اي الامرين اسهل لكي فراشتي

بالرغم من اني ماحب احط نفسي في موقع توقعات .. لانه ربما يتغير تفكيررك مع الزمن ..
لكن لو راح اختار اختاار انه يتزوج كيفه .. واتطلق منه < الله لايقوله يارب .. ولا اني ادعي عليه في شي من حقوقه .. فلربما تنتكس علي .
على الاقل اكوون المضلوومه ولا اكون الضالمه
و كلها وقت وانا نااسيه الموضووع .. ولااعيش طوول ماتبقى من عمري اتحسر اني دعيت عليه في يوم من الاياام انه يموت لو تزوج علي .
طبعآ هذا اللكلام لو كان على حسب ماذكررتي .. يعني انه ناوي يتزوج وانا قمت ادعي عليه الين ربي استجااب ومات والسبب دعائي عليه <<== لاحضوا السبب
والا هو اكيد يوومه
يقطع ابليسك على هالطوااري .
. الله يطول في عمره ياارب ويسخرره لي ولولده وعيال المستقبل ياارب .. ولايفكر يتزوج علي .

انا عن نفسي ماجيب عيال وزوجي راضي فيني بس لو جا يوم يبي عيال ما راح ارده لانه يدري اني من حبي له ومن حبه لي بحب العيال كانهم عيالي حلمي اشوف عياله وابوسهم واحضنهم ليل ونهار يكفي انهم من زوجي الغالي بس لهذا السبب ممكن اسمح بس لو كنت اجيب عيال لول كان كلبشته وربطته وعضيته وقلت له مجنون انت انا اموت فيك مفي غيري ولا بهبلها ههه وهو اصلا شايل الفكره لاني طرحتها كذا مره وقال اذا عياله مو مني ما يبيهم يا رب بس تنفرج يوم والقى حل

اتمنا انة يموت ولا يتزوج
انا اشوف الى تقول كدى مو صاحيه ..
يعنى يموت ولا يتزوج والله كبيره انى اقولها بحق زوجى
الزواج يحرق القلب حتى لو عدل بينكم .. فكرة ان زوجك يجيب وحده غيرك تقهر بس لو فكرتى انها احسن من الحرام امكن تهون الفكره شوى
وبعدين تعالى اقولك يموت ويخلى هم عياله عليا لالالالالا ...
خليه يجيب اربع ويعيش يربى عياله ..
وترى الحرمه اذا جاتها ضرة عليها وتعاملة مع زوجها بلحسنه وكان يخاف الله مارح يظلمها ابداً ..
واخيراً اسال الله انه يجيرنا من مررارة التجربه ..

بالنسبة للاخوات اللي يختارون أحد الخيارين أقول أسئلوا الله السلامة أنا كان لي راي في الموضوع بس سمعت كلام شيخ وتغيرت كان يقول أن يوسف عليه السلام لما تعرض لفتنة النساء أو أن يسجن قال "ربي السجن أحب الي "قال انه لو سأل الله السلامة من كلا الامرين لأعطاه الله ذلك فنحن نسأل الله السلامة من كل سوء

استجير بالله ياكبرها عاد اني ادعي عليه بالموت ياساتر لاوالله الله يخليه لعمره ولعياله والحمدلله اذا تزوج لاقدر الله موت مانيب ميته الا بكتبة رب العالمين واذا ع العدل والظلم حسابه يلقاه عند ربه

عرائس الطيف
ما ازيد على كلامك الله يسعدك يارب

ان شاء الله مايسويها لكن لو سواها اكيد بطلب الطلاق بسم علي والله يخلينا لبعض ونربي ولدنا اللي جاي في الطريق ويتمم علينا بالصحة والعافية يارب

في كلا الحالتين قلبك محرووق
موت او زواج؟؟
انا اشوف الطلاق افضل طريقة
الي يتزوج عليكي مايسوى قرش في جيبك
انتو ليش مهولين الموضوع
عادي مايبغاني ماابغاه الله لا يرده

انتو فهمتوني غلط ما اقول ادعي علية بالموت ومن جد لو دعيت علية بجلس العمر كلة بحسرة هالدعوة وبعدين لا نضحك علي بعض من الي تقدر تصبر علي ظلم زوجها لها وتؤكل امرها للة اعتقد ولا وحدة قدرة ها الشي ابد ابد ومسالة اولادة ما راح يضيعوا يا ما اباء موجودين واولادهم اكبر صياعة وياما اولاد هم ربو انفسهم واباءهم موجودين يعني الاولاد في الاول والاخير مو قضية لكن قضيتي تكمن في الزواج الثاني بصراحة امر صعب للغاية وانا مو قدرة الزواج الثاني ومشكورين علي المرور