت المهم وتاني يوم من يوم ماصحي من النوم وهوا يبغى شر وانا ساكته وجلس يعصب فيا ويقول كلام ماليه داعي انا ماقدرت امسك نفسي وعلى طول بكيت بكى مو طبيعي هوا اتفجع وصار يعتذر وسامحتو بس انا الين دحين زعلانه احس في شي بخاطري والله انا مره طيبه معاه وهوا طيب بس بعض الاحيان مااعرف ايش يصير فيه انا نفسي اقوي قلبي شويه مين كدا زي تزعل وتبكي واول مايعتذرلها زوجها تسامحو على فكره انا مدري كيف افكر افكر لو ماسمحتو انو حيمل مني او يعصب فعشان كدا اسامحو على طول وهوا شغلو مره متعب تخيلو من 7 ونص الصبح ويرجع الظهر يتغدى وبعيدن يداوم من بعد العصر الين 10 بليل عشان كدا اعذرو بس نفسي اقسى شويه ومو عارفه كيف قولولي كيف؟؟؟ معليش عشان طولت عليكم بس والله مره متضايقه الله يسعدها الي ترد عليه بليز ادعولي