بالصور ابداع اخر الليل خ حلا بسيط ولذيذ

السلام عليكم..
كيف احوالكم عساكم بخير اذا ايه عساه دوم
واذا لا ربي يفرجها عليكم ويرحم الحال يارب,!!
اليوم بهالفجريه جالسه بحالي لاولد ولازوج ولاونيس يؤنس حالي<<ماتستحي
طق بمخي اكل حلا
وطفشانه وخاطري اصنع شي ينذكر لي بتاريخي العريق<<اتقطع ياتاريخي
المهم مالكم بالطويله قلت يلا يابنت قومي شمري عن ساعديك وبدعي
وسويت هالحلا ادري اني مصختها بالمقدمه بس عاد ان شاءالله القادم يستاهل <<ياشين الثقه
نبداء بسم الله}~
اولا هذا المقادير في الصورة
بسكوت شاي _اوريو
قشطه _ كريم كراميل
كاكو بودرة _ هيرشي
حليب نستله محلى اوحليب سايل على راحتكم
جالكسي
ثاني شي ...الطريقه..!
اول شي كسرت البسكويت الاوريو وبسكويت الشاي مع بعض
وطبعا على راحتكم تبغون تكسرونهم صغار صغار اوبالشكل اللي تبون<<يقال حرية الاداء بالعمل
مثل كذا انا كسرت
ثم رصيته بصينية وحطيت فيه شوي زبدة وشوي حليب عشان يثبت ويتساوى
وبعد كذا حطيت بزبديه قشطه وكاكو بودره وكريم كراميل وحليب وشوي سكر بملعقة صغيره
وخلطتهم مع بعض نفس كذا
ثم صبيته على البسكوت بهالشكل
بعدين سويت حمام مائي للجالكسي وحطيت قشطه
ثم صبيته على المقادير السابقه..
وهذا كان شكله النهائي مع التزين اللي استخدمت فيه هيرشي واوريو وهذا النجم الساطع والذهبي للحلا..<<خ
وتم بحمدلله ورعايتة وانتهى مشواري المطبخي العريق
لا امانع من نقله بس اتمنى عند نقله ذكر المصدر اللي هي انا وعدم مسح اسمي وماراح اسامح من يمسح اسمي
واذا عجبكم بس ابغى دعواتكم لي بالخير تكفون