الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
LoVeLy FrAsHa
بسم الله الرحمن الرحيم
صباح الخير يا عروسات << موضوعي للعرايس بس
بنات راح اتكلم معاكم بكل اريحيه وبالعامي معليش
والله يا بنات ما كتبت الموضوع الا من قهر من النصب الي شايفتو وربي بيحاسبني لو كدبت في حرف واحد
يا بنات العرايس فريسه سهله للنصب يشوفو الوحده عروسه ينصبو عليها وخدي واشتري والمسكينه تكون محتاسه وتبغى تخلص حتاخد أي شي وينضحك عليها ..
موضوعي يا بنات عن الحمام المغربي راح احكيلكم حكايتي وانتو استعدو للصدمه
طبعا بما انو ملكتي بعد شهرين فكرت اسوي حمام مغربي وسألت بنت عمي لأنها قبل فتره اخدت بكج جلسات حمام مغربي في صالون كان عندهم عرض 8 جلسات ب 800 يعني كل جلسه بميه للآمانه انا شفت انو الحمام المغربي فرق معاها خصوصا في المسام والشعر الي يطلع تحت الجلد ودي مشكله انا اعاني منها وبنت عمي كانت زيي لكن بعد الحمام المغربي ماشاء الله صار جسمها صافي ولونها اتوحد قلت اتوكل على الله واروح الصالون دا ..
بنت عمي قالتلي اسمعي .. ترى انا سويت سته جلسات واكتفيت ما كملت وبعدها ندمت قلتلها ليش قالت مره لقيت عند العطار كرتون الحمام المغربي << اسمو كدا تروحي عند العطار وتقوليلو كرتون الحمام المغربي وتخيلو يا بنات الكرتون ب 20 ريال بس!!! << هنا كانت الصدمه الأولى
وتحلف تقول وربي انو نفس الي في الصالون يعملولي هوا بس اللهم انو هما يحطو مع الطين حق الحمام صنفره وموية ورد أي صنفره عادي تشتريها من أي صيدليه وتخلطيها مع الطين .. قالت وهما يضحكو عليكي يقولولك لو تبغي بالاعشاب تدفعي زياده تقول وربي ما حسيت انو الاعشاب فيها فايده بس كدا زيادة فلوس وخلاص هوا اهم شي ( الفرك ) < كلمة بنت عمي .. انو تكون وحده تفركلك جسمك مزبوط ..
المهم قبل امس جات عندنا صحبة اختي .. صحبة اختي دي تشتغل في صالون وتعمل حمام مغربي قلتلها انتو بكم تعملوه؟
قالت الجلسه بخمسميه قلت اوف مره كتير وحكيتها على بنت عمي قالت بنت عمك تشتري الكرتون ب 20؟؟ ليش
قالت والله قلتلها طيب ليه كدا حرام كتير 500 قالت صحبة الصالون الي حاطه الاسعار كدا قلتلها طيب الكرتون يكفي كم جلسه ؟قالت جلستين يعني يا بنات اربعه كراتين باربعين ريال تسويلك تمنيه جلسات تخيلو احسبو الفرق وشوفو
قلتلها والله مدام كدا انا ابغاكي تسويلي واحنا عندنا جهاز البخار قالت والله اسويلك وما رضيت تاخد مني ولا ريال قالت فزعه وهديتك بس عليكي الصابون حق الحمام المغربي قلتلها اوكي راح اجيب اربعه كراتين واسوي 8 جلسات 4 في شعبان و4 في رمضان واتفقنا على كدا..
الخلاصه يا بنات شوفو بقولكم وربي يحاسبني لو اني كدابه يا بنات اصحو الي بيسير نصب في نصب واي وحده تقولك ابيع شنطة حمام مغربي وفيها مدري ايش ومدري ايش كلها زيادات من عندها يعني انتي اشتري الكرتون واشتري زيت اركان برضو تلاقيه عند العطار شي مره رخيص ما يسوى واشتري صنفره واشتري زيت لوز والا أي زيت أي زياده تشوفيها في ( شنطة الحمام المغربي) والله يا بنات ما تجي على بعضها 50 ريال والتجارات يبيعوها ب200 وانتي طالعه
واشترو جهاز بخار وانا بعد ما اسوي اول جلسه راح اقولكم الطريقه بالتفصيل وانتو اعملو لنفسكم في بيتكم ووفرو فلوسكم تنفعكم انتو عرايس وعلى وجه زواج والريال الواحد يفرق معاكم والي عندها اخت والا امها خليها تساعدها وتفركلها جسمها ..
بنات ابدأو من دحين قاطعو الصوالين والتاجرات الي يبيعو شنط الحمام المغربي وابدأو بنفسكم والله الشغله ما تسوى ووالله حرام الي جالس يسير ..
أي وحده اقتنعت بكلامي وفكرتي تسجل مرورها هنا وانا راح اتواصل معاكم باذن الله وافيدكم باللي اعرفو ووالله ما ابغى منكم ولا شي بس انا زيي زيكم وعارفه الظروف الي تمر فيها العروسه وقلت انصحكم لوجه الله والله يحاسبني لو كدبت في كلمه وحده ..
الله يسعدكم يارب ويفككم من شر أي احد بينصب عليكم ويردها في وجهو ويارب يتمملكم على خير ..
في النهايه كل الي ابغاه منكم تدعولي ربي يسهل اموري ويفتحها في وجهي وينولني الي فبالي ويعطيني على قد نيتي ..
24-09-2022 - 06:58 am
بسم الله الرحمن الرحيم
صباح الخير يا عروسات << موضوعي للعرايس بس
بنات راح اتكلم معاكم بكل اريحيه وبالعامي معليش
والله يا بنات ما كتبت الموضوع الا من قهر من النصب الي شايفتو وربي بيحاسبني لو كدبت في حرف واحد
يا بنات العرايس فريسه سهله للنصب يشوفو الوحده عروسه ينصبو عليها وخدي واشتري والمسكينه تكون محتاسه وتبغى تخلص حتاخد أي شي وينضحك عليها ..
موضوعي يا بنات عن الحمام المغربي راح احكيلكم حكايتي وانتو استعدو للصدمه
طبعا بما انو ملكتي بعد شهرين فكرت اسوي حمام مغربي وسألت بنت عمي لأنها قبل فتره اخدت بكج جلسات حمام مغربي في صالون كان عندهم عرض 8 جلسات ب 800 يعني كل جلسه بميه للآمانه انا شفت انو الحمام المغربي فرق معاها خصوصا في المسام والشعر الي يطلع تحت الجلد ودي مشكله انا اعاني منها وبنت عمي كانت زيي لكن بعد الحمام المغربي ماشاء الله صار جسمها صافي ولونها اتوحد قلت اتوكل على الله واروح الصالون دا ..
بنت عمي قالتلي اسمعي .. ترى انا سويت سته جلسات واكتفيت ما كملت وبعدها ندمت قلتلها ليش قالت مره لقيت عند العطار كرتون الحمام المغربي << اسمو كدا تروحي عند العطار وتقوليلو كرتون الحمام المغربي وتخيلو يا بنات الكرتون ب 20 ريال بس!!! << هنا كانت الصدمه الأولى
وتحلف تقول وربي انو نفس الي في الصالون يعملولي هوا بس اللهم انو هما يحطو مع الطين حق الحمام صنفره وموية ورد أي صنفره عادي تشتريها من أي صيدليه وتخلطيها مع الطين .. قالت وهما يضحكو عليكي يقولولك لو تبغي بالاعشاب تدفعي زياده تقول وربي ما حسيت انو الاعشاب فيها فايده بس كدا زيادة فلوس وخلاص هوا اهم شي ( الفرك ) < كلمة بنت عمي .. انو تكون وحده تفركلك جسمك مزبوط ..
المهم قبل امس جات عندنا صحبة اختي .. صحبة اختي دي تشتغل في صالون وتعمل حمام مغربي قلتلها انتو بكم تعملوه؟
قالت الجلسه بخمسميه قلت اوف مره كتير وحكيتها على بنت عمي قالت بنت عمك تشتري الكرتون ب 20؟؟ ليش
احنا نشتريه ب 10 !!!!!!!
هنا كانت الصدمه التانيه تخيلو يا بنات عشره ريال وهما يعملو الجلسه بخمسميه انا انفجعت قلتلها من جدك؟قالت والله قلتلها طيب ليه كدا حرام كتير 500 قالت صحبة الصالون الي حاطه الاسعار كدا قلتلها طيب الكرتون يكفي كم جلسه ؟قالت جلستين يعني يا بنات اربعه كراتين باربعين ريال تسويلك تمنيه جلسات تخيلو احسبو الفرق وشوفو
قلتلها والله مدام كدا انا ابغاكي تسويلي واحنا عندنا جهاز البخار قالت والله اسويلك وما رضيت تاخد مني ولا ريال قالت فزعه وهديتك بس عليكي الصابون حق الحمام المغربي قلتلها اوكي راح اجيب اربعه كراتين واسوي 8 جلسات 4 في شعبان و4 في رمضان واتفقنا على كدا..
الخلاصه يا بنات شوفو بقولكم وربي يحاسبني لو اني كدابه يا بنات اصحو الي بيسير نصب في نصب واي وحده تقولك ابيع شنطة حمام مغربي وفيها مدري ايش ومدري ايش كلها زيادات من عندها يعني انتي اشتري الكرتون واشتري زيت اركان برضو تلاقيه عند العطار شي مره رخيص ما يسوى واشتري صنفره واشتري زيت لوز والا أي زيت أي زياده تشوفيها في ( شنطة الحمام المغربي) والله يا بنات ما تجي على بعضها 50 ريال والتجارات يبيعوها ب200 وانتي طالعه
واشترو جهاز بخار وانا بعد ما اسوي اول جلسه راح اقولكم الطريقه بالتفصيل وانتو اعملو لنفسكم في بيتكم ووفرو فلوسكم تنفعكم انتو عرايس وعلى وجه زواج والريال الواحد يفرق معاكم والي عندها اخت والا امها خليها تساعدها وتفركلها جسمها ..
بنات ابدأو من دحين قاطعو الصوالين والتاجرات الي يبيعو شنط الحمام المغربي وابدأو بنفسكم والله الشغله ما تسوى ووالله حرام الي جالس يسير ..
أي وحده اقتنعت بكلامي وفكرتي تسجل مرورها هنا وانا راح اتواصل معاكم باذن الله وافيدكم باللي اعرفو ووالله ما ابغى منكم ولا شي بس انا زيي زيكم وعارفه الظروف الي تمر فيها العروسه وقلت انصحكم لوجه الله والله يحاسبني لو كدبت في كلمه وحده ..
الله يسعدكم يارب ويفككم من شر أي احد بينصب عليكم ويردها في وجهو ويارب يتمملكم على خير ..
في النهايه كل الي ابغاه منكم تدعولي ربي يسهل اموري ويفتحها في وجهي وينولني الي فبالي ويعطيني على قد نيتي ..
التعليقات (9)
والله صصادقه الششغله استغلال + نصصب في نصصب..
الله يسعدك ويحقق لك مرادك ي عسل
الله يسعدك ويحقق لك مرادك ي عسل
مره شكرا الك ياغاليه
كنت راح اعمل حمام مغربي الاسبوع الجاي عشان عندي فرح الاسبوع الي بعدو
تيب ممكن تحكي لنا الطريقه؟
بس استحم بالصابونه؟ ولا لازم اسوي بخار وكيف؟
متشكره الك كتير ياغاليه.. ربي يوفقك ويسعدك يارب
كنت راح اعمل حمام مغربي الاسبوع الجاي عشان عندي فرح الاسبوع الي بعدو
تيب ممكن تحكي لنا الطريقه؟
بس استحم بالصابونه؟ ولا لازم اسوي بخار وكيف؟
متشكره الك كتير ياغاليه.. ربي يوفقك ويسعدك يارب
صلو على النبي 1
اهلين حبيبتي عفوا..
حبيبتي شوفي انا ماعرف الطريقه بالزبط وقلت فوق اني ان شاء الله اول ما ابدأ من اول جلسه راح اكتب لكم الطريقه بالزبط ان شاء الله ابدأ قبل مناسبتك واقولك الطريقه ..
اهلين حبيبتي عفوا..
حبيبتي شوفي انا ماعرف الطريقه بالزبط وقلت فوق اني ان شاء الله اول ما ابدأ من اول جلسه راح اكتب لكم الطريقه بالزبط ان شاء الله ابدأ قبل مناسبتك واقولك الطريقه ..
الله يفتحها في وجهك ويوفقك
وبالفعل انتبهوا من الغش منتشر في كل مكان
نسال الله الرزق الحلال
ولو حابة اي شي من برى اجيبه لك وغير متوفر هنا
وبالفعل انتبهوا من الغش منتشر في كل مكان
نسال الله الرزق الحلال
ولو حابة اي شي من برى اجيبه لك وغير متوفر هنا
وانا معاكي في كلمه قولتيهآآآآ ياآعسل
وانآآآ ايضآآآ ابي طريقة الحمام المغربي
والاشياء اللي نستخدمها فيه من زيوت وكريمات صنفرة وصابون مغربي وغيره
نتستنآآآك بفارغ الصبر
وانآآآ ايضآآآ ابي طريقة الحمام المغربي
والاشياء اللي نستخدمها فيه من زيوت وكريمات صنفرة وصابون مغربي وغيره
نتستنآآآك بفارغ الصبر
والله انك صادقة بس همهن المادة وياخذن زيادة على حقهن وانا مافكرت ابد اروح للمشغل ناوية انا اسوية بس ياليت تفيديني بجهاز البخار كيف طريقتة وش افضل نوع يجي معاه للشعر لما اسوي ماسك
انا سويت جلسه وحسيتها سوت تغيير بجمسمي بس بصراحه الجلسة الوحدة ب200 مرا حرام
فشفت الطريقه وقلت انا بسويها بنفسي راح اقول لكم ع الطريقه وغير كدا عندي كم استفسار ..
اول شي اعطتني خلطة زيوت بس مو عارفه ايش هيا بالضبط .. هيا قالت لي خذيها وحطي عليها ليمون سالتها قالت جلسرين وزيت لوز وما اعرف ايش كمان <<ابغى اعرف ايش هيا بالزبط ..
بعدين جلست ربع ساعه بالبخار ..وحطت بنفس موية البخار بابونج وورد مجفف وشي زيي اليانسون ما اعرف ايش هوا وبعدين صفتها ..
بعد ما طلعت من البخار حطت لي الصابون وجلست ربع ساعه فيه لما تقريبا نشف بعدها غسلتو وحطت لي صنفره بالبرتقال (موجوده بالصيدليات ما تتعدى 10 ريال ) وقامت تفرك بالليف المغربية .. وبس هذا هوا حمام البخار ..
وطبعا عملت دلكه بس الدلكه نفس الخلطه كانت بالترمس يعني لازم وحده تعرف تسويها بس حطتها ع جسمي وخلتها لما تنشف بعدين قامت تنزلها بزيت زيتون ..
اتمنى اكون افدتكم
بس عندي كم سؤال .. ايش هيا الزيوت اللي تنحط قبل الحمام المغربي ؟؟!!
فشفت الطريقه وقلت انا بسويها بنفسي راح اقول لكم ع الطريقه وغير كدا عندي كم استفسار ..
اول شي اعطتني خلطة زيوت بس مو عارفه ايش هيا بالضبط .. هيا قالت لي خذيها وحطي عليها ليمون سالتها قالت جلسرين وزيت لوز وما اعرف ايش كمان <<ابغى اعرف ايش هيا بالزبط ..
بعدين جلست ربع ساعه بالبخار ..وحطت بنفس موية البخار بابونج وورد مجفف وشي زيي اليانسون ما اعرف ايش هوا وبعدين صفتها ..
بعد ما طلعت من البخار حطت لي الصابون وجلست ربع ساعه فيه لما تقريبا نشف بعدها غسلتو وحطت لي صنفره بالبرتقال (موجوده بالصيدليات ما تتعدى 10 ريال ) وقامت تفرك بالليف المغربية .. وبس هذا هوا حمام البخار ..
وطبعا عملت دلكه بس الدلكه نفس الخلطه كانت بالترمس يعني لازم وحده تعرف تسويها بس حطتها ع جسمي وخلتها لما تنشف بعدين قامت تنزلها بزيت زيتون ..
اتمنى اكون افدتكم
بس عندي كم سؤال .. ايش هيا الزيوت اللي تنحط قبل الحمام المغربي ؟؟!!
كوشات الرياض→
وازيد ع كلامك عقوبة التكشف عند اللي تعمل الحمام المغربي ومايحصل من ذنوب الله يلطف بينا يارب
يعني استغرب كيف تتجرى الوحده مننا تتكشف وماتجلس الا بكلوتها وسنتيانتها كيف ينسوو ان اي مراه تزلت ثيبها في غير بيت زوجها ماتجد ريحة الجنه والعياذ بالله