بتزورين أحد وعندك أطفال رجائي الخاص تدخلين

1. السلام عليم ورحمة الله وبركاته


2. لا للمخدرات...لالا أقصد لا للردود الجارحة


3. الى الحين كل شي تمام

مرحبا
الموضوع هذا اعجبني جدا جدا وهو منقول من العضوة ام فجر في منتديات ×× .. الله يديم عليها الصحه والعافية
وحبيت نتناقش فيه ونشوف اراء الجميع ومقترحاتهم

السلام عليم ورحمة الله وبركاته

لا للمخدرات...لالا أقصد لا للردود الجارحة

هذا ياحبيباتي أمس جاني تصنيفة اعزم وحدة من صدقاتي وغالية علي حيل..والله وادخل منتدانا الغالي واخذ منه ذاك الحلى اللي يهبل واجهز القهوة واسوي فطاير شاي وجهزت حلى السفرة واالسلطة ومقادير الحلى و اغراض العشاء وكل حاجة من والى..لاني أحب اذا جاني ضيف يجيني وانا جاهزة ومتفرغة للسواليف والبسطة
وفعلا" اذن العصر وانا مجهزة كل شي وحطيت ظيافتي في المجلس(علشان زوجي ياخذ راحته بالروحة والجية في البيت اذا احتاج شي) وبخرته بالعود وشغلت الدفاية وجالسة انتظر البنية

الى الحين كل شي تمام

جتني على صلاة المغرب والله ونسولف ونبسط ...بس شوي بدأت الاوضاع تختلف بدأو الصغار بنتي وعيالها يعكرون جونا بس قلت يالله يابنت صغار ولازم من حوستهم ولازم نعديها ماأحد يواخذ الصغار بس الوضع تأزم والاخلاق قفلت والوضع تطور ووالله مامشت الحرمة الا قد طلعت روحي وانقلبت البسطة غم...والبيت بعد النظافة وريحة العود انقلب زبالة
انا كنت حاكرة الجلسة في المجلس بس لما درت صديقتي ان زوجي خرج اطلقت الجيش على انحاء المنزل ولسان حالهم يقول كسّر كسّر ..دمّر دمّر ..قد ماتقدر كسّر دمّر
طبعا بتقولون المظيف لازم يتحمل ويكرم ظيفة ويبش وجهه و...كل هذا عالعين والرأس بس انا مافتحت الموضوع الا علشان نراجع حساباتنا ونشوف انفسنا
ومن اليوم ورايح تعلمت درس وقررت اذا بروح لاحد انفذ التالي (ترى مو كل المظيفات عندهم خدم )
1-اذا قدمت المضيفة الضيافة اخف يدي واتقهوى بسرعة بما اني صاحبة اطفال فماله داعي اسولف واتلهى واخلي بنتي تعفس ام الدنيا الحرمة مو مكلفة ببنتي تنظف وراها...واذا خلصنا اشيل الضيافة على جنب او اطلب المضيفة تشيلها وبعدها نسولف براحتنا
2_ اذا دخلت بنتي الحمام ادخل وراها واشوف وش سوت بحمام الناس واتأكد انها ماخلت وراها اثر!
3_اخذ مناديل بامبرز احتياط لاتحوس بنتي شي او تلطخ طاولات او شي تعرفون الاطفال يمدون ايديهم عالحلى والتمر وعلى طول يلمسون الاشياء الثانية من اثاث وطاولات وفرش ويدمرون الدنيا..فاخذ المناديل واخفف من جرايم بنتي
4_احااول قد ما اقدر بما اني عارفة ان بضاعتي (عيالي)حوستهم كثيرة احصر الجلسة في الغرفة واحدة... على الاقل دمار غرفة ولادمار البيت كامل... واللي عندها شغالة يا اما تخلي العيال معاها بالبيت او تجيب شغالتها مع عيالها يكون افضل
أقسم لكم بالله يابنات اني لقيت عيال صديقتي ماخذين اللبن (العلب الصغار) من الثلاجة وموزعينها في البيت ووراء الكنبات واني لقيت الفاكهة في الحمام الله لايواخذنا... ولو ادري ان تاليتها كذا كان قفلت الغرف بس ما توقعت انهم بيخرجون من المجلس ...طبعا ناهيك عن دمار البيت الباقي بس كله يهون والا العبث بالنعمة هو اللي غبني
(والحين ياأخواتي وش رايكم ...تبون اذا خلصت زيارتك للي زرتيها وخرجتي من عندها تقول الله حفظك والا تبينها تدعي عليك وتتحسب على عيالك وما تصدق انك ذلفتي انتي وعيالك)
ملاحظة هامة تجنبا" للردود الجارحة** عندي وحدة من اخوات زوجي نفس الحكاية ولدها مشاغب وعدواني الله يصلح لنا ولها ولكل مسلمة الذرية بس شقاوة ولدها على قلبي زي العافية تدرون ليش...لانها حريصة وتحاول تظل وراه وتلف حوسته وتغطي عيوبه بمساعدتي في الضييافة... لأن اللي يقهر هي الام الباردة اللي تخلي عيالها وكأنهم في بيت ابوهم ولا تقول لهم نص كلمة لو يقلبون ام الدنيا
نوروا موضوعي بارائكم وردودكم الحلوة ونصايحكم ..بس!!!! بدون تجريح(وحدة مقروصةمن الردود الجارحة!!)
ونسيت اقولكم (كأنها طالت قصة حياتي شوي!!) البزران فوق ماسووا ضيعوا جوالي
وهنا رد اعجبني من احد الاخوات اسمها wafa-redrose
ههه ضحكتيني من قلب يا ختي ...
انا كنت اموت على الجمعات واحب اعزم ببيتي لكن من كثر الكرف اللي يصير قبل وبعد العزايم لقيتها مشروع خاسر خ..
لكن تعلمت درس ان الوجه اللي تستحي بيه قابل بيه ...
اخر مرة جوني ضيفات من هالنوع مع انهم عزيزات وغاليات وجوهم حلو لكنهم للاسف وحده عندها 4 والثانية عندها 3 ..والله طول ماهم عندي مافي وحدة كلفت نفسها تشوف عصابتها اللي طالقتها علي بيتي ايش عاملة ..
لكن انا اعجبكم ..فتحت لهم غرفة العاب ولديوبس وانا جوة نبهت على كل واحد فيهم ممنوع اخراج الالعاب في البيت واللي اشوف بيده لعبة باخذها منه حتى قدام امه ..وهم خافوا خ على بالهم اني بطلة واعملها خ ..
وكل ما دخلت المطبخ اجهز ضيافة جمعتهم كلهم بالمطبخ واعطيتهم ضيافة قبل امهاتهم اثناء تجهيزي ..واقول لهم اللي ياكل اول واحد هو البطل وممنوع التجول بالاكل في البيت وفرضت عليهم نظام خ والله لو تدري امهاتهم ..بصراحة حامل ومكسور ظهري ماعندي حيل انظف بعد روحتهم ...