اي وحده سجلت انجليزي وسوولها اختبار تقرب تكفون

اختي الغاليه (( بنت وبس ))
الاختبار سهل جدا .. هو مقسم ل 5 اقسام
طبعا راح احكي لك عن اختباري وكان بكلية التربيه بالرياض كان تقريبا حوالي 50 فقره
الجزء الاول كان كله عن ال Grammer
وكلها كانت سهله من الاشياء اللي درستوها بالثانوي
الجزء اللي بعده Reading
تقرين قطعه صغيره بعدها عليها كم سؤال ونفس الشي كانت سهله
الجزء الثالث عن ال vocabulary
يحطون لك قائمة كلمات جديده شوي .. وجمل وفراغات
الجزء الرابع Writing
يطلبون منك تكتبين عن موضوع معين بس ما اذكر كان فيه خيارات او لا
عموما اذكر انه سهل نفس مستوى المواضيع اللي ندرسها بالثانوي
آآخر جزء Listening
تسمعين قطعه من المسجل 3 مرات بعدين تجاوبين على كم سؤال
وهذا هو الاختبار
يعني ترا الشغله جدا سهله ان شاء الله
كانه اختبار فاينل يعني لا تشيلين هم
الله يوفقك
.

The Cute Butterfly
مشكورة
ياقلبي ممكن تتذكرين ليvocabulary
والقطعة كانت عن بريل مكتشف لغة المكفوفين؟؟؟؟
تحمليني حبة
وان شاء الله باقي البنات ماراح يقصرون <<<<<<<<<متفائله باذن الله

***بنت وبس***
العفو حبيبتي انتي
اذا كان قصدك اتذكر ال vocabulary اللي جتني بالاختبار ابشرك ما فيه امل اذكرها
لان السالفه من 6 سنوات تقريبا لما كنت ادرس بالكليه
لكن القطعه ما اذكر انها كانت عن مكتشف لغة المكفوفين
بس انتي لا تشيلين هم لانهم مار اح يجيبون شي معقد ان شاء الله .. صدقيني والله والله كان سهل
افا عليك حبيبتي بالخدمه ومثل ما قلتي ان شاء الله اللي تذكر كيف كان اختبارها بتفيدك
موفقه ان شاء الله
ومو تنسين تبشرينا بالقبول ان شاء الله .

The Cute Butterfly
مشكورة ماقصرتي
بنات الله يعافيكم الي تتذكر وتعرف لاتبخل