اول مشاركاتي مشكله

السلام عليكم
هذي اول مشاركه لي في حياتي على منتدى
لا تضحكوا علي اذا فيه شي غبي
المهم حبيت احكي لكم عن مشكلتي يمكن القي عنكم حل
أخو زوجي منغولي يعني عنده متلازم الداون.....
المهم :مره مطفشني
لي 6 سنوات متزوجه كل يوم تزيد حركاته أكثر من اول
من اول ما تزوجت كان يضربني يبصق عليه
قلت يلا يغار على أخوه واخذه معايه السوق واشري له أغراض
واذا رحنا عند ناس يضربني قدامهم واتفشل مره
عاد انا صغيره عمري عشرين ومااعرف اتعامل معاه اقوم اطارد فيه
أمه دايم اذا خاصمته مره مره قالت :ولد اقعد عن زوجة اخوك
وبعدين رحت وشريت له اغراض والعاب وملابس كل شي تتخيلونه جبته له
وكل ماجاني هديه فلوس من احد كأني مجبوره فيه لازم احط له مبلغ عشان
اجيب له شي عشان اتقي شره
أللحين لي سنه ماعاد اناضر في وجههه صرت مااطيق اسمع طاريه
حتى امه وخواته لاحضوني ودايم يصلحون لي كذه بس مايشوفون حركاته
اللي تنرفز اللحين يابنات صار يقولي بتزوجك ويصلح لي حركات جنسيه مره تخوف
ويقول بذبحك وياخذ السكين ويقرب مني وشوي ويرح
انا مره خايفه عذر خالتي :دايم يقولون مريض طيب حتى المريض يتأدب
عارف اللي عندهم اطفال كذه يحقدون عليه بس والله لو احد يشوف اللي انا فيه
مايلومني
واتمنى من كل وحده عندها طفل كذه تحسن تربيته
طولت عليكم اتمنى تساعدوني