اول تجربة لي مع خبيرة التجميل الاماراتيه

ابصراحة كان عندي عرس اخو زوجي 2/12/2006 ومب حاجزة عند حد اتصلت في نبيلة وقالتلي عندي فول مااقدر اخذج لاني انا واخواتي واهلي دوم نتعامل معها وماخذتنا المهم اذكرت ان سرنا عرس قبل وشفت مكياج اهل العروس وايد حلو ونظيف تقريباً طريقة نبيلة الالوان ممزوجة شغل حلو وبروفشنال فسألتهم عند امنو امسوين قالو لي :ام سيف - الشارجة
قلت: اول مرة اسمع عنها
قالوا: هي اتمكيج في وسط الاهلية بس الحين قامت اتمكيج كل حد .
قلت : حلوو عطوني رقمها
اتصلت فيها وقالت لي هي حاليا ماعندها مكان اتمكيج في شي في ملحقها مااتذكر شو.............. المهم هي يتنا البيت كنا 8 بنات وهي بنت طيبة واسلوبها حلو وخلوقة وراقية في التعامل وغير هذا تستخدم ماركات كارولاين,بن ناي,لانكوم,شانيل, ديور..............
اسعارها حلوة ماعندها مكياج عادي
اسبيشل (200 درهم) الشارجة .عجمان. دبي ___ 300 درهم باقي الامارات
خطوبة 700 درهم ___العروس 1500 درهم هذا في الشارجة مااعرف الباقي
وعندها حق الشعر كوافيرة واو
امس اتصلت فيها وقلت لها جان عندج صور قالت عن قريب بطرش لج اول ما اطرش لي بعرضه وشوفوا مكياجها كيف يخبل وحلو
السموحة طولت عليكن