بتنحفون اكيد بتنحفون بس تعالوا لحظة

ايش اخباركم فراشات المنتدى
رح اقولكم كلام اتمنى تقرونه وتحسونه ..
وسامحوني إذا إكتشفتوا في آخر الموضوع إنكم ضيعتوا وقتكم
.
.
في البداية ..
السمنة وللأسف ماصارت محصورة بين الحريم إللي كبروا أو تعرضوا للحمل والولادة أكثر من مرة !
ولا في الحريم إللي تضرروا من إبر او حبوب منع الحمل إللي تقلب الهرمونات مثل ماهو معروف !
ولا في الحريم إللي أهملوا أنفسهم وإستسلموا للأطباق اللذيذة والدسمة اكيد !!
السمنة صارت زي الهواء إللي منتشر في كل مكان ..
حتى البنات الصغيرات صاروا ينافسون في هالمجال..
المهم ..
كل وحدة لها قصتها الخاصة ..
من بداية سمنتها ..
مرورا بمحاولاتها ( الفاشلة عادة والمتكررة ) لتنقيص وزنها ..
مرورا بإحباطاتها ..
مرورا بتحمسها من جديد لما تشوف لبس حلو أو وحدة نحفت أو وحدة في التلفزيون .....إلخ
مرورا بتثاقلها للرياضة وما أعرف بصراحة وين ذي النحافة إللي بتجي بدون رياضة !!
نهاية بتسجيلها في منتدى الفراشة وتبدأ رحلة البحث عن القروب المناسب وعلى الله تنحف
ويمكن ........... ماتنحف ..
وما أنسى كمان حكاية الخلطة اللي تنحف 20 كيلو في شهرين
ولا الساونا اللي ينقصك 5 كيلو في اسبوع
كمان الكمون والليمون .. والشوربة الحارقة ومدري ايه
سبحان الله صار كل شيء في المطبخ ينحف ..
أجل إيش إللي يسمن ؟!
.
.
كل هذي التخبيصات والروحات والجيات ومافيه فائدة
الأجسام هيه هيه ماتغير شي
تدرون ليه ..
تدرون ليه برغم إن عندنا معلومات كثيرة عن طرق التنقيص
بس مانقصنا ؟
عشان نعرف إن المعلومات مالها علاقة بتحديد قد إيش إحنا نقدر ننجح او لا ..
عشان نعرف إن معلومة وحدة صح .. وحدة بس مع عزيمة صادقة وقوية مو بس كلام رح توصلك بإذن الله للهدف..
إللي أشوفه وتشوفونه كلكم مايلي :_
نبغى ننقص بدون رياضة
نبغى ننقص بدون ماننحرم كثير
نبغى ننقص أكبر وزن بأقل فترة
نبغى ننقص وإحنا ناكل الكبسة
نبغى ننقص وإحنا ناكل الفاست فوود والجنك فوود
نبغى ننقص عشان نصير زي هيفاء وزي حليمة
نبغى ننقص عشان زوج فلانة تزوج عليها ما نبغى نؤول لنفس المصير
نبغى ننقص عشان لما نرقص الكل يفتح فمه ويناظر
عشان وعشان وعشان
والنتيجة
صفر مع مرتبة الشرف !!
لا إحنا إللي نحفنا وأتحفنا الرجل المسكين ولا إحنا إللي ريحنا انفسنا
صرنا نعيش متوترين مشتتين نبغى ننحف بس الإرادة عند الله والله يجيبها
وبصراحة نستاهل .. مانستحق ( بهذا التفكير ) إنا نذوق طعم النجاح
نجرب بس مايلي :-
نوقف قدام المراية ونتأمل أجسامنا ونتخيل الزوائد مو موجودة .. كيف بنصير !!
نجرب نشوف انفسنا رشيقات لابسات شحوم وكل يوم نفسخ قطعة من هالشحوم
بالرياضة نتخيلها كذا خلونا نجرب!
نجرب نطنش كل اللي حولنا .. ونعيش لوحدنا في خلوة بتفكيرنا بمعزل عن تاثير الزوج ,, التلفزيون
وغيرهم !
نجرب نشتري فواكه وخضروات ونسويهم عصير وهم هم هم !
نجرب نطنش هالريجيمات الهبلاء والخلطات التافهة ..
ونقلل ( مو نحرم انفسنا ) بكل بساطة من الدهون والنشويات .. والعشاء خفيف
نجرب نشرب مويه على رأس كل 3 ساعات ..!
ونجرب إنا نكون هاديات ومانستعجل إللي صبرنا السنوات هذي كلها يصبرنا على سنة ثانية كمان !
هاه على كذا بننحف ولا لأ ..
صدقوني الموضوع سهل ومقدور عليه بس الحريم دايما كذا كسل فظيع
لو فكرتي انك تشتغلين في بيتك
تحملين وتولدين
تتألمين من الدورة كل شهر
تتحملين هم العيال والبيت
بالله .. تسوين كل هذا ومنتي قادرة تنقصين كم كيلو ؟
لو فكرتي فيها إنتي كفو وتقدرين بس خلي عنك الكسل والمقارنات
وبتنجحين ..
.
.
إلى هنا خلص كلامي
اتمنى ما اكون اثقلت .. كلام كان في قلبي وقلته لكم حبيت يفيدكم
وعلى فكرة انا مو متزوجة لكن حبيت اذكر همومكم يالمتزوجات
تقبلوا تحياتي