ايهما أهون ان يقال لك الحقي زوجك مات او الحقي زوجك تزوج عليك

لا والله يقولون لي مات وانصدم مرة وابكي عليه لين يبرد قلبي اهون من انهم
لي تزوج عليك وانصدم مرتين واقعد ابكي كل دقيقة وتزيد حرة قلبي
شكرا على الاستفتاء وتقبلي مروري

طبعا اختار انهم يقولون لي تزوج عليج، بسم الله عليه الله يخليه العمر كله انشالله بصحة وسلامه... بس لا تفكرون يابنات اني ضعيفه أو شي من هذا القبيل أو اني برضى اذا زوجي تزوج علي لاسمح الله، بالعكس كرامتي أغلى ماعندي بهالوجود ونفسي عزيزه فوق الأمزان... كل مافي الموضوع اني ماأحب لأحد الا كل خير حتى لوغلط علي فيوم من الأيام ماأحب اني أشوفه في هم ولا ضيق ولا مرض فكيف اذا كان موت ..وبعدين اذا تزوج علي بسيطة بخليه وبنفصل عنه وبتزوج أنا بعد ولا بيهمني شي..لأن كرامتي ماتسمح اني أكمل حياتي مع انسان عطيته روحي وكل ماأملك من أجل سعادته وفي الآخر يجازيني انه يفضل علي وحدة ثانيه....واسمحولي طولتها عليكم وهي قصيرة..أختكم نوونه..

طبعا لا هذا ولا هذاك
لانه لو تزوج علي يعني معناته القصور مني انه
ولو مات طبعا راح ابكي وهذا أمر الله سبحانه
تحياتي

حبيبتي نور العمر....يمكن انتي شايفه من وجهة نظرج ان الريال اذا تزوج على زوجته معناها ان القصور منها وهذا طبعا مب صح.... لأن ياما حريم كانوا يخدمون رياييلهم بماي عيونهم،، ربوا العيال وضحوا عشان مايتكدر الحبيب لغالي وسهروا الليالي يصلون ويدعون له بالتوفيق فشغله وفحياته ويشيلون همه ويريحونه و.... وآخر شي يجازيها بالزواج عليها، انا أقول والله انه ناكر للجميل وللعشرة وبعدين مقيوله الرياييل مايملى عيونهم الا التراب، وانا عشت هالواقع المرير مع أشخاص قراب مني وهذا أكبر دليل.. وهذا كله بحجة انه الحرمه كبرت وانا محتاج أجدد شبابي وأشوف عمري لأني ريال... واسمحيلي يالغلا على تدخلي

أمي دايم تقول
همه في القبر ولاهمه في الصدر
أكيد يموت أريح

ما أقول غير أستغفر الله العضيم ألف مره والله يعينكم يارب على هالعقليه إلي تقول أهون يموت إحمدي ربج لا ياخذ روحه وتبكين صدق بدال الدمع دم.........
حريم ماتوا رياييلهم وماتوا هم حسره بعدهم تمنوا لحضه يشوفونهم يعوضون الأيام السعيده إلي راحت وهم ما تمنوا مثلكم بالعكس كانوا أحسن بألف مره ...
وإنتوا شو تتمنينه يموت إحمدي ربج على هالنعمه لأنج بتندمين على هالكلام.................
لين متى بتمون تناقشون مواضيع مثل هذي إرتقوا بأفكاركم شوي....والسموحه

.....
أمي دايم تقول
همه في القبر ولاهمه في الصدر
أكيد يموت أريح
انا زيك ..

بسم الله على زوجي الله يحفظه لي ويسخره لي ان شاءالله ومايتزوج علي
لأنه اذا تزوج علي معناه بالنسبه لي الموت لاني احبه حيل

بصراحة فى الحالتين راح اكون تعبانة نفسيآ