بالذمه شرايكم أتطلق

1. يقول اذا قلتي حرف اتنرفز ماتحمل منك شي انتي بالذات

خواتي حبيباتي الله يسعد اوقاتكم بكل خير
اليوم خلآلآلآلآلآلآلآص أفكر أتطلق
انا عند اهلي طموح(زعلانه)
دقيت على اخوي وجاء اخذني
تخيلو تحملت زوجي واهله الهم والغم والسب وحياتهم الغلط لاصلاه ولاصايم ناس كافره استغفرالله
تحملت زوجي وصغر عقله وشتمه لي وسبه عشانه ولد خالتي وكان حب عمري من رابع شهر زواجنا انقلب الا طلعت عيوبه
على اتفه الأسباب يضربني واسكت ما أعلم أهلي ويسب امي واسكت
وصرت أطنشه ولآ أسوي له أكل ألامتاخر واهمله ابيه يحس ويتعدل
بس بعدها فتره تغير للأسوء مايتحمل مني كللمه

يقول اذا قلتي حرف اتنرفز ماتحمل منك شي انتي بالذات

قبل يومين جاء للبيت وجهزت له العشاء وقعد يتعشى قالي هذا خبز اليوم قلت ايه قال لا هذا حق امس قلت طيب بالفريزر مايخرب
عصب وكب الصينيه علي وسبني وطلع يجيب خبز قال ابيي عشاء جديد وصلحتله وقعد يتعشى ولقيت جايب 3فطاير لوزين كليت وحده جوعانه جاء بعدها يسئل عن الفطيره الثالثه قلت اكلتها وقعد يسبني ويطعن بشرفي ويسب المتوفين من اهللي وفجاءه سحب علبه ببسي حديد جديده مسكره وضربني فيها على خشمي الا دمي ينزل تخيلو اسعفني للمستشفى قالو مايحتاج خياط بس في كسر بالخشم
لازم تجي بكره عشان نحاول نسوي جبيره
سكت قالت مابعلم اهلي
رحت العصر ثاني يوم وداني حماي الدكتور شاف الاشعه وعصب دق عالشرطه وربي ماكذبت بحرف
انه جاني الشرطي قال احد ضاربك تدعين على احد انا خفت قلت لالالا انا انظف المطبخ وسحبت صينيه فوق الكبت وكان فيه مفك انبوبة غاز وطاحت علي قال متاكده قلت اي قال اكيد قلت ايه قال وقعي على اقوالك بعده
رجعت للبيت قلت يابنت انتي سكتي كثير وهو ماعقل على اتفه امور يضربك حتى مره طردني من الغرفه وانا بالبجامه يالله لحقت البس شرشف الصلاه عشان حمواني
تشجعت واخذت قراري دقيت على اخوي وجاء وهربت معه زوجي واهله كانو طالعين لعرس
تخيلو
اخواني دقو وهددوه ياويله منهم قام يحلف يقول بنتكم عوبه ومهملتني
باالله اش رايكم من الظالم من المظلومم
افكر اطلب الطلاق وافتك بس ارجع افكر بجي لبيت اهلي ويغثوني حريم اخواني واترك دراستي التمريض باقي كورس واخلص ولا اخلي اخواني يأدبونه وارجع له
تعبانه ومحتاره ساعدوني
للعلم ذي مو اول مره يضربني دووم يضربني اخر مره ضربني عشان ابكي ابي اشوف امي مريضه ماحسيت بنفسي الا وانا بالمستشفى مغمي علي
وهو قلب كل شي لصالحه وامه دقت على اخوي وتقول بنتكم مهملته ومتسويله اكل ولاتكوي ملابسه
وانا بذيك الفتره كنت ابيه يحس بقيمتي واهملته شسووي محتاره مع العلم توني صغيره عمري 23 سنه
والله ياخواتي اني ماكذبت بحرف عليكم وحاولت اختصر لكم قصتي مع العلم طوفت اشياء صارت لي كثيره
ملاحظه::
بنات جيران اهلي أقنعوني أطلب شقه لحالي ولآ أتطلق!!يقولون بتخسرين وتندمين
ياربي شسوي