بالصور شكرت زوجي بطريقة مميزة

1. فسويت له منيو ..


2. وسميت المطم ( مطعم اللبيب في تدليل الحبيب )


3. وكتبت فوق ...مشكور الله يطول في عمرك


4. كلمة أخيرة حبيباتي :

السلام عليكم ورحمة الله وبركاته ..
( اهداء لموقع الفراشات )
أخواتي الغاليات ....أكيد كل وحدة منا قدم لها زوجها هديه ....أو سفر لمدينة حلوة ...
أو حتى ساعدك في أي أمر ...غير أثاثك ..اشترى طلباتك ..
أو حتى يحسن معاملتك ...
هذه كلها أشياء تحتاج شكر يقدم للزوج ..
وترى أنت الرابحة أولا وأخيرا
أولا تاخذي أجر لما تحسني النية ويكون المقصد أرضاء الزوج استجابة لأوامر شريعتنا السمحة ..
وأخيراً ..زوجك بيفرح وبيستمر في مفاجاءته الحلوة ..
صدقوني بنات بعض الزوجات دايم تشكي زوجي كان أول الزواج يدللني ...ينفذ رغباتي ...بعدين تغير مرة ..
يمكن السبب يكون هي نفسها ....لما الزوج يقدم لها شي وما تظهر فرحها ولا تشكره..
حتى السفر ...ترجع .. وتتشكى ...أنا ما رحت زي فلانه ...أنا ما أعجبني الفندق ...
هذا الشئ ياحبيباتي يسبب احباط للزوج ..ويقول دايم عطيتها ولا معطيتها بتتشكى خلني أريح عمري بس ولا عاد أقدم لها شئ ..
المهم حبيباتي ( ترى كل هالكلام أقدمه لنفسي قبل لا أقدمه لكم )
لازم الوحدة تصير قنوعة
ولا تناظر غيرها ......كل زوج له ظروفه ...واللي تبي السعادة تتمتع باللي الله عطاها ...لان اللي دايم تقارن
ما راح تسعد أبد أبد ..
بعد كل هالمقدمة الطويلة حبيت أعرض لكم كيف شكرت زوجي بطريقة مميزة ..وأنا والله أبي أنفعكم ..لعلكم تطبقونها فتسعدون أزواجكم ...وتدعون لي بالهداية والخاتمة الحسنة ..
قصتي ..
كان فيه شئ أتمناه من 3 سنين بس مش موجود عندنا في السعودية ...حاولت أطلبه بالنت ما صلح ..حاولت بكذا طريقة وما نفع ....المهم هالشئ كنت أبيه مرة مرة ..
زوجي الله يطول في عمره ..فاجئني بأنه بيسافر لتلك الدولة مدة يومين عشان يجب لي الغرض ...مع العلم أني ولله الحمد ماعمري سافرت للخارج ولن أسافر إن شاء الله ..
أنا بغيت أتشقق من الفرحة .....
سافر وجلست أفكر كيف أشكره ؟؟؟
ما يصير أعطيه هديه لأني أهدته في كذا مناسبه بعدين أهديه من فلوسه ؟...الهدية ماراح تفرحه خصوصاً أنه مو راعي خرابيط ..
بعدين جتني فكرة ...طبقتها وأسعدت زوجي بطريقة ماتوقعتها أبد ..
أول مرة يفرح كذا ..
وحتى حاول أنه يلبي طلباتي على طول ..
أول شي طبقت فكرة المنيو وأخذت الفكرة من ********************...
بما أن زوجي عنده بحث ويسهر الليل كله يكتب فيه ..
وبعض الأحيان يجوع بس ما يدري وش يطلب ..

فسويت له منيو ..

وسميت المطم ( مطعم اللبيب في تدليل الحبيب )

وكتبت في المقدمة شكر ودعوات له بأن يتمم الله بحثه على خير ...ويخرج البحث رائع ..يبهر الجميع ..ويرضي طموحك ..وأني أريد أن أشد من عزمك بتقديم هالمنيو ...حتى تختار ما تريد أثناء كتابتك ...لتأمرني فألبي سريعا..
وهذي صور المنيو ..
وهذي من قريب
سوي زي المطاعم قسم سلطات ..قسم مشروبات ..قسم وجبات خفيفة ..وحطي جنب كل طبق صورته ..
وراعي الأشياء اللي يحبها زوجك ..والسريعة وممكن تستفيدي من طريقة التفريز يعني تطلعي وتحمي ..
وفي أخر صفحة ...اكتبي اهداء وكلمات حلوة ..(كله طبعاً شغل كمبيوتر )
ثاني شئ جيبي ورق مقوى (بيج ) وصفطيه من النص ...حتى صار بطاقة ..
وزخرفيها من الاما م..
وسويت بطاقات بالكمبيوتر ..
في البداية كتبت شكر ا جزيلا
بعدين البطاقة ثانية كتبت (هذا ما سأقدمه تعبيرا عن اامتناني )
البطاقة الأولى ( سأكثر من الدعاء لك بأن ........
البطاقة الثانية ..لا يحق لي الزعل لمدة شهر مهما كانت الظروف ..
وكذلك البطاقات الأخرى كتبت أشياء ظريفة ...
بعدين حطيت( المنيو والبطاقات ) في صندوق هدايا وتحته ورد مجفف ..

وكتبت فوق ...مشكور الله يطول في عمرك

كلمة أخيرة حبيباتي :

أكرر خليك قنوعة تسعدي كثيرا ...وللعلم أنا في الاجازة ما سافرت وكل ربعي وصديقاتي سافروا .. وحتى العام ماسافرت ..بحكم انشغال زوجي برسالته ...وحتى طلعات ما أطلع كثير ... لكن ولله الحمد سعيدة .. لأني أصبحت قنوعة ...وأرضى باللي عندي ...وأسعد نفسي بممارسة هواياتي ...وأحاول أستغل وقتي في الخير ..
دعواتكم لي اذا عجبكم الموضوع ..