بجد حرقة دم والله متغاظة تعالوا بقي نشوف السر

السلام عليكم ورحمة الله وبركاتة
طبعا معظمنا بل اكثرنا بيعاني من السمنه
وانا اولكم طبعا
بصوا انا بجد من حوالي شهرين اتحرق دمي لغاية دلوقتي حموت
انا عندي واحد صاحبة جارتي معرفتي بيها مش قد كده بس شفتها من سنه تقريبا كانت فوق ال100 كيلو وشكلها كده زي بكبوظا (لا كبروا دي حاجه كده بنقولها على التخان نسبه الى الفنانه مش عارفه اسمها ايه )
المهم صعبت عليا اكثر ما صعبان عليا نفسي لانه كانت على وش جواز وانتوا عارفني بقي شهر العسل وكده كله اكل وحش (فجع يعني )
سبنا من سيرت الناس
المهم من شهرين لقيت جارتي بتقولي تعالي نروح نزورها (اللى هي بكبوظا )
قلتلها ماشي انا معاكي
وقال ايه ياختي ادخل البيت الاقي واحده مزه (بعني مش عارفه برضه ايه بتقولوا على البنات المزز)
جسم ايه وحلاوة ايه وعايشه دور هيفاء وهبي وانا سلمت عليها وقعدت مستنيه بكبوظا والاقيلك صحبتي بتندها باسم بكبوظا انا بقي حسيت وكأني نزل عليا كوم تلج (ice بستعرض مواهبي احم احم )
بصتلها بزهول والله اعدوا يضحكوا على منظري
المهم سبنا من الرغي ده (الكلام الكثير اوى ده )
عرفت منها انها بتعمل خلطه كده فى البيت بتخسس اوى وهي دي اللى خسستها
بيني وبينكم انا قلت البت دي عامله عملية تجميل وبتقول كده علشان الحسد ولا اي حاجه الله اعلم
وانا اسكت ههه ابدا
قلتلها عايزه من الخلطه العجيبه دي قالتلي من عيوني خمس دقايق وتكون عندك دخلت المطبخ مش عارفه عملت ايه طلعت بعلبه بلاستيك فيها الخلطه
وانا فاكراها هديه يعني قالتلي سعرها 800 جنيه
اي يه ؟
ليه يعني ده حقن الميثوثرابي ارخص قالتلي خدي بس وجربيها شهر وانا ححسبهالك اول مره بنص السعر 400 جنيه بس
قلت ماشي اجرب هو انا خسرانه حاجه
مافيش جربتها شهر نزل وزني 12 كيلو:ico n28:
وانا محتاجه انزل 28 كيلو
بس ما صدقتش نفسي بصراحه سحر
فين بقي المشكله انا عايزه تاني وسعرها غالي رحت طلبت منها الطريقه ابدا مافيش فايده
قلت اتكل على الله واخد واحد تاني
وانا معديه من قصادها فى المطبخ لقيتها بتحط حاجات من المطبخ بقدونس وحاجات معرفتش اعرف هي ايه انا بس لمحتها
وفعلا يا بنات الخلطه كلها حاجات طعمها مألوف اوى بس مش عارفه هي ايه
اعمل اي يه سعر البتاع ده غالي اوى اوى بس حلوه وبتخسس
ارجوكم يا بنات لو اى واحده ممكن تفيدني اعمل ايه ؟
انا بجد حتجنن
تعلوا نطلع كل الخالطات اللى مكوناتها من المطبخ
ممكن ؟