ايش تسوي اذا زوجك زعل منك

والله شقولج اختي يعتمد انا زوجي من النوع الي ما يرضى بسرعه لو شنو سويت له ببداية زواجنا كنت يصيدني الهم والغم اذا زعل علي واحاول اسوي اي شي عشان ارضيه لكن هم ما يرضى يزيد لان صار يعرف نقطة ضعفي ان يتضايق ويزعل مني
وصرت الاحظ هالشي ان يستمع بدور الزعلان
فصرت اطنشه حسب التصرف الي سويته اذا انا فعلا احس نفسي غلطانه اعتذر بكل بساطه وابرر موقفي بكلمتين ورد غطاها فهم فهم ما فهم بكيفه مرده يطيح الي براسه لكن اذا استخدم اسلوبه انه يزعل جذي بدون سبب اتركه يولي واشوف حياتي اضحك مع اهله اسولف اشغل نفسي
عرفتي شلون فنصيحه لاتكبرين موضوع زعله خاصه اذا حسيتي ان انتي ما نتي غلطانه او غلطتك مو كبيره
تحياتي لج

والله اذا حسيت اني غلطت عليه اعتذر وبكل بساطه
لكن اغلب الموااقف انو كل واحد يحس نفسه الصح
ف ينتظر الاخر يجي ويراضيه,,
انا في حالة غلط علي صراحه ازعل واطنشه
عادي اطبخ واسوي اغراضه لكن ماتكلم عليه
نجلس يوم يومين واذا حس انه غلطان بدا يتكلم ويراضيني
بس احيانا نصر كلنا على الزعل,,
اخليه وقت بعدين اجلس اتكلم معه ونتناقش فالموضوع,,
وكل واحد يراضي الثاني خ

انا وحده التزم الصمت مااحب اتكلم وهو متى ماروق سئل

انا اذا زعلت ساكته على الصامت ويبيني على وجهي
بس المشكله مو هنيه المشكله لازعلت هاوشني وزعل وسمعني كلام يسم بدني وطلع وخلاني
وقعدت انا بروحي اقلب الموواجع
واخرتها انا اللي اراضيه وش اسوي يطلع هو يستانس برى ويخليني
فمل من القعده بروحي ويحااول يغثني يكلم بالتلفون ويضحك وهالشكل فيضيق خلقي لاني بمنطقه مااعرف احد فيها لذالك ابدا بالكلام انا

طبعا اذا كنت انا اللي زعلته اكيد مااخليه ينام الا واراضيه احاول معه بجميع الطرق عشان يرضى طبعا على حسب الزعله احيانا برساله جوال واحيانا باكلام الصريح واحيانا اضمه وعلى حسب
اما هو اللي زعلني طبعا لازم اخليه يحس بغلطته واقبل اعتذره على طوول لان ماحب الحياه تكون مشاكل

انا اطنشه وماتكلم معاه ابد نجلس احيانا يومين على هالحاله ناكل ونشرب ومانسال عن يعض ...وبعدين مدري شلون تنحل بس دائما يعتبرني اناالغلطانه!!!

إذا كنت السبب صراحة اراضية
أما إذا كان هو احاول احسسة اني زعلانة وما اكلمة لكن لاحياة لمن تنادي يروح ويطنشني ولا يعبرني وكاني غير موجودة في حياة على الرغم اني اسوي كل حقوقه الزوجية وانا زعلانة بل احيانا ابكي قدامة وانهار واصيح ولا يعبر يروح ينام ويتركني بحزني
لكن الله فوقهم هؤلاء الرجال يحبون يأخذون ولا يعطون

بسيطة .... احاول بقدر الامكان ارضيه اذا انا كنت غلطانة لكن اذا العكس هو يجي يرضيني وممكن اتنازل شوية لاني احبه

الله يعيناا
ع هالرجال
والله اني تعبت تعبت من هالحال يزعل من غير سبب وانا من عررفته مازعلت عليه
مششكورين ع تفااعلكم