بالرياض شافته عيوني وبأسبانيا صار مجنوني

..//عندما نشعر بالغربه ونحن اهل الدار//..
*
.
*
.
هاهيا رؤايتي
..//بالرياض شافته عيوني وباسبانيا صار مجنوني//..
*
.
*
.ال الاول بارت
*
.
*
.
.::::::::::::::::::::::::.
ناصر//26//
ياسر//26//
سعود//25//
فراس//24//
يزيد//25//
ليث//25//
.:::::::::::::::::::::::.
ليث//اوه حالنا يالعزاب حاله
يزيد//5 سنين وتوك تكتشف ان حالنا مو حال
ليث//ههه لاتخاف مكتشف منذو مبطي
سعود//اقول لكم انا مقمت اطيق العيشه بالرياض
يزيد//آآآآآآه يابن الحلال خلها على ربك لو علينا كان تركنا الرياض من زمان...
سعود//ماقمت اطيق نفسي احس اني مخنوق والله الموت ارحم من عيشتنا هذي كل واحد له هموم اكبر منه..<قاطعه يزيد
يزيد//سعود ممكن سوال اذا مايضايقك..؟؟..
سعود بضحكه هستريه//ههه الحين وقف على السوال يضايقني...اسأل..
يزيد//انت وش سبب مشكلتك مع اهلك..عارف انهم طردوك ومايبونك بس عمري ماتجرات اسال عن السبب..
سعود ووجهه صار اصفر//يزيد..ممكن تعفيني عن الج..<<قاطعه يزيد
يزيد ماحب يضايقه//خلاص انسى اني سالتك..{يحاول يضيع السالفه**..الا فراس وينه ماشفته من الصباح..؟؟..
ليث//فراس..مسكين ابوه اتصل عليه وقال له تعال
يزيد بحماس//الله..توه يتذكر ان عنده ولد..
سعود//ههه الدنيا كذا ياصاحبي
يزيد//وناصر وش مسوي.؟.{{{ناصر يعتبر فراس اخوه الصغير لاواغلى لان كان مع فراس من عمره 5 سنين لحد الان..وش سالفه علاقتهم بتعرفونها بعدين******
سعود//مسكين ناصر..شوفه مسكر على نفسه من الصباح ينتظر فراس..
يزيد//اها..اجل بروح اشوفه
ليث//لالالا تعرف ناصر زين مايحب يجيه احد اذا كان معصب ..خله على راحته
***********************
غرب المملكه..{جده**..
***********************
كانت تناظر نفسها بالمرايه..تطالع لعيونها الكبار ولونهم الرصاصي المايل على العسلي..ووجهها
الابيض..وشفايفها التوت..صغار بالمره مثل حبات التوت..تطالع لانفها..الحاد..كان يقسم وجهها لقسمين متساويين...رقبتها الطويله جسمها المخصر كانها ..،،حوريه،،..طولها المغري..
ابتسمت ابتسامه مايله وفيها قهر نزلت دمعتها ووقفت على شفايفها<طلعت لسانها ذاقت طعم دمعتها الحاره ..دمعه قهر..ظلم..براءه..ناظرت لنفسها بالمرايه وقالت بصوت اقرب للهمس انا
حور الفيصل أتالم وابكي وانضرب وانطق
وانطرد وانهان وانذل وهي.،غصون،.تضحك وتتزوج وتنبسط وتعيش حياتها.........
**{دخلت عليها الخادمه وهي تقول ..
حور..العم عبد الله يبغاك تحت ****
ماكن بوسع حور غير انها تهز راسها بمعنى جايه
اتجهت حور لجاكيتها الاسود المرمي على السرير
مدت يدها لبسته رفعت شعرها العسلي..ذيل فرس..
ومسحت دمعتها برؤؤس اصابعها بهدؤ ونزلت تحت...شافته واقف ومعطيها ظهره كانت هيبته تخوف..والحراس الي معه اشكالهم تخوف اكثر
وقفت بنص الدرج وقالت بكل قسوه وعنف..
هيه انت اشوفك صرت خاتم بيد بابا ..
اوه اسفه بجد {قالت بحقد**او عجينه يشكلك على كيفه..ههه مسكين جد ياعمو<قالتها بأستهزاء>مافكرتك لهدرجه عبد للفلوس ههه<جتها نظره سكتتها قال لها والحقد يملي عيونه وبصوته الغليظ...
اسمعي يابنت فيصل<رمى على الطاوله بطاقه صرافه>هذي لك من ابوك<ناظر لها بكل حقد..اقصد الي كان ابوك فيصل وكل شهر بينزل لك فلوس تعيشك ملكه..ورمى تذاكر سفر..هذي تذكره سفر لأسبانيا..امامك خيارين الخيار الاول انك تاخذي التذكره وتطسين خارج السعوديه بفضيحتك الي سويتيها ولالك رجعه الا اذا طلب منك..والخيار الثاني تتفضلين معي لقبرك...
{كانت تحاول تمسك دموعه بتمثل القوه لاكن أي قوه بتبقى قدام كلام عمها لو كان يكلم صخر لكان ذاب من كلامه..نزلت جسمها على حافه الدرج وضمت رجولها لصدرها وحطت ايدينها على أذنها وعضت على شفايفها بكل طاقتها..فجأه..انفجرت كل قوتها وطاقتها بركان وانفجر نزلت دموعها بسرعه <حاولت تمسكهم لاكن...لوصخر لذاب صارت تصرخ بكل قوتها تحاول تطلع الي فيها
اطلع برا اطلع ب را ياحقير
ياكلب ي<سكتت من قوي اليد الي على خدها ناظرت ليد عمها الضخمه القويه وهي على خدها الناعم الوردي ..<كانت بتقول له شيل ايدك<لاكن انشالت ايده من خدها وصارت على شعرها جمع كل شعرها بايده وشده لها بكل طاقته..صرخت وصرخت وصرخت.....**
*******************
في رياض الخير
*******************
دخل ووجهه اسود..كان مبهدل فاتح ازرار ثوبه كلها..ماسك عقاله بايده ويمشي موطي راسه كان يتمنى تنشق الارض وتبلعه كان يتمنى موته اليوم
كان يتمنى يتفل بوجه ابوه ويصرخ ويقول انت نذل وطول عمرك بتضل نذل..وطيت روسنا خليتني انزل العقال من راسي...صرت استحي اللبس العقال منك يبه..والله حرام فيك كلمه يبه ضيعت شرف بنتك..وقتلت ولدك..هدمت حيات زوجتك..سببت الرعب لعيالك..بتموتنا واحد ورى الثاني واحد ورى الثاني كله من شربك ومخدراتك تاجرت بالحرام ضيعت عيالك معك وسختنا بفلوس الحرام يبه.....شاف ظل خوياه الخمسه قدامه استحى يرفع راسه قدامهم..وين يودي وجهه ..جاه صوت خويه واخوه وامه وابوه صوت ناصر وهو مبحوح ومتضايق وفيه رجفه..<ناصر الي يخاف عليه من الهواء ناصر الي يزعل لزعله وينبسط لرضاه
ناصر وهو يناظر لفراس//ارفع راسك
..{{فراس بس سمعه يقول ارفع راسك..تمنى الموت ياخذه..وين يرفع راسع ومصايب الدنيا كلها فوق راسه وين ياناصر يرفع راسه..رجع سمع نفس صوته بس بضيقه اكثر..
ناصر وهو يناظر لفراس//ارفع راسك
فراس خنقته العبره يوم سمعها ثاني مره منه
يصرخ من داخله مااقدر ياخوي والله مااقدر <ناظر لليد الي انمدت له من يوم عمره خمس سنين كان ناصر جيران فراس وابو فراس وابو ناصر يتاجرون بالمخدرات سوا..مد ناصر لولد جرانه الصغير يده الي اكيد يشوف الرعب كل يوم والسبه ابوي لان حالهم واحد ناظر ليده الي انمدت له يوم يدخل المدرسه وكان معه بالابتدائي والمتوسط والثانوي والجامعه..ناظر لليد الي ماخلته يصير من عيال الشوارع ناظر لليد الي حمته وحافظت عليه ...<<آآآيه هذي هي يد ناصر اليوم على خده...ناصر مد يده على خده واعطاه ..كف..حار قوي كف صحاه من الي هو فيه ..مع ان ناصر عمره مامد يده على فراس...رفع عيوني شوي شوي خايف لدموعه تنزل دموعه الي بتخونه مااقدر فراس على كل ذا الحمل..رفع راسه وناظر لناصر الي كان واقف بكل شموخ وهيبه قدامه وجنبه ياسر وسعود ووراه يزيد وليث ناظرهم كلهم ناظر خويا عمره خوياه الي يفدونه بروحهم ..سمع صوت اغلا انسان على قلبه ..
ناصر//ماربيتك تمشي موطي راسك
فراس بكل ضيقه الدنيا//شلت حمل ياخوي ماني بقده
ناصر هزته كلمه ياخوي//انت رجال قدها وقدود <رفع يد فراس واخذ عقاله وحطه على راسه قال هذا مكانه هنا ماينزل ..
ياسر//فراس انت رجال والرجال ماينزل عقاله
سعود//ولايحني راسه الا للي خلقها
فراس وهو يبتسم من بين كل احزانه//يحق لك ارفع راسي دامكم اخواني
ليث قرب من فراس وضمه بقوه//انت اخوي الي ماجبته امي يافراس
يزيد بمزح//والله صدق انكم كلاب<سكت ماكمل من نظراتهم الي جته //هيه انت وياه لاتعطوني ذا النظرات وانا صادق و مابقيتو لي شي اقوله الي الي قال لاتوطي راسك والي قال البس اعقالك والي قال انت اخوي الي ماجبته امي ..مابقى لي شي..
الشباب//ههه
يزيد وهو يغمز لفراس//انا سويت له شي يسوى كل الي قلتوه
ياسر//احلف مبسوط على سواد عيونك وش سويت انت ووجهك...
يزيد بابتسامه تعطي دافع للحياه//خليته يضحك واذا ضحك يعني انبسط واذا انبسط يع<قاطعه ناصر
ناصر بأستهبال//نقطنا بسكوتك بالله
الشباب//ههه
ناصر بجديه//تعال اجلس وتكلم وش يبي فيك عمي
فراس ورجعت له الضيقه//يخسى لاتقول له عمي
يزيد//ليه وش صار..؟؟..
فراس وهو يتنفس بصعوبه//اول مادخلت البيت سمعت صوت من ورى الدار رحت بشوف ايش الصوت انصدمت لقيت نواف اخوي الصغير يبكي بالزاويه وضام رجوله لصدره وطالع من جبهته دم قربت منه بسرعه وانا اضمه قلت له نواف شفيك ناظرني وهويالله يتنفس قال بتقطيع ومافهمت شي..ام ي و ل <وسكت قلت له نواف كمل وش فيك قال لمى يافراس لمى..وسكتت وطاح على رجولي اغمى عليه بسرعه نقلته للمستفشى قالو خسر دم كثير محتاج لدم لانه نزف حيل نقلو له دم وحطو له اكسجين وطبعآ جو الشرطه بيسألوني لان نواف كان مضروب ضرب مو صاحي مضرب وصار ينزف شفت الشرطي رحت له الا اسمع صراخ بنت تقول لا يمه لاتتركيني معه لاتكفين يمه انتبه لصوت صوت لمى اختي قربت من الصوت والشرطي يناديني وتركته شفتها طايحه على ارض المسشتفى تبكي مثل المجانين تصرخ صراخ هز المستشفى قربت منها قلت لها لمى <هزيتها قوه لمى ردي على لمى<طبعآ ماترد علي ضليت انادي واصرخ لمى لمى ردي تكفين ناظرت لي قالت بتقطيع ف راس امي امي الحق عليها يافراس قلت لها شفيها ماردت علي كانت تبكي بجنون وتضرب بالارض
ماحسيت بنفسي الا معطيها كف سكتها وقامت تشهق غصب عني اعطيتها كنت ابغاها تحس تتكلم قالت لي وهي يالله تتنفس وتشهق ودموعها تنزل ومو مبين وجهها من الدم ابوي يافراس ابوي ...عرفت ان في مصيبه كبيره قالت ابوي ضربني موتني قطعني<سكتت كانت تحاول تتنفس قلت لها كملي قالت بتقطيع امي بين الحياه والموت<حطيت ايدي على فمها ابيها تسكت مابيها تكمل خلاص يكفي يكفي ماابي خبر ابشع من كذا قالت وكانها تسقيني كاس مر على شوي شوي اب وي <سكتت وهي تبعد الممرضه عنها..اب وي باع شرفي يافراس باع شرفي مقابل 5000 ريال باعني ابوي<ماقدرت اوقف على رجولي طاح جوالي طاح المفتاح طاحت اوراق مني نزلت راسي شوي شوي غصب عني كان ثقل على راسي طاح العقال نزل من راسي عقال صار على رجلين لمى فجأه كلي طحت وكاني بودع الدنيا بس الله ماكتب لي الموت بهذاك اليوم<قاطعه يزيد الي صار وجهه اصفر ومخنوق على صديقه لاتفاول على نفسك الموت والحياه بيد ربك

ليث
ناظرت لاخوي وصديقي وهو منزل راسه ووجهه اصفر سمعته وهو يتمنى الموت يدعي على نفسه بالموت شفته هو ينزل عقاله تتردد بذهني كلمته شلت حمل ياخوي ماهو بقدي..كلمته ياخوي قومت الاخوه والصداقه والرجوله و النخوه عندي ضغطت على اعصابي ووقفت وقفه اخو وصديق وسحبت رجولي بخطوات واسعه واتجهت لفراس الي كان جالس على الكنب ومنزل راسه جلست عن رجوله بالارض مديت يدي ورفعت راسه وحطيت عقاله قلت له وانا ابتسم وكاني اقول هات الهم عنك وخله فيني قلت له يشرفني اناسبك يالغالي حسيت بنظراتهم نظرات صدمه وهو يناظرون لي قال فراس وهو يبتسم بيأس واستهزاء تسلم يالغالي هذا العشم فيك بس لاتبلي نفسك هالبلوه..ناظرت له قلت اختك مهي بلوه يافراس اهلك هم اهلي ومن يعز عليك يعز علي ولمى مثل ماهي اختك انا ابيها زوجه لي على سنه الله ورسوله زوجه بالحلال ..ابي اناسبك
انتبهت ليد ناصر الي على كتفي قالي وربي ونعم الاخو ياليث رجال ماعليك كلام...قال سعود لفراس ماهقيتها منك ماتبي تناسب ليث!!!!غمزت لياسر قال ياسر افا يافراس ايه قول انك ماتبي ليث ياخذ منك لمى الغاليه اعترف ماتبيه يشاركك غلاها قالي فراس وهو يحط عينه بعيني حنا شباب ونعرف لبعض ياليث كل واحد مننا مايتمنى يتزوج بيوم بنت.........قالها وهو يضغط على نفسه مستعمله..قلت له ماهقيتك تقول عن اختك كذا اختك مضلومه يافراس انضلمت بابوك زيك هذا وانت اخوها وتعرف ابوك كذا اجل الغريب وش بيقول !!!!!!!!قال يزيد وهو يلطف الجوء ايه كشفتك قول انك ماتبي ليث يناسبك خلاص اذا ماتبيه انا ابي اناسبك ضحك ناصر قال يالله من قدك ياعم جاك نسيبين وانا ثالثهم يالله شباب من بيناسبه بعد...قال فراس وهو ياقف وباصرار ومتجه للباب لاتحاولون مابظلم احد منكم ............وقفه صوتي وانا اصرخ قلت له....{قسم بالله يافراس اذا ماوافقت على زواجي من اختك..يمين بالله اني لااطلع واترككم الخمسه ولاني اعرفكم ولاتعرفوني وانسى انك خاويت بيوم ليث الخالد..**لف لي زياد وهو يظمني قال ورب البيت اني اشري خوتك ...وشرف لي انك تناسبني يالغالي..........
***************
شرق المملكه
***************
ام..شلبس ياربي..{فتحت دولابها وناظرت للملابس الموجوده ..مسكت فستان اسود قصير ناظرت فيه..لالالا مو حلو هذا ..ايوه عرفت اخذت تشيرت ازرق فيه شريطه بيضاء من عند الصدر..مع برموده ابيض وطلعت ^باليه^ابيض فيه شرايط على شكل^x^ لتحت الركبه..اخذت نص شعرها بأهمال ورفعته...ناظرت لنفسها بالمرايه عيونها زرق صغيره فيهم لمعه واضحه وجهه
صغير شفايفها صغيره انفها صغير طويله ونحيفه بالمره..شعرها لنص ضهرها اشقر...كانت ملامحها اجنبيه...حطت كحل اسود وقلوس ...سمعت صوت جوالها...نغمه راشد المخصصه لحور
ولا تزعل ولا تتعب شعورك
ولا تاخذ على خاطرك مني
أبتأسف إلين ارضي غرورك
وبقول اني مقصر غصب عني
مروج//اهلين وسهلين..
حور//ههه
مروج//وش يضحكك..؟؟..
حور//ههه
مروج//الحمد الله الناس تسلم اول
حور//احم..احم السلام عليكم
مروج//ايوه تعدلي وعليكم السلام
حور//شو اخبارك
مروج//تمام...ليه تضحكي قبل شوي
حور//ماادري كل مااسمع صوتك اضحك
مروج//الله يخلف عليك ..ام شفيه صوتك
حور وهي تغير صوتها//مافي شي عادي
مروج وهي فاهمه عليها//ابوك صح
حور//هو في غيره ..
مروج//ليه وش سوا بعد..؟..
حور//لا ياماما يبي لها جلسه سالفه طويله
مروج//انزين وينك فيه الحين..؟؟..
حور//بجده
مروج بصدمه//جده
حور//ههه
مروج//صايره سوبر مان
حور//اتصل علي عمو قال تعالي جده وجيت
مروج//اوكي انا طيارتي انا وماما بعد ساعه لرياض تقدرين تجين..؟؟..
حور//افا عليك انا الحين صرت حره ومن الرياض بطلع لاسبانيا..
مروج//اسبانيا...ليه..؟؟..
حور//ام..تقدري تقولي مطروده من السعوديه
مروج//ههه حلوه هذي مين يطردك
حور//بابا
مروج//اها شوفي..بوبو يناديني..
حور//بدر ياحليله كيفه
مروج//تمام..شوفي
حور//هلا
مروج//سيلين و تاله ولين بالرياض
حور//اوكي ..يالله سي يو
مروج//سي يو
*****************
رياض الخير
*****************
سعود//توتو وينك
تاله// Minute
سعود// اوكي بسرعه..
{تاله تأشر على لين اقوله او لا**
سعود//توتو يالله ماصارت
تاله//هذاني..عيوني سم
سعود//توتو صار لي سبوعين ماشفتك..
تاله بفرحه//ام..شسوي طيب
سعود//لازم اشوفك وربي ضايق خلقي بشكي لك
تاله//سعودي بس حنا بالرياض مو بالنمساء عشان تطلع معي واطلع معك
سعود بعصبيه//طيب خلاص ماطلبت شي اسف
تاله//شفيك..؟؟..
سعود//توتو افهمي لي متضايق بشكي لك تدرين محد يفهمني غيرك
تاله//اوكي شوف حور بتروح لاسبانيا الاسبوع الجاي..اذا تقدر تجي بروح معها
سعود//وامك وامك.؟.
تاله//بابا وماما عادي محد فاضي لي وبابا مسافر وماما اربع وعشرين ساعه طالعه ..بعدين تعال ليه معقد السالفه انا تاله الفهد متى مابسافر اسافر ومتى مابطلع اطلع...
سعود//آآآآه منكم يابنات العز عايشات
تاله//ههه ..وش قلت بتجي او لا.؟.
سعود//ماادري بشوف الشباب وارد لك
تاله//ok...انتظر ردك ...
سعود//يالله تبين شي..؟..
تاله//no
سعود بعصبيه//تاله
تاله//طيب خلاص سلامتك ورضاك مابي شي
سعود//احم.احم..ايوه تعدلي يالله سي يو
تاله//ههه سخيف سي يو
لين//وش صار..
تاله//قلت لك انا تاله الفهد خليها علي
لين//يالليل الفهد هذا ذبحتيني فيه..
تاله/ههه
..{تاله..بنت من الطبقه فوق ممتازه..عمرها 21 سنه..وحيده امها وابوها عايشه حياتها مع مبريات وخدم..ابوها بحكم شغله فهوا من دوله لدوله وامها ماتفضى لها من دوله لدوله واذا جلست بالممكله...فهي ماتجلس بالبيت عاشت تاله اكثر وقتها عند خوالها بحكم سفر ابوها وامها ولها الكلمه الاولى والاخيره في حياتها**..
..{لين..بنت من الطبقه تحت متوسطه عاشت مع زوجه ابوها بحكم وفاه امها وهي صغيره..وعلاقتها مع ابوها وزوجته رسميه تعرفت على صديقاتها عن طريق النت...وتنام عشر ايام عند تاله لان تاله عايشه لحالها مع المربيه ..ويوم عند ابوها..ابوها معطيها.{الخيط والمخيط**.هي ربت نفسها بنفسها ولا يسال عنها**..
لين//جد حور بتروح لاسبانيا..
تاله//ايوه...تهاوشت مع ابوها كل العاده
لين//وانتي...
تاله/اذا بيروح سعود بروح..وانتي اذا بروح راح تروحين صح
لين//لا...تعرفين ابوي زين
تاله//ههه اذا على عموو ماعليك خليه على
لين//والفلوس و....<قاطعتها تاله
تاله//ماصرت صديقتك عبث
لين//ام..لا كافي سفره لبنان عليك وابوي عنده عادي مايهمه شي يعني مايستحي
تاله//اقول لاتطولينها خلاص ولاكلمه
لين//وسيلين شخبارها
تاله//زينه كلمتها تقول اذا جو حور ومروج بتجي
لين//اها..وسيلين طبعآ ماتقدر تجي من اخوها
تاله//لااذا على اخوها اكبر نسونجي بالعالم روحي له اطلبيه واعطيه ابتسامه ونظره بيقول لو تروح للمريخ عادي
لين//ههه..بس مااتوقع معها حق سفر
تاله//لانسيتي نصيبها من الورث..معها وعايشه حياتها الاسبوع الماضي كانت بدبي تقول بشم هواء
لين/ياحليلها اجل بكلمها ونطلع سوا نستقبل البنات
تاله//اوكيشن ...
******************
سعود//ناصر تكفى ياخوك طلبتك انا لاتردني
ناصر بعناد//وش يودينا لاسبانيا وفراس كذا
سعود//فراس مافيه شي اخته وبتتزوج ليث امه تعدت مرحله الخطر واخوه مافيه الاالعافيه وابوه بالسجن..
ناصر//ِبفكر......
سعود/لاماتفكر بتروح يعني بتروح
ناصر//خلي ملكه ليث ولمى تخلص وبنشوف
سعود//متى الملكه..؟؟..
ناصر//الخميس...
سعود //أوكي بعدها بنسافر فاهم
ناصر//ههه قلت لك اشوف
***********************
بالمملكه
**********************
يزيد//ياسر مليت ولا بنت اعجبتني
ياسر//شوف الطويله يمه تذبح
يزيد//وع زرافه وين تذبح
ياسر//وش عرفك ياحظي
يزيد//وش تنتظر روح كلمها
ياسر//وهذا الي بيصير..
//يأسر//
وآآآآآآآآآآآآو ياطولها عذاب ..بس قهر نحيفه
ماتصلح..ياسر قرب منها وقال وهو ينعم صوته..
آآآآه يالسمراء آآه يالطويله من وين انتي
<قاطعتني وهي تبستم
صوتك مره حلو..قلت لها تسلمين انتي الاحلى
قلت لها ممكن اسولف معك.ناظرتني بوقاحه وقالت اسفه عندي موعد مع خلودي...<كان ودي اذبحها..قلت لها بعناد يمن انت ياخلودي قالت بيبي..<يعني تدلعه>قلت لها ياشين الدلع على..قالت شو..شو..شو..روح زين شو عرفك انت..اعطتني بوسه من بعيد واشرت بيدها تشاو
آآآآآآآآآه ياعالم معقوله في بنات كذا وع
ناظرني يزيد..قال.
يزيد//ههه عادي وانا اخوك
ياسر بعصبيه//الي قاهرني مو من زينها على قولتك زرافه رازه عمرها
يزيد//ههه ياويلي على الشقر
ياسر//آآآآآآآه لاتذكرني باسبانيا والي يسلمك موت
يزيد//مو هذولي سوود وشايفات نفسها والخشم واصل لسماء
ياسر//ههه
***********************
مطار الملك خالد
**********************
سيلين//بنات مو كانها تاخرت طيارتهم
تاله//no...على وصول
لين//بنات هذيك حور شوفوها يالبى قلبها
///لين رافعه ايدها تاشر///حور حور
...كانت نجمه تنور مطار الملك خالد خطفت الانظار
كلها..لابسها عبايه على الكتف مخصره على جسمها..ممسوكه بكرستاله من عند الصدر ومفتوحه من تحت لابسه بنطلون فستقي واسع مع صندل واطي بيج..رافعه شعرها فوق وراميه الطرحه ومتلثمه لثمه دلع ...قربت من صديقاتها وبعيونها لمعه سحرت كل الموجودين تمشي وراها خادمتها قربت من عندصاحبتها ضمت لين بكل شوق باستها على جبينها قالت وحشتيني..لين الحساسه بطبعها نزلت دموعها قالت دبه خلاص ...ضحكت على دموع لين..ضمت تاله وسيلين سوا قالت وحشتوني يادبات ضحكو عليها البنات وعلى روحها الحلوه باصعب المواقف...ناظرت لسيلين وقالت متى طياره مروج قالت لها باقي نص ساعه تبغين نرجع ولانستناها قالت حور بابستامه لانستناها بس خلونا نطلع نجلس تعبانه...
***************
بالتحليه
**************
6 شباب واقفين لابسين جنز وبلايز سود علاقي مبينه كتوفهم وعضلاتهم..شعرهم لاذنهم كل واحد منهم ماسك زقاره وواقفين قدام سيارتهم.. bmw 2008
ياسر//سعود وينها فيه تاله مو قالت بتجي..؟..
سعود وهو يرمي الزقاره ويدوس عليها//الا بتجي بس جو صديقاتها اليوم وراحت تستقبلهم
يزيد//تكفى دق عليها خلها تجيبهم معها
سعود//اسف
ياسر//سعود طلبتك لاتردني شوف اذا حلوات بنروح لاسبانيا معك
يزيد//خذها وعد اذا اعجبننا بنروح
سعود بحماس/اوكي يالله بشوف بتصل عليها
ناصر//وين يابو انت وياه على كيفكم
فراس//ههه
يزيد//نروح اسبانيا لو شيفات عادي
ناصر//ورب البيت رايقين والي جاي معكم اروق
ليث//ههه لاتقولي انك ماتحب البنات
ناصر بثقه//أيه ماجت الي تعجبني للحين
ياسر/أنتبه بس شوي شوي
ناصر//لأتخااف منتبه
//بعيد عنهم بخطوات//
سعود//توتو وينك..؟..
تاله// Second
سعود//اوكي
*******************
لين//وآآآآآآآآآآآآآآآآآآآآآآو بنات شوفو
مروج بملل//وش نشوف
لين//يمه قلبي يمه اموت
سيلين//وه وه وش ذا عذاب
تاله//بنات سعودي قريب من هنا
سيلين//أي سعودي واي خربيط شوفي الموت
تاله//وين..؟..
سيلين تاشر على 6 شباب لابسين اسود//هذولا
تاله//ههه
//ناظرو لها البنات وعليهم علامات تعجب //
تاله//هذا سعودي وخوياه
البنات//نعم
تاله//قولي مشاء الله لاتعطيني بيبي عين
مروج//بيبي بوجهك ماكون مروج اذا ماخذيته منك
سيلين/أي مروج وخذيه الخيانه عندها كل ذا الزين وساكته
تاله وهي تكشر عليهم//مالت عندكم 5 شباب اختارو بس خلو بيبي
//ناظرت تاله لحور الي كانت بعالم ثاني..قربت منها همست بأذنها حور شفيك من رديتي وانت على ذا الحال//
حور//آآآه ولا شي
تاله//شلون ولا شي
حور//يوه تاله هلاص قلت لك مافيني شي لاتزيدها علي
تاله//ok
مروج//تاله دقي عليه
//هذاني ادق//
تاله//هلا حبيبي
سعود//وينك..؟؟..
تاله بنعمومه وهمس//الاسود عليك روعه
//سعود قام يناظر يمين ويسار ويضحك//
سعود//وينك يالنصابه
تاله//فديتها ضحكتك
سعود//ههه والله انك اكبر نصابه وينك
تاله//ماافي مااقول لك وين انا
مروج وهي تسحب الجوال//سعودوه وش ذا الجمال قكرتك شين
سعود//ههه هلا هلا الحمد الله على السلامه
مروج//يالبى الضحكه يمه تجنن
تاله وهي تاخذه منها/مشاء الله عليك وانت تسولف معهم
سعود وهو يدخل ايده بشعره//ام .لابس تحمدت لها على السلامه
//البنات بصوت واحذ ذابو مع حركته واو//
سعود//ههه مجنن
..{سعود متوسط الطول نحيف شوي ابيض له غمزات..عيونه كبار عسليات انفه متوسط شفايفه متوسطات بتميز بحواجبه المرفعوات كلنهم مرسومات رسم..وسيم بالمره **..
تاله//فديت الغمازه انا
سعود//تبينها
تاله//ههه ياليت
سعود//سوري<<يقلدها
تاله//ياي حدك سخيف
سعود//ههه
لين وهي تسحب الجوال//مرحبا..كيفك..وش مسوي..شوف
سعود//ههه شوي شوي
لين/شوف روح وقف قدام خوياك وقول لنا اساميهم
سعود//ليه بتخطبين..؟؟.
لين//هاهاها..بايخ
سعود//مو ابيخ منك وين توتو
سيلين وهي تصرخ//والله ماتكلمها الا لين تقول لنا
//سعود وهو يستسلم اوكي...أنتبه لعند يزيد الي مايدري شسالفه..قال هذا يزيد
لين//ياحليهم يدنن عسول
سعود//ههه ولو لو يسمعك يذووب
..{يزيد..يميل بجسمه لسعود نحيف وطول سعود الي يشوف جمسهم مايفرق بينهم..اسمراني شوي مو حلو يعني مو جميل بس مملوح بقوه معروف بابتسامته الساحره..شعره زي باقي شباب الشله لين اذانه..**
سيلين//سعودوه هذا لين حجزته
سعود//ههه اسال تاله اول اذا وافقت قلت له..
سيلين//يالله بس مو كيفك انت وياها لاتخليني انزل له الحين
سعود//تسوينها
مروج بصوت عالي//ألي بعده
سعود//يمه منها ذي..<اتجه لليث
..{ليث..متوسط الطول ..اسمراني عيونه كبيره حلوه رومشه كثيره معطيه عينه جمال..انفه حاد..جسمه حلو متوسط وسيم..**
مروج// ياحبي له يجنن <قاطعها سعود
سعود/اتركي الولد بحاله خاطب
مروج بهمس//مالت
سعود//نعم
مروج//ولاشي..الي بعده
سعود/هذا فراس دلوع الشله المدلل والصغير اخته خطيبه ليث
مروج//اها..واخته حلوه مثله الي خاطبها ليث
سعود//وش عرفني انا<<عصب<يمون على مروج حيل
مروج//لاتعصب خلاص
..{فراس..طويل..عيونه متوسطه لونهم يميل لرصاصي..رومشه كثيره حواجه طويله<كل من شافه يفكره يسويهم لانه معطياته جمال..عيونه فيهم لمعه حيل واضحه..جمسه متوسط حلو..**
لين وهي تاخذ الجوال//يالبى والله مالو ليث يوم خطب اخته
سعود/ههه انتي وتفكيرك
مروج بصوت عالي//الي بعده
..{ياسر..ياسر كان يشبه ناصر حيل..طويله حيل رزه له كتوف وعضلات..اسمراني عيونه متوسطه عسليات انفه متوسط..ألفرق بينه وبين ناصر ناصر كل من شافه سمى عليه كانه مرسوم رسم كل شي فيه دقيقه وجذاب ..**
مروج//سعودي الغالي هذا لي
سعود//ههه توني اصير غالي<قطع كلامه صرخه البنات ....كان ناصر يتكلم بعيد مع ولد خاله ورجع لخوياه اول ماجاء شافوه البنات يحط على الشباب بجيبه من جماله...طويل واسمر بملح وجاذبيه عيونه كبار سود فيهم لمعه واضحه بالمره شفايفه متوسطات...انفه حاد معطيه جمال غمازته بالطول<<معطياته ملح بزياده..جسمه الرزه وكتوفه وعضلاته معطياته هيبه ابتسامته فيهم سحر كان كل مايبتسم يصرخون البنات...**
*
.
*
.

اتمنى من كل قلبي...ان تنال روايتي على اعجابكم..
رايكم،،،يهمني،،انتم من يدعمني
للك اتبه:.
غ زلان ش مر

شدني كتير اسم الروايه
ننتظر التكمله
لاتطولين

م
سؤال انت الكاتبه
ولا ناقلتها

MARWA MRAMERO
يسلمو اول مشاركه واحلى مشاركه مشكوره يالغاليه

MARWA MRAMERO
هلا فيك حبيبتي لا اسم الكاتبه غزلان شمر اتمنى تتضح الصوره

أهلين ^ ^
يووه الروايه خقآآق ^ ^
جنآآن الروايه ^ ^
<<~
أعجبتني حور تاله .. أم
بس
الشبآآب ..
سعودي << على قولت تاله
فراس ونآآصر ^ ^
ام
أنتظر البآآرت الجآآي على نآآر
^ ^
تقبلي مرووري /
دلوعه

الروايه روعه ننتظر التكملة على نار